Yel-wula 3:19 - A SƐB-SÕW

¹⁹ Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.

Yel-wula 3:19 ပူးပေါင်းရင်းမြစ်များ

2 Samɩɛl 7:14

Ɩ̃ na ɩ n sãà a ʋ zie, ʋʋ ɩ a ɩ̃ bidɛb. Ʋlɛ wa sãw a, ɩ̃ na kpãa ʋ na mɛ̃ a lɛ a nɩsaalbɛ na mɩ́ kpãa a, mɛ̃ sãà na mɩ́ kpãa bie a.

A Zɔb sɛbɛ 5:17

Nyɛ̃: zu-nʋ̃ɔ̀ sob'ɩ a sob nɛ a Naaŋmɩn na kpãanɛ a. A na ɩ lɛ a, taa zawrɛ a wulu a kpɛnʋ-za-sob na kʋ̀rɛ fʋ a ɩ.

Sɛb-sõw yielu 39:11

Ɛcɛ bɛr a ɩ̃ ŋmɛb lɛ, ɩ̃ bɛ cãà laar'ɩ a fʋ ŋmɩɛrʋ ɛ.

Sɛb-sõw yielu 6:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.

Sɛb-sõw yielu 69:9

Ɩ̃ lɩɛb'ɩ zawlɛ a ɩ̃ yɛbr zie, nɩr a ɩ̃ yɛbr tɩ na lãw sãà nɩ mã a na bɛ bãw a.

Sɛb-sõw yielu 94:10

Ʋl na kpãa nɩ-bʋʋr-yoru a, bɛ ƴãwnɛ dɔwrʋ bɩɩ? A Sore na mɩ́ kʋ̀ a nɩsaalbɛ a bãwfʋ a,

Zʋkpaɩ 15:10

Sob nɛ na mɩ́ bɛr a sɔr-vla a na nyɛ̃ nɩ kpãàfʋ na ta kpãàfʋ a. Sob nɛ na bɛ sàwr bɛ yere ʋ a na kpi na.

Zʋkpaɩ 15:32

Nɩr na zawrɛ a wulu bɛrɛ a ɩrɛ nɩ ʋ tʋɔra laar, ɛcɛ nɩr na sàwr a wulu a zanɛ nɩ a yã tɛrʋ.

Zʋkpaɩ 22:15

A bibiir nɔnɛ nɩ a dãbolu. A dabɔl na kpãànɛ bɛ a na ɩ na bɛ bɛr ʋ.

Ɩzayi 26:16

Sore e, a kpɩɛrʋ daar a, fʋ̃ʋ n'ʋ a nɩbɛ mɩ́ bɔbr. Fʋ̃ʋ wa ƴãwnɛ a dɔwrʋ a lɛn daar a, bɛ mɩ́ puore na 'hũ'hune nɩ.

Zeremi 10:24

Sore e, kpãa mɛ̃, ɛcɛ kpãa mɛ̃ a man. Ta kpãa mɛ̃ nɩ suur ɛ, alɛ bɛ ɩ lɛ, fʋ nãà ɩ na ɩ̃ bɛ cãà ɩ bom za ɩ.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 30:11

Bʋ̃ʋ n'ʋ vɛ̃, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru pàw pɛr, a bɛl pʋɔ ɩ̃ na diw fʋ cen nɩ a. Ɛcɛ a fʋ̃ʋ a, ɩ̃ bɛ bɔbr k'ɩ̃ɩ kʋ b pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 31:18

Ɩ̃ sɩrɩ na wõ a Efarayim tẽw nɩbɛ na kone zɛbr yere nɩ a: “Sore e, fʋ kpãa tɩ nɩ faa faa, mɛ̃ a lɛ bɛ na mɩ́ dɔwrɩ nadɛr-pɔl na bɛ sàwr cere a. Ɛcɛ ɩ tɩ lɛb wa a fʋ zie, kɛ̀ tɩ tʋ̃ɔ́ sɩrɩ lɛb wa a fʋ zie. Bʋ̃ʋ n'ʋ vɛ̃, a fʋ̃ʋ a, Sore e, fʋ̃ʋ n'ɩ a tɩ Naaŋmɩn.

