Yel-wula 20:8 - A SƐB-SÕW

⁸ ʋʋ na cen na tɩ bɛ̀lɛ a ten ten na be a tẽ-daa za zu a, a pɛr lɛ k'aa Gɔgɩ nɩ Magɔgɩ. Ʋ na bʋɔlɩ bɛ na ɓã taa a zɛbr ƴãw, ɛ́ bɛ na yãwmɛ na mɛ̃ a kʋ̃ɔ-kpɛ̃ɛ nʋɔr biire a.

Yel-wula 20:8 ပူးပေါင်းရင်းမြစ်များ

1 Na-mɩnɛ 4:20

A Zuda naalʋ-tẽw nɩbɛ nɩ a Ɩsɩrayɛl naalʋ-tẽw nɩbɛ tɩ yãwmɛ na mɛ̃ a kʋ̃ɔ-kpɛ̃ɛ nʋɔr biire a. Bɛ tɩ tɛr a na dɩrɛ kɛ́ nyuur, ɛ́ nʋ̃ɔ̀ ɩrɛ bɛ.

2 Bibie za yel-manɩ 18:21

Ʋ tɩ sɔw na: “Ɩ̃ na cen na tɩ ƴãw a nãà naaŋmɩn-ƴɛ̀r-manbɛ za ŋma ziri kʋ̀ ʋ.” A Sore tɩ sɔw ʋ na: “Tub-vla vla n'ʋ. Cen tɩ ɩ à à ŋá!”

Ɩzayi 10:22

Ɛcɛ, Ɩsɩrayɛl i, a fʋ nɩbɛ saa tɩ yãwmɛ sɛw a kʋ̃ɔ-kpɛ̃ɛ nʋɔr biire a, nɩbɛ ŋmãa na cɛ a tɛwr nɛbɛ na lɛb wa a Sore zie. Bɛ yel'ɩ a kʋ-pàw-pɛr baarɩ, na na ɩ a mɩnʋ paalɩ a tẽw mɛ̃ man na paalɩ yi nɛ́ɛ a.

Zeremi 33:22

Mɛ̃ a lɛ bɛ na kʋ̃ tʋ̃ɔ́ sɔ́r a ŋmar-bie na be a salom zu, nɩ a kʋ̃ɔ-kpɛ̃ɛ nʋɔr biire na bɛ dɩ vuo a, lɛ n'a ɩ̃ na ɩ a ɩ̃ tõ-tõ-bie Daviir bʋʋrɛ nɩ a Levi bʋʋrɛ na ɩ bàwr-maalbɛ tone a ɩ̃ tome a, bɛ yãwmɛ.»

Ezekɩɛl 38:1

A Sore tɩ yel mɛ̃ na:

Ezekɩɛl 38:2

«A fʋ̃ʋ nɩsaal bie, lɩɛb a fʋ niwn cɔw a Gɔgɩ. A Tubal nɩ a Mesɛkɩ na be a Magɔgɩ tẽw a nɩ-bʋʋrɛ nɩ-kpɛ̃ɛ kpɛ̃ɛ za n'ʋ. Ƴɛ̀r a ɩ̃ yúor ƴãw a ʋ ƴãw.

Ezekɩɛl 39:1

A Sore tɩ yel mɛ̃ na: «A fʋ̃ʋ nɩsaal bie, ƴɛ̀r a ɩ̃ yúor ƴãw yel kʋ̀ a Gɔgɩ: À ŋá n'a a Sore Naaŋmɩn yere: Ɩ̃ na ìr'ɩ a fʋ̃ʋ Gɔgɩ na ɩ a Mesɛkɩ nɩ a Tubal ten nɩ-bʋʋrɛ nɩ-kpɛ̃ɛ kpɛ̃ɛ za a ƴãw.

Ezekɩɛl 39:6

Ɩ̃ na ƴãw nɩ vũu a Magɔgɩ tẽw nɩ a bɛl na kpɩɛr a kʋ̃ɔ-kpɛ̃ɛ-sɔgɔ-ten a, bɛl na tɩɛrɛ kɛ́ bɛ be n ƴã-ɓaarʋ pʋɔ a. Lɛ n'a bɛ na bãw kɛ́ mãa n'ɩ a Sore.

Ezekɩɛl 7:2

«Ɛ́ a fʋ̃ʋ, nɩsaal bie, bɛrɛ wone a lɛ a Sore Naaŋmɩn na yere kʋ̀rɛ a Ɩsɩrayɛl tẽw dem a: A baar'a, a kpɩɛrʋ pɛ-baara ta n a tẽw lõbowe a za anaar.

Ebre 11:12

À à ŋá n'a nɩ-been yõ na tɩ kpi ʋ za baar'a, tɩ dɔw nɩbɛ bɛ yãwmɛ mɛ̃ a salom zu ŋmar-bie a, bɛ bɛ tɛr nʋɔr ɛ, mɛ̃ a kʋ̃ɔ-kpɛ̃ɛ nʋɔr biire a.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 16:14

Kɔ̃tɔmɛ sɩrɩ n'a! A maalɛ nɩ yel-bãw-guuri! A mɩ́ cen nɩ a tẽ-daa za na-mɩnɛ zie k'aa tɩ bʋɔlɩ bɛ ɓã taa a Naaŋmɩn kpɛnʋ-za-sob zɛbr bibi-kpɛ̃ɛ ƴãw.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 20:3

A malkɩ tɩ lɔb ʋ na ƴãw a kɔ̃tɔmɛ dɔwrʋ bɔw-zulu pʋɔ, ɛ́ kpa n a pĩi, ɛ́ bɛ̀ a nʋɔr pàw, k'aa wa-bɩɛ ta cãà bɛlɛ a ten nɩbɛ ɩ, ɛ̀ gù a yome túr (1 000) tɩ tɔl baarɩ. Al pùorí, a na fɛr'a kɛ̀ bɛ cɛ̀r ʋ bɛr blã.

Yel-wula 7:1

À á ŋá pùorí, ɩ̃ tɩ nyɛ̃ nɩ malkɩ anaar bɛ àr a tẽw gõgone anaar ƴãw. Bɛ tɩ nyɔw nɩ a tẽw sɛsɛbr anaar tɛr, kɛ́ sɛsɛb za taa fure a tẽw zu, a kʋ̃ɔ-kpɛ̃ɛ zu nɩ tɩɛ kãw za zu ɛ.

Ƴɛ̀r-dɩrbɛ 7:12

A Madian tẽw dem, a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ yɛ́r'a pàw a tɩ̃tal, yãwmɛ mɛ̃ sãsowe a. A bɛ nyɔ̃wmɩ tɩ yãwmɛ na mɛ̃ kʋ̃ɔ-kpɛ̃ɛ nʋɔr biire a, bɛ tɛr sɔ́rʋ ɛ.

1 Samɩɛl 13:5

A Filisɩtɛ̃ mɩnɛ mɩ̀ tɩ ìr'ɩ a Ɩsɩrayɛl ƴãw: bɛ tɩ tɛr'ɩ zɛbr-torkori tùr-lɩzɛr'ɩ pie (30 000), wi-zɔmnbɛ túr-ayʋɔb (6 000), ɛ́ a bɛ sojarɩ yãwmɛ mɛ̃ a kʋ̃ɔ-kpɛ̃ɛ nʋɔr biire a. Bɛ tɩ wa na wa be a Mikɩmasɩ, a Bɛtɩ-Awɛn saa-pɛrɩ́.