Yel-wula 22:19 - A SƐB-SÕW

¹⁹ Ɛ́ nɩr wa ír bom bɛr a naaŋmɩn-ƴɛ̀r-manɛ ƴɛ̀rʋ pʋɔ na be a sɛbɛ ŋa pʋɔ a, a nyɔ-vʋʋrʋ tɩɛ wɔmɛ nɩ a tẽ-sõw yele bɛ na manɩ a sɛbɛ ŋa pʋɔ a, Naaŋmɩn mɩ̀ na ír'ɩ a ʋ dem bɛr.

Yel-wula 22:19 ပူးပေါင်းရင်းမြစ်များ

Sɛb-sõw yielu 69:28

Dier a bɛ sãwna za ɓanɛ taa, ɛ̀ bɛ taa wa sãanɛ nɩ-mɩn a fʋ niŋé ɩ.

Eziptɩ tẽw yib 32:33

A Sore tɩ sɔw na: «A bɛlɩ dem na maalɩ a yel-bier sãw mɛ̃ a, bɛl yée n'a ɩ̃ na sãw bɛr a ɩ̃ sɛbɛ pʋɔ.

Zʋkpaɩ 30:6

Taa dɔwlɛ bom a ʋ ƴɛ̀rʋ zu ɛ, alɛ bɛ ɩ lɛ, ʋ na yere fʋ na, ɛ́ yel kɛ́ fʋ ɩ n zir-ŋmarɛ.

Luka 11:52

Baw-bio dem n'ɩ nyɩ, Naaŋmɩn wulu bãw-bãw-karɩ ɩ! Nyɩ sɔwl'ɩ a Naaŋmɩn yele bãwfʋ dɩ̃dɔr pĩi. A nyɩɩm tɛɛ za bɛ kpɩɛr ɛ, ɛ́ mɩ̀ bɛ lɛb sàwr a bɛlɩ dem na bɔbr a kpɛb a, ɛ́ bɛ kpɛ ɩ.»

Wulu-ayi-sob 4:2

Nyɩ taa dɔwlɛ bom za a nɛ-ƴãwnɩ zu, a Sore nyɩ Naaŋmɩn na ƴãw ɩ̃ kʋ̀ nyɩ a ɩ, nyɩ mɩ̀ taa íre bom za bɛrɛ ɩ: nyɩ tuur a za.

Yel-wula 1:3

Zu-nʋ̃ɔ̀ sob'ɩ sob nɛ na kanɛ a sɛbɛ ŋa a, zu-nʋ̃ɔ̀ dem'ɩ a bɛlɩ dem na bɛrɛ wone a naaŋmɩn-ƴɛ̀r-manɛ ƴɛ̀rʋ, ɛ́ maal tɛr a yele al na sɛb a sɛbɛ ŋa pʋɔ a vla a! Bʋ̃ʋ n'ʋ vɛ̃, a daar pɩɛl'a a na na ta a.

Yel-wula 11:2

Ɛcɛ, bɛr a Ŋmɩn-yir yẽw davʋra. Taa manɛ ʋ ɛ, bʋ̃ʋ n'ʋ vɛ̃, bɛ bɛr ʋ na kʋ̀ a nɩ-bʋʋr-yoru, bɛ na nɛb a tẽ-sõw tɩ ta cuwr lɩz'a ayi nɩ ayi.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

Yel-wula 14:13

Al pùorí, ɩ̃ tɩ wõ n kɔkɔr a salom zu ʋ yere a ɩ̃ zie: «Sɛb yel: “Zu-nʋ̃ɔ̀ dem'ɩ a bɛl na tĩ kpiir a ƴɛrɛŋa ɛ́ lãw nɩ a Sore a!” A Naaŋmɩn Vʋʋrʋ yere na: “Sɩza n'a, bɛ na tʋ̃ɔ́ na pɩ̃ɛnɛ nɩ a bɛ bàlʋ bɛ na nyɛ̃ a, bʋ̃ʋ n'ʋ vɛ̃, a bɛ tome sã-ya tuur bɛ na.”»

Yel-wula 2:11

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, a kũu ayi sob bɛ páwr ʋ ɛ.»

Yel-wula 2:26

Sob nɛ na na zɛb tʋ̃ɔ́, ɛ́ tõ a ɩ̃ tome tɩ ta n a baarʋ daar a, ɩ̃ na kʋ̀ ʋ nɩ fãw a nɩ-bʋʋrɛ zu, mɛ̃ a lɛ a mãa mɩŋa na páw fãw a ɩ̃ Sãà zie a. Gãda-ɩb'a ʋ na tɛr kaarɛ nɩ a bɛ zie, ɛ́ mɩ́ ŋmɛr bɛ bɛr mɛ̃ yawra bʋ̃-mɩɛrɩ a. Ɩ̃ mɩ̀ na kʋ̀ ʋ nɩ a zi-vɩɛ-ŋmara.

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.

Yel-wula 21:5

Lɛ n'a a sob nɛ na zɩ̃ a naalʋ-dà-kɔw zu a tɩ yel: «Ƴɛrɛŋa a, ɩ̃ maalɛ nɩ a bome za a ɩ paalɛ.» Al pùorí ʋ yel mɛ̃: «Sɛb k'aa ƴɛ̀r-bie á ŋá ɩ n sɩza ɛ́ bɛ tɛr bʋnʋ towtow ɛ.»

Yel-wula 22:12

A Yeezu yel'a: «Ɩ̃ kʋ̃ yaa kɛ́ wa ɩ! Ɩ̃ɩ na tɛr'ɩ a sã-ya wa n, mɩ́ wa ya ŋa za manɩ nɩ a ʋ tome.

Yel-wula 22:2

Ʋ tɩ zɔrɛ nɩ a tẽw laɩ sɔwlɩsɔw. A nyɔ-vʋʋrʋ tɩɛ tɩ àr'ɩ a man kõkowe ƴãw, mɩ́ wɔ̃ gb'a a pie nɩ ayi yũon za, cuw za ʋ mɩ́ wɔ̃ na, ɛ́ a ʋ váar ɩ tɩ̃ɩ sanɛ a ten ten nɩbɛ.

Yel-wula 22:7

A Yeezu yel'a: «Nyɛ̃, ɩ̃ kʋ̃ yaa kɛ́ wa ɩ! Zu-nʋ̃ɔ̀ sob'ɩ a sob nɛ na maal tɛr a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a!»

Yel-wula 3:12

Sob nɛ na na zɛb tʋ̃ɔ́ a, ɩ̃ na ɩ na ʋ ɩ kpul a ɩ̃ Naaŋmɩn yir pʋɔ, ʋʋ kʋ̃ yi zaa a ʋ pʋɔ towtow ɛ. Ɩ̃ na sɛb'ɩ a ɩ̃ Naaŋmɩn yúor ƴãw a ʋ zu, nɩ a ɩ̃ Naaŋmɩn tẽ-kpɛ̃ɛ yúor, a Zerizalɛm paala na yi a ɩ̃ Naaŋmɩn zie a salom zu siwr a. Ɩ̃ mɩ̀ na sɛb'ɩ a ɩ̃ yo-paala ƴãw a ʋ zu.

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.