Yel-wula 3:18 - A SƐB-SÕW

¹⁸ Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.

Yel-wula 3:18 ပူးပေါင်းရင်းမြစ်များ

Sɛb-sõw yielu 107:11

bɛ na bɛ tɩ tu a lɛ a Naaŋmɩn na yel a ƴãw, bɛ na bɛ tɩ ŋmɛlɩ kaa a lɛ a Naaŋmɩn-na-do-saa-bɛ-pɩɛl-a na tɩɛrɩ a yele bin a.

Sɛb-sõw yielu 16:7

Ɩ̃ puore nɩ a Sore na wule mɛ̃ yã a yãanɩ: a tɩ̃ɩsɔw mɩ̀ saa n'a a, a ɩ̃ tɩɛrʋ mɩ́ kpaalɛ mɛ̃ na.

Sɛb-sõw yielu 32:8

A Sore yere na, ɩ̃ na wule fʋ na, ɛ́ wule fʋ a sɔ́r fʋ na na tuur a. Ɩ̃ na wule fʋ nɩ yã ɛ́ jɩ́rɛ fʋ.

Sɛb-sõw yielu 73:24

fʋ tɛr mɛ̃ na lo n a sɔ́r, wule mɛ̃, al pùorí fʋ na de m'ɩ a fʋ vɩɛlʋ pʋɔ.

Zʋkpaɩ 1:25

Nyɩ zawr'ɩ a ɩ̃ wulu za bɛr, ɛ́ bɛ sàw de a ɩ̃ kpãàfʋ zaa pʋrɩlɛ ɩ.

Zʋkpaɩ 1:30

Nyɩ zawr'ɩ a yã ɩ̃ na wule nyɩ a, ɛ́ bɛ ŋmɛlɩ kaa a ɩ̃ kpãàfʋ ɛ.

Zʋkpaɩ 19:20

Bɛrɛ wone a yã bɛ na wule fʋ a, sàwr a kpãàfʋ, ɛ́ fʋ nãà wa lɩɛb'ɩ yã-bãwnɛ.

Zʋkpaɩ 23:23

Zanɩ a yel-mɩŋa yelu, a tɩ́ɛrʋ tɛrʋ ɛ́ nɔnɛ a wulu na vɩɛl a nɩ a yã. Ɛ́ fʋ̃ʋ wa tɛr a yel-vɩɛlɩ á ŋá baar'a, fʋ̃ʋ taa sãwnɛ a bɛrɛ ɩ.

Ekilezɩasɩ 8:2

Ɩ̃ yere na: Sàwr a nãà nɛ́ɛ mɛ̃ a lɛ fʋ na pɔ a Sore niŋé a.

Ɩzayi 47:3

A nɩbɛ na nyɛ̃ nɩ a fʋ faalʋ, bɛ na nyɛ̃ nɩ a ʋlɩ bom nɛ na ɩrɛ fʋ vĩ a. Ɩ̃ na yáa nɩ a san, ɛ́ nɩr za kʋ̃ piw mɛ̃ sɔ́r ɛ.

Ɩzayi 55:1

Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.

Zeremi 13:26

Ɩ̃ mɩ̀ na vaar'ɩ a fʋ kparʋ do tɩ tɔ n a fʋ niwn, ɛ́ bɛ na nyɛ̃ nɩ a fʋ faalʋ.

Mise 1:11

Safɩɩr tẽw dem i, nyɩ yi lo a tẽ-yũo sɔ́r, nyɩ tɔlɛ nɩ a nyɩ ƴã-gã-kpãkpole vĩ. A Saanan tẽw dem bɛ sàwr yire a bɛ tẽw pʋɔ ɩ. A Bɛtɩ-Esɛl tẽw dem kone na, taw-lanʋ zie kãw za bɛ cãà be a ʋ pʋɔ ɩ.

Nahum 3:5

A Sore, a Kpɛnʋ-za-sob, yere na kʋ̀rɛ ʋ: Mãa n'ɩ ŋan ìr a fʋ ƴãw, ɩ̃ na vaar'ɩ a fʋ kparʋ do n tɩ tɔ a fʋ niwn, ɩ̃ na wul'ɩ a fʋ faalʋ a nɩ-bʋʋr-yoru, bɛ za na nyɛ̃ nɩ a fʋ vĩ.

