Yel-wula 20:3 - A SƐB-SÕW

³ A malkɩ tɩ lɔb ʋ na ƴãw a kɔ̃tɔmɛ dɔwrʋ bɔw-zulu pʋɔ, ɛ́ kpa n a pĩi, ɛ́ bɛ̀ a nʋɔr pàw, k'aa wa-bɩɛ ta cãà bɛlɛ a ten nɩbɛ ɩ, ɛ̀ gù a yome túr (1 000) tɩ tɔl baarɩ. Al pùorí, a na fɛr'a kɛ̀ bɛ cɛ̀r ʋ bɛr blã.

Yel-wula 20:3 ပူးပေါင်းရင်းမြစ်များ

Sɛb-sõw yielu 90:4

Yome túr a fʋ zie ɩ na mɛ̃ zãa bibir na tɔl a, bɩɩ mɛ̃ tɩ̃ɩsɔw tɛm ɓile blã a.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 27:66

Bɛ tɩ cen na tɩ cɔbrɩ a yaa gub, kpàr a yaa nʋɔr kʋsɩɛr ɛ́ ƴãw nɩbɛ gù.

Markɩ 4:15

A nɩbɛ bɛ mɩnɛ n'ɩ a sɔ́r nʋɔr be bɛ na bʋ̀r a Naaŋmɩn ƴɛ̀rʋ a: bɛlɛ wa wone ʋ wa báarɛ a, a Sɩtaana mɩ́ wa na wa ír a ƴɛ̀rʋ bɛ na bʋ̀r a bɛ pʋ̃ɔmɩ a.

Luka 8:31

A kɔ̃tɔmɛ á ŋá tɩ zɛlɛ nɩ a Yeezu k'ʋʋ ta diw a ƴãw a kɔ̃tɔmɛ dɔwrʋ bɔw-zulu pʋɔ ɩ.

2 Korɛ̃tɩ 11:3

Ɛcɛ, mɛ̃ a lɛ a waab na tɩ bɛlɩ a Awa a, dɛ̃bɩ̃ɛ ɩrɛ mɛ̃ na, a nyɩ tɩɛrʋ nãà wa lɩɛbɛ tɩɛr-faar ɛ́ tawr nyɩ zãánɛ nɩ a Kɩrɩta pùor-tub, ʋl na bɛ bãw a mɩnɛ kãw a.

2 Pɩɛr 3:8

Ɩ̃ bá mɩnɛ ɛ, bʋ̃-been ŋa n'ʋ a fɛr kɛ́ nyɩ taa yiire ɩ: a Sore zie a, bibi-been yõ mɩ́ ɩ na mɛ̃ yome túr (1 000) a, ɛ́ yome túr (1 000) ɩ mɛ̃ bibi-been a.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 13:14

Ʋ tɩ bɛ̀lɛ nɩ a nɩbɛ na kpɩɛr a tẽw zu a, nɩ a nɔ-ɓãa-yele bɛ na tɩ kʋ̀ ʋ a fãw ʋ maalɛ nɩ a dʋ̃-dãw-niwn sob niŋé a. Ʋ tɩ ƴãw na bɛ mɩ́ maalɩ a dʋ̃w ʋl na tɩ tɛr a sʋɔ natɩr ɛ́ lɛb vʋʋrɛ a dasule a ʋ ƴãwfʋ ƴãw.

Yel-wula 17:2

A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a tẽw zu nɩbɛ nyũ a ʋ pɩ̃ɔ ɩ-ɩrɩ divɛ̃ kuoli.»

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.

Yel-wula 20:1

Al pùorí, ɩ̃ tɩ nyɛ̃ nɩ malkɩ na yi a salom zu siwr a. Ʋ tɩ tɛr'ɩ a kɔ̃tɔmɛ dɔwrʋ bɔw-zulu pĩi nɩ bãzɔl-tɩbrʋ a ʋ nũú.