Yel-wula 20:2 - A SƐB-SÕW

² Ʋ tɩ nyɔw nɩ a wa-bɩɛ, a tẽ-kor waab, a pɛr lɛ k'aa Gɛgɛra bɩɩ Sɩtaana, ʋ tɩ nyɔw ʋ na 'lẽ nɩ a bãzɔl-tɩbrʋ ʋl, ɛ́ gù yome túr (1 000).

Yel-wula 20:2 ပူးပေါင်းရင်းမြစ်များ

Yele-za-pɛr-tib 3:1

A wɛ-dʋn za a Sore Naaŋmɩn na tɩ maalɩ a pʋɔ a, a waab'ʋ tɩ kpɛ yã zuo a za. Ʋ tɩ sowr'ɩ a pɔw: «Sɩza n'a a Naaŋmɩn yel nyɩ: “Nyɩ taa dɩrɛ a zaadɛ̃ tɩ-wɔm kãw za ɩ?”»

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

A Zɔb sɛbɛ 1:7

A Sore tɩ sowr'ɩ a sɩtaana: «Nyɩnɛ n'a fʋ yi waar?» Ʋ tɩ sɔw na: «A tẽw za n'ʋ ɩ̃ cɔlɩ cɔlɩ.»

Ɩzayi 24:22

Bɛ na ɓã n bɛ za taa mɛ̃ nɩ-pàwrɩ a a bɔw-zulu pʋɔ, bɛ na pàw bɛ nɩ gaso pʋɔ. A na tɩ cɛlɩ na, ɛ́ bɛ wa nyɛ̃ dɔwrʋ.

Ɩzayi 27:1

A ʋlɩ bibir nɛ a, a Sore na de nɩ a ʋ zɛbr-sɔ-kpɛ̃ɛ na dɩrɛ a, na bɛ dɩ vuo ɛ́ tɛr fãw a, a Levɩatã na ɩ a waab na zɔrɛ a ƴãw, a Levɩatã na ɩ a wa-gõlõgõlõ a ƴãw. Ɛ́ ʋ na kʋ n a kʋ̃ɔ-kpɛ̃ɛ wa-bɩɛ.

Ezekɩɛl 47:5

Ʋ tɩ baa na manɩ mɛtɩr kɔbr anũu (500): ʋ tɩ ɩ n bàa ɩ̃ na kʋ̃ tʋ̃ɔ́ kpɛ gãw a, a kʋ̃ɔ na tɩ yãwmɛ a ƴãw: kʋ̃ɔ a na fɛr kɛ́ fʋ duwri a, bàa na bɛ tɛr gãwfʋ a tɩ n'ʋ.

Matie 19:29

Ɛ́ sob nɛ za nãà wa bɛr yie, yɛbr, yeepuuli, sãà, mã, bibiir bɩɩ póru a mãa ƴãw a, ʋ na páw nɩ à á ŋá gb'a a kʋba (100) dɔwlɩ, ɛ́ cãà páw a nyɔ-vʋʋrʋ na be kʋralɛ a ƴãw pʋɔ.

Matie 8:29

Bɛ tɩ ŋmɩɛr'ɩ cɛlsɩ yere nɩ: «Bʋ̃ʋ n'a jɩ́rɛ fʋ, Naaŋmɩn Bie e? Fʋ wa na kɛ́ fʋ wa sɔbr tɩ niwn ɛ́ a daar bɛ ta sɛr ɛ?»

Markɩ 4:15

A nɩbɛ bɛ mɩnɛ n'ɩ a sɔ́r nʋɔr be bɛ na bʋ̀r a Naaŋmɩn ƴɛ̀rʋ a: bɛlɛ wa wone ʋ wa báarɛ a, a Sɩtaana mɩ́ wa na wa ír a ƴɛ̀rʋ bɛ na bʋ̀r a bɛ pʋ̃ɔmɩ a.

Markɩ 5:7

Ʋ tɩ cɩɩr'ɩ kpɛ̃w za yel: «Naaŋmɩn-na-do-saa-bɛ-pɩɛl-a Bie, Yeezu u, mãa nɩ fʋ̃ʋ mɩ̀ bʋnʋ? Ɩ̃ zɛlɛ fʋ nɩ yãayãa, a Naaŋmɩn yúor ƴãw, taa dɔwrɛ mɛ̃ ɩ.»

Zã 12:31

A ƴɛrɛŋa n'a bɛ na maal'ɩ a tẽ-daa ŋa a ƴɛ̀rʋ. Ƴɛrɛŋa n'a bɛ na diw a tẽ-daa ŋa nãà bɛr.

Zã 16:11

Ʋ tuli nɩ a ƴɛ̀rʋ-maalʋ ƴãw: bɛ maal'ɩ nɩ a tẽ-daa ŋa nãà a ƴɛ̀rʋ baarɩ.»