Zeremi 7:28

A na ɩ à ŋá a, fʋ na yel bɛ na: “Nyɩ ɩ n a nɩ-bʋʋrɛ bɛl na bɛ bɛrɛ wone a Sore bɛ Naaŋmɩn a, nɩ-bʋʋrɛ na zawrɛ a ʋ wulu bɛrɛ a. A nyɩ zie a, a yel-mɩŋa kpi na, nɩr za bɛ cãà pore a ʋ yúor ɛ.”»

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

Matie 25:7

Lɛ n'a a pɔwsɩrali pie bɛ ŋa tɩ zaw ìr cɔbrɛ a bɛ fɩ̃tɩlɩ.

Zã 2:17

A ʋ po-tuurbɛ tɩ lɛb'a tɩɛrɩ a ƴɛ̀r-bir ŋa na sɛb a Sɛb-sõw pʋɔ a: «A fʋ yir nɔ̃wfʋ tɩɛrʋ na dɩrɛ mɛ̃ na mɛ̃ vũu a.»

Ʋrɔm 12:11

Nyɩ tone ɛ́ ta kpɛ ƴã-tuo ɩ. Nyɩ tʋlɛ a Sore tome tob ƴãw.

1 Korɛ̃tɩ 11:32

Ɛcɛ a Sore mɩ́ maal'ɩ tɩ nɩ ƴɛ̀rʋ ɛ́ kpãa tɩ, kɛ́ tɩ taa wa lãwnɩ a tẽ-daa nyɛ̃ dɔwrʋ ɛ.

2 Korɛ̃tɩ 6:9

Tɩ sãá na mɛ̃ nɩbɛ bɛ na bɛ bãw a, ɛ́ tɩ ɩ nɩbɛ bɛ na bãw vla a. Bɛ de tɩ na bʋɔlɛ na-kpi-bio mɩnɛ, ɛ́ tɩɩm n'ɩ bɛ ŋan vʋʋrɛ. Bɛ dɔwrɩ tɩ na, ɛ́ bɛ kʋ tɩ ɛ.

2 Korɛ̃tɩ 7:11

Nyɩ nyɛ̃ bom nɛ a pʋ-sãwna na tu a Naaŋmɩn a na ƴãw nyɩ ɩ a: ʋ ƴãw na nyɩ tʋlɛ, ɛ́ zɛlɛ a nyɩ sãwna suur. Bʋ̃ʋ suur nɩ bʋ̃ʋ dɛ̃bɩ̃ɛ n'a ʋ bɛ ƴãw nyɩ! Ʋ ƴãw na nyɩ bɔbr kɛ́ nyɩ nãá lɛb nyɛ̃ m, nyɩ tʋlɛ a yel-fa-maalɛ kpãàfʋ ƴãw. Nyɩ ɩ n bom za wul kɛ́ nyɩ bɛ tɛr sãwna a yel ŋa pʋɔ ɩ.

Galasi 4:18

Fʋ na mĩine a vla ƴãw a, bʋ̃-vla n'ʋ, ɛcɛ a mɩ́ ɩ kʋralɛ, ɛ́ ta ɩ ɩ̃ na mɩ́ wa be a nyɩ sɔgɔ a tɛwr ɛ.

Wulu-ayi-sob 8:5

A na ɩ lɛ a, nyɩ bãwnɩ a vla k'aa Sore nyɩ Naaŋmɩn n'ʋ bɔbr k'ʋʋ wul nyɩ, mɛ̃ sãà na wule a ʋ bidɛb a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

Yel-wula 2:5

A na ɩ lɛ a, lɛb tɩɛrɩ a be za fʋ na yi kɛ́ wa lo a! Lɩɛbɩ a fʋ ɩb ɛ́ lɛb de a fʋ dãwdãw ɩ-ɩrɩ. Fʋ̃ʋ bɛ wa lɩɛbɩ a fʋ ɩb a, ɩ̃ waar'ɩ a fʋ zie, ɩ̃ɩ na wa ír'ɩ a fʋ fɩ̃tɩlɛ a ʋ beba zie bɛr.