Yel-wula 22:6 - A SƐB-SÕW

⁶ Al pùorí, a malkɩ tɩ yel mɛ̃ na: «A ƴɛ̀rʋ á ŋá ɩ n sɩza ɛ́ bɛ tɛr bʋnʋ ɛ. A Sore Naaŋmɩn na mɩ́ kʋ̀ a tɩɛrʋ a ʋ ƴɛ̀r-manbɛ a, ʋlɛ n'ʋ tõ a ʋ malkɩ ʋ wa wul a ʋ tõ-tõ-biir a yele na kʋ̃ yaa kɛ́ ta a.»

Yel-wula 22:6 ပူးပေါင်းရင်းမြစ်များ

Yele-za-pɛr-tib 41:32

A zánʋ fʋ na zanɩ a gb'a ayi a, a wul'a k'aa Naaŋmɩn yel'ɩ a ʋlɩ bom nɛ ʋ na na ɩ a baarɩ, nɩ k'ʋʋ kʋ̃ yaa kɛ́ ɩ ʋ ɛ.

Matie 13:41

a Nɩsaal Bie na tõ n a ʋ malkɩ mɩnɛ a ʋ Naalʋ tẽw pʋɔ, bɛ wa tuur'ɩ a bɛlɩ dem za na ɩrɛ a bɛ taabɛ bɛ farɛ lore a, nɩ a bɛlɩ dem za na ɩrɛ ɩ-faar a,

Luka 1:70

À à ŋá n'a ʋ tɩ ƴãw a ʋ ƴɛ̀r-man-son yel a koro za,

Luka 16:16

«A Naaŋmɩn wulu nɩ a naaŋmɩn-ƴɛ̀r-manbɛ wulu tu na tɩ ta a Zã-Bati daar. Ɛcɛ a na tĩ a Zã-Bati daar a, a nɩbɛ wõ n a Naaŋmɩn Naalʋ Yel-nʋ̃ɔ̀ bɛ na hier'a, ɛ́ nɩsaal za mɩ́ ƴãw fãw bɔbr k'ʋʋ kpɛ a Naaŋmɩn Naalʋ pʋɔ.

Nɩ-toni 12:11

A Pɩɛr niwn tɩ cɩ na ʋ yel: «Ƴɛrɛŋa a, ɩ̃ bãwnɩ a nɩ yel-mɩŋa kɛ́ a Sore tõ n a ʋ malkɩ ʋ wa faa mɛ̃ a Erɔdɩ nuru pʋɔ, nɩ a lɛ a Zifʋ mɩnɛ na tɩ gùre kɛ́ bɛ wa ɩ m a.»

Nɩ-toni 3:18

Ɛ́ à ŋá n'a a Naaŋmɩn mɩ̀ tu maalɩ a ʋlɩ bom nɛ ʋ na dãw ƴãw a ʋ ƴɛ̀r-manbɛ za yel a: a ʋ Nɩ-kabra na na wõ a tuo a.

Ʋrɔm 1:2

A Yel-nʋ̃ɔ̀ ŋa a, a Naaŋmɩn tɩ dãw na yel a ʋ ƴɛ̀r-manbɛ zie, a Sɛb-son pʋɔ k'ʋʋ na yel'a.

1 Korɛ̃tɩ 14:32

A naaŋmɩn-ƴɛ̀r-manɛ so a naaŋmɩn-ƴɛ̀r-manɛ tɩɛrʋ na ƴãw ʋ ƴɛ̀rɛ a.

1 Korɛ̃tɩ 7:29

Yɛbr i, yel ŋa n'ʋ ɩ̃ bɔbr k'ɩ̃ɩ yel: a nɩdaar bɛ cãà zãá ɩ. Dɩ̃a na ta a, a pɔw-tɛrbɛ, bɛ ɩ mɛ̃ bɛ bɛ tɛr pɔwbɛ a,

2 Tesalonikɩ 1:7

ɛ́ kʋ̀ pɩ̃ɛnʋ a nyɩɩm na wone a tuo lãwnɩ a tɩɩm a, a lɛn daar ʋ na na sãá a salom zu nɩ a ʋ kpɛnʋ malkɩ mɩnɛ a.

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.

2 Pɩɛr 1:21

Bʋ̃ʋ n'ʋ vɛ̃, naaŋmɩn-ƴɛ̀r-manɛ ƴɛ̀rʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛ̀r a Naaŋmɩn yúor ƴãw.

2 Pɩɛr 3:2

Nyɩ lɛb tɩɛrɩ a ƴɛ̀rʋ al a naaŋmɩn-ƴɛ̀r-man-son na tɩ dãw ƴɛ̀r a, nɩ a Sore nɩ a Faarɛ nɔ-ƴãwna a nyɩ nɩ-toni na lʋɔrɩ kʋ̀ nyɩ a.

Yel-wula 1:1

A yel-wula a Yeezu Kɩrɩta na páw a, a sɛbɛ ŋa pʋɔ n'a ʋ be. Naaŋmɩn wul ʋ nɩ a yel ŋa, k'aa Yeezu Kɩrɩta ɩ a Naaŋmɩn tõ-tõ-biir bãw a yel ʋl na kʋ̃ yaa kɛ́ ta a. A Kɩrɩta tõ n a ʋ malkɩ a ʋ tõ-tone Zã zie, k'ʋʋ tɩ ɩ ʋ bãw a yel ŋa.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 19:9

A malkɩ tɩ yel mɛ̃ na: «Sɛb yel: zu-nʋ̃ɔ̀ dem'ɩ a bɛl bɛ na bʋɔlɩ kɛ́ bɛ wa a Pele kul-taa cuw dɩb zie a.» Ʋ tɩ lɛb'a yel mɛ̃: «A ƴɛ̀rʋ á ŋá ɩ n Naaŋmɩn ƴɛ̀rʋ tɛɛ za.»

Yel-wula 21:5

Lɛ n'a a sob nɛ na zɩ̃ a naalʋ-dà-kɔw zu a tɩ yel: «Ƴɛrɛŋa a, ɩ̃ maalɛ nɩ a bome za a ɩ paalɛ.» Al pùorí ʋ yel mɛ̃: «Sɛb k'aa ƴɛ̀r-bie á ŋá ɩ n sɩza ɛ́ bɛ tɛr bʋnʋ towtow ɛ.»

Yel-wula 21:9

A malkɩ mɩnɛ ayopõi na tɩ tɛr a koli-nyúuri ayopõi na paalɩ a baarʋ daar bʋ̃-faar ayopõi a, a bɛ ƴen sob tɩ wa na wa yel mɛ̃: «Wa, ɩ̃ wa wul fʋ a pɔw-sãan, a Pele pɔw.»

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»

Yel-wula 22:7

A Yeezu yel'a: «Nyɛ̃, ɩ̃ kʋ̃ yaa kɛ́ wa ɩ! Zu-nʋ̃ɔ̀ sob'ɩ a sob nɛ na maal tɛr a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a!»

Yel-wula 4:1

À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a. A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»