Yel-wula 22:17 - A SƐB-SÕW

¹⁷ A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

Yel-wula 22:17 ပူးပေါင်းရင်းမြစ်များ

Sɛb-sõw yielu 34:8

A Sore malkɩ mɩ́ àr'a gù a bɛlɩ dem na zɔrɛ a Sore a, ɛ́ mɩ́ faa bɛ.

Ɩzayi 12:3

Nyɩ na 'wɔ̃w nɩ kʋ̃ɔ nɩ nʋ̃ɔ̀ a faafʋ bul-nɛ́ɛ ƴãw.

Ɩzayi 2:3

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na tɩ wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Ɩzayi 2:5

Nyɩ wa, Zakɔb yir dem i! Nyɩ ɩ tɩ cere a Sore cãà pʋɔ.

Zeremi 50:5

Bɛ na sowr'a bãw a sɔ́r na cere a Sɩyɔ̃ a, ɛ́ bɛ na lɩɛb'ɩ a niŋe cɔw a ʋ lowr. Bɛ na wa na wa lãw nɩ mɛ̃, wõ-taa na be kʋralɛ a pʋɔ, wõ-taa bɛ na kʋ̃ yiiri bɛr towtow a pʋɔ.

Ezekɩɛl 47:1

A nɩr nɛ tɩ lɛb'a tɛr mɛ̃ wa n a Ŋmɩn-yir-kpɛ̃ɛ dɩ̃dɔr nʋɔr. Lɛ n'a ɩ̃ tɩ nyɛ̃ kʋ̃ɔ a bule yire a dɩ̃dɔr pile a saa-pɛrɩ́. Bʋ̃ʋ n'ʋ vɛ̃, a Ŋmɩn-yir-kpɛ̃ɛ niwn tɩ tori nɩ a saa-pɛrɩ́. A kʋ̃ɔ tɩ gbɔlɛ nɩ a Ŋmɩn-yir-kpɛ̃ɛ saa-pɛrɩ́-dʋrʋ-lowr ɛ́ tɩ tɔlɛ a bàwr-maal-kuur saa-pɛrɩ́-dʋrʋ-lowr.

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Zã 1:37

A ʋ po-tuurbɛ ayi bɛl na tɩ wõ a lɛ ʋ na yel a, bɛ tu n a Yeezu.

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Zã 4:11

A pɔw lɛb yel a Yeezu: «Sore e, fʋ bɛ tɛr bʋ̃-'wɔ̃wna ɩ, ɛ́ a bule zulme, nyɩnɛ n'a fʋ na páw a kʋ̃ɔ na bùle yire a?

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 4:29

«Nyɩ wa nyɛ̃ nɩr kãw na yel a alɩ bome nɛ za ɩ̃ na ɩ a kʋ̀ m a, ʋlɛ taa wa n'ɩ a Kɩrɩta ʋ?»

Zã 7:37

A cuw bibi-pɛ-baara, na ɩ a bibi-kpɛ̃ɛ za a, a Yeezu tɩ àr'a yere kpɛ̃w za: «Kʋ̃ɔ-nyúur wa kpɩɛr nɩr a, ʋ wa a ɩ̃ zie wa nyũ,

Ʋrɔm 3:24

Ɛcɛ, a ʋ nɔ̃wfʋ zũú a, Naaŋmɩn ɩ na bɛ ɩ nɩ-mɩn a ʋ niŋé zawlalɛ, a faafʋ bɛ na páw a Yeezu Kɩrɩta ƴãw a zũú.

1 Korɛ̃tɩ 2:12

Tɩɩm a, tɩ bɛ páw a tẽ-daa vʋʋrʋ ɛ, Vʋʋrʋ na yi Naaŋmɩn zie a n'ʋ tɩ páw, kɛ́ tɩ tʋ̃ɔ́ bãw a maalʋ a Naaŋmɩn na kʋ̀ tɩ a.

Yel-wula 14:13

Al pùorí, ɩ̃ tɩ wõ n kɔkɔr a salom zu ʋ yere a ɩ̃ zie: «Sɛb yel: “Zu-nʋ̃ɔ̀ dem'ɩ a bɛl na tĩ kpiir a ƴɛrɛŋa ɛ́ lãw nɩ a Sore a!” A Naaŋmɩn Vʋʋrʋ yere na: “Sɩza n'a, bɛ na tʋ̃ɔ́ na pɩ̃ɛnɛ nɩ a bɛ bàlʋ bɛ na nyɛ̃ a, bʋ̃ʋ n'ʋ vɛ̃, a bɛ tome sã-ya tuur bɛ na.”»

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 21:9

A malkɩ mɩnɛ ayopõi na tɩ tɛr a koli-nyúuri ayopõi na paalɩ a baarʋ daar bʋ̃-faar ayopõi a, a bɛ ƴen sob tɩ wa na wa yel mɛ̃: «Wa, ɩ̃ wa wul fʋ a pɔw-sãan, a Pele pɔw.»

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»