Yel-wula 22:20 - A SƐB-SÕW

²⁰ A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!

Yel-wula 22:20 ပူးပေါင်းရင်းမြစ်များ

A Yielu za pʋɔ yiel-vla vla 8:14

«Ɩ̃ nɩ-nɔna a, yi zaa a ka fɔ̃w fɔ̃w! Zɔrɛ mɛ̃ mɔlʋ bɩɩ mɛ̃ wal-bile a, tɩ do a tan na nyùur vla a zu!»

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Zã 21:25

A Yeezu cãà na lɛb maalɩ yel-yaga yaga: bɛlɛ tɩ sɛbr a za been been a, ɩ̃ tɩɛrɛ k'aa tẽ-daa za kʋ̃ʋ tʋ̃ɔ́ de a sɛbr bɛ nãá sɛb a ɩ.

1 Korɛ̃tɩ 16:22

Nɩr bɛ wa nɔnɛ a Sore a, ʋ ɩ nɩ-ŋmɛ-ƴãwna. Marana ta (Tɩ Sore e, wa!)

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Ebre 10:37

Bʋ̃ʋ n'ʋ vɛ̃, bɛ sɛb'ɩ à ŋá: «Blãlɛ n'a cãà cɛ, zaa pʋrɩlɛ, ɛ́ a sob nɛ na waar a na wa, ʋ kʋ̃ cɛlɩ ɛ.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Yel-wula 1:2

A Zã dɩ n a dãsɩɛ k'aa al za ʋ na nyɛ̃ a ɩ n Naaŋmɩn ƴɛ̀rʋ nɩ yel-mɩŋa a Yeezu Kɩrɩta na wul a.

Yel-wula 2:16

A na ɩ à ŋá a, lɩɛbɩ a fʋ ɩb. Alɛ bɛ ɩ lɛ a, ɩ̃ kʋ̃ yaa kɛ́ wa a fʋ zie ɩ, ɩ̃ɩ na zɛb'ɩ nɩ a nɩbɛ bɛl nɩ a zɛbr-sɔ-kpɛ̃ɛ na be a ɩ̃ nʋɔrɩ́ a.

Yel-wula 22:10

Ʋ tɩ lɛb'a yel mɛ̃: «Taa sɔwlɛ a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a bɛrɛ ɩ, bʋ̃ʋ n'ʋ vɛ̃, a daar ʋl a Naaŋmɩn na ƴãw a pɩɛl'a.

Yel-wula 22:12

A Yeezu yel'a: «Ɩ̃ kʋ̃ yaa kɛ́ wa ɩ! Ɩ̃ɩ na tɛr'ɩ a sã-ya wa n, mɩ́ wa ya ŋa za manɩ nɩ a ʋ tome.

Yel-wula 22:18

A mãa Zã, yel-mɩŋa n'a ɩ̃ yere kʋ̀rɛ nɩr za na wone a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a: nɩr wa dɔwlɛ bom a, Naaŋmɩn na dɔwl'ʋ nɩ a bʋ̃-faar al bɛ na manɛ a sɛbɛ ŋa pʋɔ a.

Yel-wula 22:7

A Yeezu yel'a: «Nyɛ̃, ɩ̃ kʋ̃ yaa kɛ́ wa ɩ! Zu-nʋ̃ɔ̀ sob'ɩ a sob nɛ na maal tɛr a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a!»