Malasɩ 3:3

Ʋ na zɩ̃ na nyɩl a salm-pla ír a dɛwr bɛr ʋ vɩɛl. A bàwr-maalbɛ na ɩ a Levi bʋʋrɛ a, ʋ na cɔbrɩ bɛ na bɛ vɩɛl, ʋ na ɩ na bɛ vɩɛl, mɛ̃ a lɛ bɛ na mɩ́ ɩ salm-zɩɛ nɩ salm-pla a vɩɛl a. Lɛ n'a bɛ na tʋ̃ɔ́ mɩ́ kʋ̀ de-kʋ̀b bome a Sore, mɛ̃ a lɛ a na tu sɔ́r a.

Matie 13:44

«A tẽ-vla Naalʋ ŋmɛ̃ na mɛ̃ na-bom bɛ na sɔwlɩ púo pʋɔ a. Nɩr kãw nyɛ̃ ʋ na de lɛb bãw sɔwlɩ, ɛ́ nʋ̃ɔ̀ za ɩrɛ ʋ, ʋ kul tɩ de a ʋ bʋ̃-tɛrɩ za kʋɔrɩ dà n a púo ʋl.

Matie 25:9

A bɛl na cɩ a, tɩ sɔw bɛ na: “Towtow! A kʋ̃ tʋ̃ɔ́ ta tɩɩm nɩ a nyɩɩm ɛ. Alɛ sa kɛ́ nyɩ cen a yɛ-yɛrbɛ zie tɩ da a nyɩ dem.”

Luka 12:21

A Yeezu tɩ yel a ƴãw pʋɔ: «À ŋá n'a a mɩ́ ŋmɛ̃ a ʋlɩ sob nɛ zie na bɔbr a naalʋ ʋl yõ ƴãw a, ɛ́ bɛ bɔbr k'ʋʋ kpɛ naalʋ a Naaŋmɩn ƴãw a.»

2 Korɛ̃tɩ 5:3

Bʋ̃ʋ n'ʋ vɛ̃, tɩ na su n bom, tɩ kʋ̃ ɩ ƴã-gã-zawla ɩ.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

Yel-wula 16:15

«Nyɛ̃, ɩ̃ waar'a mɛ̃ nyãnyuge a! Zu-nʋ̃ɔ̀ sob'ɩ sob nɛ na bɛr gʋ̃ɔ ɛ́ tɛr a ʋ bʋ̃-suuri, k'ʋʋ taa wa cere nɩ ƴã-gã-zawla bɛ nyɛ̃ a ʋ faalʋ a ɩrɛ ʋ vĩ a ɩ.»

Yel-wula 19:8

Pɛn-pla saala na vɩɛl nyɩwrɛ a kparʋ n'ʋ bɛ kʋ̀ ʋ ʋ su.» A pɛn-pla saala wule nɩ a Naaŋmɩn nɩ-bʋʋrɛ ɩ-ɩrɩ na tori a.

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.

Yel-wula 3:17

Fʋ yere nɩ à ŋá: “Ɩ̃ tɛr a na, ɩ̃ kpɛ n naalʋ, bom za tuo bɛ kpɩɛr mɛ̃ ɩ.” Ɛ́ nɩ̃ɛ bɛ bãw kɛ́ fʋ bɛ tɛr ŋmɛ̃a ɩ, kɛ́ fʋ ɩrɛ nɩ nɩbaalʋ, kɛ́ fʋ ɩ n nã́w sob, zɔ̃w ɛ́ ɩ ƴã-gan zawla ɩ!

Yel-wula 4:4

Naalʋ dà-kɔwr lɩzɛr'ɩ anaar tɩ viir'a koli a naalʋ-dà-kɔw, ɛ́ nɩ-kore lɩzɛr'ɩ anaar na su kpar-pɛlɛ ɛ́ vɔblɩ nãà-kpawʋʋr na ɩ salm-zɩɛ a tɩ zɩ̃ a dà-kɔwr al zu.

Yel-wula 7:13

A nɩ-kore ƴen sob tɩ de nɩ a ƴɛ̀rʋ sowri mɛ̃: «Ãa mɩnɛ n'ɩ a nɩbɛ bɛ ŋa na su a kpar-wowr pɛlɛ a, ɛ́ nyɩnɛ n'a bɛ yi wa?»