Yel-wula 21:8 - A SƐB-SÕW

⁸ Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 21:8 ပူးပေါင်းရင်းမြစ်များ

Zʋkpaɩ 19:5

A dãsɩ-ziri sob kʋ̃ vɛ̃ bɛ nyɛ̃ dɔwrʋ ɛ, ɛ́ a zir-ŋmarɛ bɛ cɩ̃ɛnɛ ɩ.

Zʋkpaɩ 19:9

A dãsɩ-ziri sob kʋ̃ vɛ̃ bɛ nyɛ̃ dɔwrʋ ɛ, ɛ́ a zir-ŋmarɛ na bɔr'a.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Matie 10:28

Nyɩ ta zɔrɛ a bɛlɩ dem na mɩ́ tʋ̃ɔ́ kʋ a ƴã-gan yõ ɛ́ kʋ̃ tʋ̃ɔ́ a sɩ́ɛ kʋ a ɩ, ɛcɛ nyɩ nɩ̃ɛ zɔrɛ a Naaŋmɩn na na tʋ̃ɔ́ kʋ a ƴã-gan nɩ a sɩ́ɛ za a tẽ-faa pʋɔ a.

Matie 25:25

Ɩ̃ zɔ n dɛ̃bɩ̃ɛ cen tɩ tuw bɔw sɔwlɩ a fʋ libie: alɛ n'ɩ a ŋan, de a fʋ bome.”

Matie 8:26

Ʋ tɩ yel bɛ na: «Bʋ̃ʋ n'ʋ so nyɩ zɔrɛ dɛ̃bɩ̃ɛ, nyɩɩm a naaŋmɩn-sàwfʋ na bɛ saalɩ a?» Lɛ n'a ʋ tɩ ìr àr ɛ́ tanɩ a sɛsɛb nɩ a kʋ̃ɔ-kpɛ̃ɛ, a zie ŋmãa vʋʋrʋ cɩ̃ɩɩ!

Markɩ 9:44

A be a, a zãzule bɛ tɛr kũu daar ɛ, ɛ́ a vũu bɛ tɛr kpiiru daar ɛ.]

Zã 8:44

Gɛgɛra n'ɩ a nyɩ sãà, ɛ́ nyɩ bɔbr a nyɩ sãà pʋ-tɩɛrʋ maalʋ. A pɛr-tib daar za n'a ʋ ɩ nɩ-kʋrɛ: ʋ bɛ dãw be yel-mɩŋa pʋɔ ɩ, yel-mɩŋa bɛ ka a ʋ pʋɔ ɩ. Ʋlɛ wa ŋmarɛ a ziri a, a ʋ dem mɩ́ n'a, ʋ na ɩ zir-ŋmarɛ nɩ a ziri sãà a ƴãw.

Wulu-ayi-sob 20:8

A sojarɩ nɩ-bɛrɛ na so a sojarɩ íru a na yel'ɩ à ŋá ƴãw pʋɔ: «Nɩr be n a nyɩ pʋɔ a ʋ kanyir baarɩ, ʋʋ zɔrɛ dɛ̃bɩ̃ɛ bɩɩ? Ʋ lɛb kul, ta ɩ a ʋ taabɛ kanyir baarɩ ɛ.»

2 Tesalonikɩ 2:9

A Faalʋ nɩr na wa n nɩ a Sɩtaana kpɛnʋ za wa maalɛ nɩ nɔ-ɓãa-yel-bʋʋrɛ za nɩ yel-bãw-guuri na tule nɩbɛ a.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

Títɩ̀ 1:16

Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

Ebre 12:24

Nyɩ taw na pɩɛlɩ a Yeezu na ɩ a Wõ-ta-paala lɔ̃lʋɔrɛ a, nɩ a ʋ zɩ̃ɩ na cir a, a zɩ̃ɩ á ŋá na ƴɛ̀rɛ vla zuo a Abɛl dem a.

Ebre 13:4

A nɩbɛ za, bɛ tɛr maal-ɩrɛ a kul-taa ƴãw. A dɛbr nɩ a pɔwbɛ na kul taa a, bɛ be taa bɛl tɛwr ƴãw. Bʋ̃ʋ n'ʋ vɛ̃, Naaŋmɩn na maal'ɩ nɩ a ɩ-fa-maalbɛ nɩ a pɔw-gaa-yel-bier-maalbɛ ƴɛ̀rʋ.

