Yel-wula 21:12 - A SƐB-SÕW

¹² A tẽw tɩ tɛr'ɩ dacĩ-kpɛ̃ɛ na kɛrɩ a, bɛ mɛ viiri koli ʋ, ɛ́ mɩ̀ tɛr dɩ̃dɛɛ pie nɩ ayi, yée sɛb ƴãw a dɩ̃dɛɛ ƴãw.

Yel-wula 21:12 ပူးပေါင်းရင်းမြစ်များ

2 Bibie za yel-manɩ 9:19

ɛ́ pie nɩ ayi àr a dɛr-mimie zu, ayʋɔb a gʋba lowr, ayʋɔb a dʋrʋ lowr. Nɩr bɛ maalɩ a bom ŋa tɔ naalʋ-tẽw kãw za pʋɔ ɩ.

Ɛsɩdɩrasɩ 9:9

Sɩza n'a, tɩ Naaŋmɩn i, tɩ tɩ ɩ n gbãgbaar, ɛ́ fʋ bɛ jɛ tɩ bɛr a gbãgbaalʋ ŋa pʋɔ ɩ. Fʋ ɩ na a Pɛrsɩ na-mɩnɛ tɛr pʋ-pɩɛlʋ a tɩ zie, ɩ tɩ lɛb vʋʋrɛ. Lɛ n'a tɩ tʋ̃ɔ́ lɛb mɛ a fʋ yir, lɛb mɛ a ʋ dacine na lo a, ɛ́ nyɛ̃ kpɛb zie tɩ na kʋ̃ bãw damnʋ a, a Zerizalɛm nɩ a Zuda ten pʋɔ.

Neemi 12:27

A Zerizalɛm dacĩ-kpɛ̃ɛ na tɩ lɛb mɛ baar'a, bɛ tɩ ƴãw na a levitɩ mɩnɛ yi a ziir al za bɛ na kpɩɛr a, wa a Zerizalɛm. Bɛ tɩ maal'ɩ cuw na ɩrɛ nʋ̃ɔ̀ yaga a, tɛr'ɩ danʋ yielu bɛ na ŋmɩɛr sɛ̃sɛgɛ, korijom, nɩ pɛ̀nɛ́ ƴãwn a.

Sɛb-sõw yielu 122:7

A ƴã-ɓaarʋ, ʋ be a fʋ pʋɔ, ɛ́ a fʋ yir-vɩɛlɩ vɩɛlɩ gã zoom!

Sɛb-sõw yielu 51:18

Fʋ bɛ bɔbr k'ɩ̃ɩ maalɩ bàwr kʋ̀ b ɛ, nyɩw-a-za-bàwr tɔr za kʋ̃ tʋ̃ɔ́ pɛlɩ a fʋ pʋɔ ɩ.

Eziptɩ tẽw yib 28:21

Bɛ na wi n a Zakɔb bidɛbr pie nɩ ayi been been yée ƴãw kʋsɛ-bir za zu, mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a. A kʋsɛ-bie pie nɩ ayi na ɩ n a Ɩsɩrayɛl nɩbɛ dɔwlʋ pie nɩ ayi bãwfʋ.»

Ɩzayi 54:12

A dacine saa-zu na ɩ n kʋsɛ-bi-nyɩlɩ bɛ na bʋɔlɛ iribi a, a fʋ dɩ̃dɛɛ na ɩ n kʋsɛbɛ na mɩ́ cuoli cuoli a. A fʋ dacine za na viiri koli fʋ a na ɩ n kʋsɛ-bi-nyɩlɩ vɩɛlɩ vɩɛlɩ.

Ɩzayi 60:18

Nɩr kʋ̃ lɛb wõ bɛ ƴɛ̀r po-to-fãw-ɩb ƴɛ̀rʋ a fʋ tẽw pʋɔ ɛ, bɛ ƴɛ̀r zie na sãw a nɩ kpɩɛrʋ ƴɛ̀rʋ a zie a fʋ tʋr-bɔwrɩ na viiri koli a pʋɔ ɛ. Fʋ na bʋɔlɛ nɩ a fʋ dacĩ-bɛrɛ “Faafʋ”, ɛ́ bʋɔlɛ a fʋ dɩ̃dɛɛ “Danʋ”.

Matie 18:10

«Nyɩ gù nyɩ tʋɔra taa wa jewre a bibi-cãpili bɛ ŋa been kãw za ɩ. Ɩ̃ sɩrɩ na yere kʋ̀rɛ nyɩ, a bɛ malkɩ mɩnɛ àr'ɩ a ɩ̃ Sãà na be a tẽ-vla pʋɔ a niŋé kʋralɛ. [

Luka 15:10

Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»

Luka 16:22

Ɛcɛ a nã́w sob wa kpi na, a malkɩ mɩnɛ ɓáw ʋ cen nɩ a Abraham zie. A nãà mɩ̀ kpi, bɛ ũù ʋ.

Nɩ-toni 26:7

A Ɩsɩrayɛl yie dɔwlʋ pie nɩ ayi, na tu a Naaŋmɩn puoru yele mʋ̃tɔ̃w nɩ tɩ̃ɩsɔw za bɛ tɛr bɛ́rʋ daar a, mɩ̀ tɩɛrɛ na kɛ́ a nʋɔr ŋa na tu na. Nãà Agɩrɩpa a, a tɩɛrʋ ŋa ƴãw n'a a Zifʋ mɩnɛ tɛr'ɩ mɛ̃ a ƴɛ̀rʋ.

Ebre 1:14

A malkɩ mɩnɛ za bɛ ɩ bʋ̃-vʋbɛ na tɛr tõ-nɛ́ɛ, Naaŋmɩn mɩ́ tõ kɛ́ bɛ tɩ sõw a bɛlɩ dem na na nyɛ̃ a faafʋ a ɩ?

Yel-wula 21:13

Lõbowr za mɩ́ tɩ tɛr'ɩ dɩ̃dɛɛ ata: ata a saa-pɛrɩ́, ata a saa-pɛrɩ́-gʋba-lowr, ata a saa-pɛrɩ́-dʋrʋ-lowr, ata a mʋ̃tɔ̃w-kpɛb-lowr.

Yel-wula 21:15

A malkɩ na tɩ ƴɛ̀rɛ a ɩ̃ zie a tɩ tɛr'ɩ bʋ̃-mána, salm-zɩɛ bàa-kɛkɛr, k'ʋʋ man nɩ a tẽw, a ʋ dɩ̃dɛɛ nɩ a ʋ dacin.

Yel-wula 21:25

A tẽw dɩ̃dɛɛ na mɩ́ yuo na gã a bibi-ɓil za, kʋ̃ lɛb pàw ɛ, nɩr na kʋ̃ lɛb bãw tɩ̃ɩsɔw a be a ƴãw.

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.