Ʋrɔm 16:20

A Naaŋmɩn na ɩ a ƴã-ɓaarʋ sob a kʋ̃ yaa kɛ́ ƴɛ́r a Sɩtaana ŋmɛr bin a nyɩ gbɛ́ɛ pile ɩ. A tɩ Sore Yeezu maalʋ, ʋ be a nyɩ zie!

Ebre 2:14

A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

2 Pɩɛr 2:4

Bʋ̃ʋ n'ʋ vɛ̃, a malkɩ mɩnɛ bɛl na sãw a, a Naaŋmɩn bɛ bɛr bɛ ɩ, ʋ lɔb bɛ na ƴãw a tẽ-faa lige pʋɔ cɛlɛ nɩ a ƴɛ̀rʋ-maalʋ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:6

A malkɩ mɩnɛ na bɛ tɩ sàw tɛr a fãw ʋl tɛwr a Sore na kʋ̀ bɛ a, ɛ́ tɩ zawrɩ a bɛ kpɛb zie bɛr a, a Naaŋmɩn nyɔw bɛ na ƴãw bamɛ kʋralɛ lɔb ƴãw lige pʋɔ, gùre nɩ a ƴɛ̀rʋ-maalʋ bibi-kpɛ̃ɛ nãà wa vɩɛ a.

Yel-wula 12:13

A wa-bɩɛ na wa nyɛ̃ bɛ cã ʋ lɔb a tẽw zu a, ʋ ìr'a diwr a pɔw na dɔw a bidɛble a.

Yel-wula 12:15

Lɛ n'a a waab tɩ ow kʋ̃ɔ mɛ̃ man-kpɛ̃ɛ kʋ̃ɔ a, a pɔw pùorí, k'aa kʋ̃ɔ tʋ̃ɔ́ tuo ʋ cen nɩ.

Yel-wula 12:17

A wa-bɩɛ tɩ nyɛ̃ nɩ nɩ a pɔw suur, cen tɩ zɛbr'ɩ a pɔw bʋʋrɛ bɛl na cɛ a, a bɛl na tuur a Naaŋmɩn nɛ-ƴãwnɩ ɛ́ maal tɛr a yel-mɩŋa a Yeezu na wul a.

Yel-wula 12:3

Bãwfʋ yũo tɩ sãá nɩ a salom zu: wa-bɩɛ bɛ́rʋ zɩɛ na tɛr zuru ayopõi nɩ ɩ́lɛ́ pie, ɛ́ a zu za mɩ́ tɩ vɔbl'ɩ nãà-kpawʋɔ a.

Yel-wula 12:4

A salom zu ŋmar-bie na põ ziir ata a, ʋ tɩ pɩɩr'ɩ a zi-been dem lɔb a tẽw zu nɩ a ʋ zʋʋr. Ʋ tɩ àr'ɩ a pɔw na dɔwr a niŋé, kɛ́ ʋlɛ wa dɔwr a ʋ bie wa báarɛ a, ʋ̃ʋ nyɔw vɔl.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 13:2

A dʋ̃w ɩ̃ na tɩ nyɛ̃ a tɩ ŋmɛ̃ na taa nɩ nyũo, ɛ́ a gbɛ́ɛ ɩ mɛ̃ wɛ-dʋ̃-faa kãw bɛ na bʋɔlɛ ursɩ a gbɛ́ɛ, ɛ́ a nʋɔr ɩ mɛ̃ gbẽw nʋɔr a. A wa-bɩɛ tɩ de nɩ a ʋ fãw kʋ̀ a dʋ̃w, nɩ a ʋ naalʋ-dà-kɔw nɩ kpɛnʋ na bɛ dɩ vuo a.

Yel-wula 13:4

A nɩbɛ za tɩ lo na gbĩ dume puori a wa-bɩɛ, ʋ na tɩ kʋ̀ kpɛnʋ a dʋ̃w a ƴãw. Bɛ za mɩ̀ tɩ lo na gbĩ dume puori a dʋ̃w ɛ́ yel: «Ãa n'ʋ ŋmɛ̃ taa nɩ a dʋ̃w? Ãa n'ʋ na tʋ̃ɔ́ zɛb'ɩ ʋ?»

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 20:7

A yome túr (1 000) nãà wa tɔl baar'a, bɛ na cɛ̀r'ɩ a Sɩtaana bɛr ʋ yi a ʋ gaso pʋɔ,

Yel-wula 9:11

A tɛr'ɩ nãà na ɩ a kɔ̃tɔmɛ dɔwrʋ bɔw-zulu malkɩ a. Bɛ bʋɔlɛ ʋ nɩ «Abadɔ̃» a ebre ƴɛ̀rʋ pʋɔ, ɛ́ bʋɔlɛ ʋ «Apolɩ̃ɔ», a gɩrɛkɩ ƴɛ̀rʋ pʋɔ.