1 Zã 2:22

Ãa n'ɩ a zir-ŋmarɛ, ʋ bɛ ɩ a sob nɛ na yere k'aa Yeezu bɛ ɩ a Kɩrɩta a? A Kɩrɩta dɔ̃ sob'ɩ à ŋà: ʋ na zawrɛ a Sãà nɩ a Bie za a.

1 Zã 3:15

Nɩr za na hɩ̃ɛn a ʋ yɛb a, nɩ-kʋrɛ n'ʋ, ɛ́ nyɩ bãwnɩ a na nɩ-kʋrɛ kãw za na bɛ mɩ́ tɛr a nyɔ-vʋʋrʋ na be kʋralɛ a.

1 Zã 5:10

Sob nɛ na sàw de a Naaŋmɩn Bie a mɩ̀ tɛr'ɩ a dãsɩɛ ŋa a ʋ pʋ̃ɔmɩ. Ɛcɛ sob nɛ na bɛ mɩ́ sàw de a Naaŋmɩn a mɩ́ de ʋ na bʋɔlɛ zir-ŋmarɛ, ʋ na bɛ sàw de a Naaŋmɩn dãsɩɛ ʋ na dɩ a ʋ Bie ƴãw a.

Yel-wula 14:10

ʋ mɩ̀ na nyũ n a Naaŋmɩn suur divɛ̃, divɛ̃ bɛ na bɛ pili ɛ́ cir ƴãw a ʋ suur koli-nyúura pʋɔ a, ɛ́ a nɩbɛ bɛ ŋa taabɛ na wone nɩ tuo a vũu nɩ a cirbi pʋɔ, a malkɩ son nɩ a Pele niŋé.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 2:11

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, a kũu ayi sob bɛ páwr ʋ ɛ.»

Yel-wula 2:2

ɩ̃ bãw nɩ a fʋ tome, a balʋ fʋ na bàl fʋ tʋɔra a, nɩ a fʋ kanyir. Ɩ̃ bãwnɩ a na fʋ̃ʋ nɩ a po-to-dem na kʋ̃ tʋ̃ɔ́ taa a. A bɛl na yel kɛ́ bɛ ɩ n nɩ-toni ɛ́ bɛ ɩ nɩ-toni a, fʋ ɩ bɛ na kaa nyɛ̃ bɛ ɩ zir-ŋmarbɛ.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Yel-wula 9:17

A ɩ̃ yel-nyɛra pʋɔ a, à ŋá n'a a wie nɩ a zɔmnbɛ tɩ sãá: bɛ tɩ su n kure nyãa-kpali na mʋ̃ɔ mɛ̃ vũu a, a mɩnɛ ɩ sɛblɛ mɛ̃ kʋsɛ-bi-nyɩla kãw bɛ na bʋɔlɛ safɩɩr a, ɛ́ a mɩnɛ ɩ dʋɔr mɛ̃ cirbi a. A wie zuru tɩ ɩ na mɛ̃ gben zuru a, ɛ́ a nɛ́ɛ owr vũu, zʋ̀ʋ́r nɩ cirbi.

Yel-wula 9:21

Bɛ mɩ̀ bɛ tɩ bɛr a bɛ nɩ-kʋ, a bɛ tɩtɩblʋ, a bɛ pɩ̃ɔ ɩ-ɩrɩ nɩ a bɛ nyãnyuwlu ɛ.

Ƴɛ̀r-dɩrbɛ 7:3

A na ɩ à ŋá a, yel à ŋá kʋ̀ a fʋ nɩbɛ: “Nɩr za dɛ̃bɩ̃ɛ na ɩrɛ ʋ màwr a, ʋ lɛb tu a Galaadɩ tãw sɔ́r kul.”» Nɩbɛ tùr-lɩzɛr'ɩ ayi (22 000) a bɛ pʋɔ tɩ lɛb'a kul, ɛ́ cɛ nɩbɛ tùr-pie (10 000).