Yel-wula 22:16 - A SƐB-SÕW

¹⁶ «A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»

Yel-wula 22:16 ပူးပေါင်းရင်းမြစ်များ

Ɩzayi 11:1

Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

Ɩzayi 14:12

Ŋmɩŋmɩn za n'a fʋ yi a salom zu lo, fʋ̃ʋ, zi-vɩɛ-ŋmar-bir-nyɩwra? Ŋmɩŋmɩn za n'a bɛ lɔb fʋ bɛr a tẽw zu, fʋ̃ʋ na mɩ́ tɩ tʋ̃ɔ́ a nɩ-bʋʋrɛ a?

Zakari 6:12

ɛ́ yel ʋ: “À ŋá n'a a Sore, a Kpɛnʋ-za-sob, yere: Nɩr be n a ka, a yúor dɩ kɛ́ “Bʋ̃-bul”, a nyɔ-vʋʋrʋ na búle nɩ a ʋ gbɛ́ɛ bɔwrɩ pʋɔ, ɛ́ ʋlɛ n'ʋ na lɛb mɛ a ɩ̃ yir-kpɛ̃ɛ,

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Matie 1:1

A Yeezu Kɩrɩta, a Daviir bidɛb, a Abraham bidɛb sãàkʋm-kore yée sɛbɛ n'ɩ à ŋà.

Matie 2:2

Bɛ tɩ sowr'a: «Nyɩnɛ n'a a Zifʋ mɩnɛ nãà na dɔw a daar yɩ̃ɛ ŋa a be? Tɩ nyɛ̃ nɩ a ʋ ŋmar-bir a Saa-pɛrɩ́ ɛ́ wa kɛ́ tɩ wa puor'ʋ nɩ tɩ tʋɔra-siwru.»

Matie 22:42

«Ŋmɩŋmɩn n'a nyɩ tɩɛrɛ a Nɩ-kabra ƴãw? Ãa bʋʋrɛ n'ʋ?» Bɛ tɩ sɔw na: «Daviir bʋʋrɛ n'ʋ.»

Matie 22:45

A na ɩ à ŋá a, a Daviir wa bʋɔlɛ ʋ: Sore a, ŋmɩŋmɩn n'a ʋ ɩ a ʋ bie?»

Luka 1:78

a tɩ Naaŋmɩn nɔ̃wfʋ na bɛ tɛr baarʋ a bãwfʋ n'ɩ à ŋà. A nɔ̃wfʋ ŋa ƴãw n'a, a saa-zu mʋ̃tɔ̃w na pure a ta tɩ.

Luka 20:44

A Daviir bʋɔlɛ ʋ nɩ ʋ Sore, ŋmɩŋmɩn n'a ʋ na ɩ a Daviir bʋ̃-dɔwra?»

Ʋrɔm 15:12

Ɩzayi mɩ̀ cãà na yere: «A Zese bʋʋrɛ nɩr na wa na, ʋ na ìr'a dɩrɛ naalʋ a nɩ-bʋʋr-yoru zu, ɛ́ bɛ na ƴãw nɩ a bɛ tɩɛrʋ a ʋ ƴãw.»

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

2 Pɩɛr 1:19

Ɛ́ lɛb waar, tɩ nyɛ̃ na k'aa naaŋmɩn-ƴɛ̀r-manbɛ ƴɛ̀rʋ sɩrɩ na tɛr fãw, ɛ́ nyɩ tɛr'ɩ yel-mɩŋa nyɩ na sàw cɛlɛ a ƴɛ̀rʋ á ŋá zie a. Nyɩ de a a ɩ mɛ̃ fɩ̃tɩlɛ na caalɛ lige pʋɔ a, ɛ́ gù a zi-vɩɛ-ŋmar-bir nãà wa pur a nyɩ socie pʋɔ a.

Yel-wula 1:1

A yel-wula a Yeezu Kɩrɩta na páw a, a sɛbɛ ŋa pʋɔ n'a ʋ be. Naaŋmɩn wul ʋ nɩ a yel ŋa, k'aa Yeezu Kɩrɩta ɩ a Naaŋmɩn tõ-tõ-biir bãw a yel ʋl na kʋ̃ yaa kɛ́ ta a. A Kɩrɩta tõ n a ʋ malkɩ a ʋ tõ-tone Zã zie, k'ʋʋ tɩ ɩ ʋ bãw a yel ŋa.

Yel-wula 1:11

Ʋ tɩ yere na: «Sɛb a ʋlɩ bom fʋ na nyɛrɛ a ƴãw sɛbɛ pʋɔ tɩr kʋ̀ a Lãw-yie ayopõi á ŋá: Efɛɛzɩ, Sɩmɩɩr, Pɛrgam, Tɩatɩɩr, Sardɩ, Fɩladɛlfɩ nɩ Lawdise.»

Yel-wula 1:4

Mãa Zã, mãa n'ʋ puore a Lãw-yie ayopõi na be a Azi tẽw vuo pʋɔ a nɩbɛ: a Naaŋmɩn na be, dãw be ɛ́ waar a, ʋ kʋ̀ nyɩ a maalʋ nɩ a ƴã-ɓaarʋ. A vʋʋrʋ ayopõi na be a ʋ naalʋ-dà-kɔw niŋé a, a kʋ̀ nyɩ a maalʋ nɩ a ƴã-ɓaarʋ.

Yel-wula 2:11

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, a kũu ayi sob bɛ páwr ʋ ɛ.»

Yel-wula 2:17

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ mãan-sɔwla. Ɩ̃ mɩ̀ na kʋ̀ ʋ nɩ kʋsɛ-pla, ɛ́ yo-paala sɛb a kʋsɩɛr zu, yo-paala nɩr za na bɛ bãw, a bɛ ɩ a sob nɛ na páw ʋ a ɩ.»

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 22:11

Sob nɛ ɩb na bɛ tu sɔ́r a, ʋ cãà ɩrɛ a ta tu a sɔ́r ɛ, ɛ́ a nɩ-faa cãà ɩrɛ a nɩ-fa-ɩb. A nɩ-mɩŋa, ʋ cãà ɩrɛ a nɩ-mɩŋa ɩb, ɛ́ a nɩ-sõw cãà ɩrɛ a nɩ-sõw ɩb.»

Yel-wula 22:20

A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!

Yel-wula 22:6

Al pùorí, a malkɩ tɩ yel mɛ̃ na: «A ƴɛ̀rʋ á ŋá ɩ n sɩza ɛ́ bɛ tɛr bʋnʋ ɛ. A Sore Naaŋmɩn na mɩ́ kʋ̀ a tɩɛrʋ a ʋ ƴɛ̀r-manbɛ a, ʋlɛ n'ʋ tõ a ʋ malkɩ ʋ wa wul a ʋ tõ-tõ-biir a yele na kʋ̃ yaa kɛ́ ta a.»

Yel-wula 3:13

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a.»

Yel-wula 3:22

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a.»

Yel-wula 3:6

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a.»

Yel-wula 5:5

Lɛ n'a a nɩ-kore ƴen sob tɩ yel mɛ̃: «Ta kone ɩ. Nyɛ̃, a Zuda dɔwlʋ gbẽw, a nãà Daviir bie zɛb'a tʋ̃ɔ́, ʋ na 'lawr'ɩ a sɩ-suur ayopõi ɛ́ yuo a sɛbɛ.»