Yel-wula 22:10 - A SƐB-SÕW

¹⁰ Ʋ tɩ lɛb'a yel mɛ̃: «Taa sɔwlɛ a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a bɛrɛ ɩ, bʋ̃ʋ n'ʋ vɛ̃, a daar ʋl a Naaŋmɩn na ƴãw a pɩɛl'a.

Yel-wula 22:10 ပူးပေါင်းရင်းမြစ်များ

Ɩzayi 13:6

Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

Ɩzayi 8:16

Ɩ̃ maal'a bine a ɩ̃ ƴɛ̀rʋ sɛbrʋ, ɩ̃ kpàrɛ nɩ a wulu a na sɛw k'ɩ̃ɩ lʋɔrɩ tɩr a bɛrɛ: a ɩ̃ po-tuurbɛ tɛwr nɛbɛ ɩ̃ dier a kʋ̀rɛ.

Ezekɩɛl 12:23

A na ɩ à ŋá a, yel kʋ̀ a Ɩsɩrayɛl nɩbɛ k'aa mãa Sore Naaŋmɩn yere na k'ɩ̃ɩ kʋ̃ lɛb bɛr bɛ lɔb a zʋkpar ŋa ɩ, bɛ kʋ̃ lɛb lɔb ʋ a Ɩsɩrayɛl tẽw pʋɔ ɩ. Ɛcɛ yel kʋ̀ bɛ: “A daar ta na a yel-nyɛrɩ za na na tu a.”

Matie 10:27

Bom nɛ ɩ̃ na mɩ́ yel kʋ̀ nyɩ lige pʋɔ a, nyɩ mɩ́ yel ʋ cãàmɩ́, ɛ́ bom nɛ bɛ na mɩ́ waalɩ ƴãw a nyɩ tobe pʋɔ a, nyɩ mɩ́ do gàrʋ́ hier'ʋ.

Ʋrɔm 13:11

Nyɩ ta dɩ̃ɛnɛ nɩ a yel ŋa ɩ, nyɩ na bãw a daar ʋl pʋɔ tɩ na be a: a tɛm ta na kɛ́ nyɩ bɛr a nyɩ gʋ̃ɔ lɛ, ɛ́ ìr. Bʋ̃ʋ n'ʋ vɛ̃, a faafʋ pɩɛl tɩ nɩ a ƴɛrɛŋa zuo a lɛn daar tɩ na tĩ kɛ́ sàw de a Naaŋmɩn a.

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

2 Tesalonikɩ 2:3

Nyɩ ta sàw nɩr kãw za bɛ̀lɩ nyɔw nyɩ nɩ bɛ̀l-bʋʋrɛ kãw za ɩ. Bʋ̃ʋ n'ʋ vɛ̃, a fɛr'a kɛ́ a Naaŋmɩn jɛ-bɛrʋ ta baarɩ, kɛ́ a Faalʋ nɩr na ɩ nɩ-wɛra a sãá baarɩ, ɛ́ a bibir ŋa bãw ta.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

Yel-wula 1:11

Ʋ tɩ yere na: «Sɛb a ʋlɩ bom fʋ na nyɛrɛ a ƴãw sɛbɛ pʋɔ tɩr kʋ̀ a Lãw-yie ayopõi á ŋá: Efɛɛzɩ, Sɩmɩɩr, Pɛrgam, Tɩatɩɩr, Sardɩ, Fɩladɛlfɩ nɩ Lawdise.»

Yel-wula 1:3

Zu-nʋ̃ɔ̀ sob'ɩ sob nɛ na kanɛ a sɛbɛ ŋa a, zu-nʋ̃ɔ̀ dem'ɩ a bɛlɩ dem na bɛrɛ wone a naaŋmɩn-ƴɛ̀r-manɛ ƴɛ̀rʋ, ɛ́ maal tɛr a yele al na sɛb a sɛbɛ ŋa pʋɔ a vla a! Bʋ̃ʋ n'ʋ vɛ̃, a daar pɩɛl'a a na na ta a.

Yel-wula 10:4

Ɩ̃ tɩ maal'a k'ɩ̃ɩ sɛb a lɛ a na yel a, ɛ́ wõ kɔkɔr a salom zu ʋ yere a ɩ̃ zie: «Maal tɛr a ʋlɩ bom nɛ a saa tanʋ ayopõi na yel a, ʋ ɩ yel-sɔwla, taa sɛbr ʋ ɛ.»

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»

Yel-wula 22:18

A mãa Zã, yel-mɩŋa n'a ɩ̃ yere kʋ̀rɛ nɩr za na wone a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a: nɩr wa dɔwlɛ bom a, Naaŋmɩn na dɔwl'ʋ nɩ a bʋ̃-faar al bɛ na manɛ a sɛbɛ ŋa pʋɔ a.

Yel-wula 22:20

A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!

Yel-wula 22:7

A Yeezu yel'a: «Nyɛ̃, ɩ̃ kʋ̃ yaa kɛ́ wa ɩ! Zu-nʋ̃ɔ̀ sob'ɩ a sob nɛ na maal tɛr a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a!»

Yel-wula 22:9

Ɛcɛ, ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ a fʋ̃ʋ nɩ a fʋ yɛbr naaŋmɩn-ƴɛ̀r-manbɛ a, nɩ a bɛlɩ dem za na maal tɛr a sɛbɛ ŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru!»

Yel-wula 5:1

Ɩ̃ tɩ nyɛ̃ nɩ sɛbɛ na pili a, a sob nɛ na tɩ zɩ̃ a naalʋ-dà-kɔw zu a dʋrʋ nũú. Bɛ tɩ sɛb'a ƴãw a pʋ̃ɔmɩ nɩ a zikurí, ɛ́ mɛr a nʋɔr pàw ziir ayopõi nɩ sɩ-suur.