Yel-wula 22:14 - A SƐB-SÕW

¹⁴ Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.

Yel-wula 22:14 ပူးပေါင်းရင်းမြစ်များ

Yele-za-pɛr-tib 2:9

A Sore Naaŋmɩn tɩ ɩ na a tẽsɔw bul tɩ-pɛ-bʋʋrɛ za na sãá vɩɛlɩ vɩɛlɩ ɛ́ a wɔmɛ nʋmɛ a. A nyɔ-vʋʋrʋ tɩɛ nɩ a tɩɛ ʋl na mɩ́ ɩ fʋ bãw a vla nɩ a faa a tɩ be n a zaadɛ̃ sɔwlɩsɔw.

Yele-za-pɛr-tib 3:22

Al pùorí ʋ tɩɛr ʋ pʋɔ: «A nɩsaal'ɩ ŋan ɩ mɛ̃ Naaŋmɩn a: ʋ bãw nɩ a vla nɩ a faa. Ƴɛrɛŋa a, ʋ ta mɩ̀ páw vuo dɔl nũu pɔr'ɩ a nyɔ-vʋʋrʋ tɩɛ wɔm dɩ vʋʋrɛ kʋralɛ ɩ.»

Sɛb-sõw yielu 112:1

Aleluya! Zu-nʋ̃ɔ̀ sob'ɩ a nɩr na zɔrɛ a Sore, ɛ́ nɔnɛ a ʋ nɛ-ƴãwnɩ a.

Sɛb-sõw yielu 118:20

— A Sore dɩ̃dɔr'ɩ ŋan: a nɩ-mɩn, bɛ tu kpɛ.

Eziptɩ tẽw yib 19:10

A Sore tɩ cãà na lɛb yel a Moyiir: «Lɛb cen a nɩbɛ zie tɩ yel bɛ kɛ́ bɛ so a bɛ dɛwr bɛr, a dɩ̃a nɩ a bio. Bɛ mɩ̀ pɛ́w a bɛ kparɩ.

Zã 10:7

A Yeezu tɩ lɛb'a yel bɛ: «Yel-mɩŋa sɩza sɩza n'a ɩ̃ yere kʋ̀rɛ nyɩ: mãa n'ɩ a píir zaw dɩ̃dɔr.

Zã 10:9

Mãa n'ɩ a dɩ̃dɔr. Nɩr wa tuur a ɩ̃ zie kpɩɛr a, ʋ na nyɛ̃ nɩ faafʋ. Ʋ na mɩ́ kpɛ na ɛ́ yi, ʋʋ na nyɛ̃ nɩ bʋ̃-dɩrɩ.

Zã 14:15

«Nyɩmɛ wa nɔnɛ mɛ̃ a, nyɩ na sàwr'ɩ a ɩ̃ nɛ-ƴãwnɩ vla.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 4:12

Fʋ nɔ̃w ɩ n kpɛ̃ɛ zuo a tɩ sãàkʋm Zakɔb na kʋ̀ tɩ a bule ŋa a, ɛ́ nyũ a ʋ kʋ̃ɔ, ʋlɛ nɩ a ʋ bibiir nɩ a ʋ dʋn za a?»

1 Korɛ̃tɩ 7:19

A yʋɔr-ŋmãafʋ bɛ ɩ bom ɛ, a yʋ̀ɔr-bɛ-ŋmãafʋ mɩ̀ bɛ ɩ bom ɛ. Naaŋmɩn nɛ-ƴãwnɩ sàwfʋ n'a ɩ bom.

1 Korɛ̃tɩ 8:9

Ɛcɛ nyɩ gù vla k'aa nyɩ só-nyɩ-tʋɔra taa ɩrɛ a bãbàalbɛ bɛ lore ɩ.

1 Korɛ̃tɩ 9:5

Tɩ bɛ tɛr sɔ́r na tɛr pɔw na ɩ kɩrɩta-nɩr a, ʋ bɩɛlɛ tɩ mɛ̃ a lɛ a nɩ-toni ŋmaarɛ, a Sore yɛbr nɩ a Pɩɛr na ɩrɛ a bɩɩ?

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

1 Zã 3:3

Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.

1 Zã 5:3

À ŋá n'a a Naaŋmɩn nɔ̃wfʋ sɩrɩ ŋmɛ̃: kɛ́ tɩ sàwr a ʋ nɛ-ƴãwnɩ. Ɛ́ a ʋ nɛ-ƴãwnɩ bɛ kpɛmɛ zuo ɩ,

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

Yel-wula 21:12

A tẽw tɩ tɛr'ɩ dacĩ-kpɛ̃ɛ na kɛrɩ a, bɛ mɛ viiri koli ʋ, ɛ́ mɩ̀ tɛr dɩ̃dɛɛ pie nɩ ayi, yée sɛb ƴãw a dɩ̃dɛɛ ƴãw.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.

Yel-wula 22:2

Ʋ tɩ zɔrɛ nɩ a tẽw laɩ sɔwlɩsɔw. A nyɔ-vʋʋrʋ tɩɛ tɩ àr'ɩ a man kõkowe ƴãw, mɩ́ wɔ̃ gb'a a pie nɩ ayi yũon za, cuw za ʋ mɩ́ wɔ̃ na, ɛ́ a ʋ váar ɩ tɩ̃ɩ sanɛ a ten ten nɩbɛ.

Yel-wula 22:7

A Yeezu yel'a: «Nyɛ̃, ɩ̃ kʋ̃ yaa kɛ́ wa ɩ! Zu-nʋ̃ɔ̀ sob'ɩ a sob nɛ na maal tɛr a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a!»

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.