Yel-wula 2:3 - A SƐB-SÕW

³ Fʋ tɛr'ɩ kanyir, fʋ wõ n tuo a ɩ̃ ƴãw ɛ́ bɛ bàl tɩɛ bɛr ɛ.

Yel-wula 2:3 ပူးပေါင်းရင်းမြစ်များ

Sɛb-sõw yielu 37:7

Ɩ gbili a Sore niŋé, ɛ́ tɩɛrɛ ʋ. Taa nyɛrɛ nɩ a sob nɛ yele na cere vla a suur ɛ, a nɩr na mɩ́ tɛr libelibe a ɩ.

Sɛb-sõw yielu 69:7

Sore, Naaŋmɩn-kpɛnʋ-za-sob i, a bɛlɩ dem na ƴãw a bɛ tɩɛrʋ a fʋ ƴãw a, ɩ̃ bɛ bɔbr kɛ́ bɛ nyɛ̃ vĩ a mãa ƴãw ɛ. Ɩsɩrayɛl Naaŋmɩn i, ta sàw a nɩbɛ na bɔbr fʋ a nyɛ̃ zʋmɛ a mãa ƴãw ɛ.

Mise 7:9

A fɛr'a kɛ́ tɩ sàw a Sore suur ʋ na nyɛ̃ nɩ tɩ a, bʋ̃ʋ n'ʋ vɛ̃, tɩ maal'ɩ yel-bier sãw ʋ. Ɛcɛ a daar waar'a, ʋ na na ƴɛ̀r kpɛ tɩ, ɛ́ ɩ a tɩ yel-mɩŋa ʋ sãá a. Ʋ na tɛr tɩ na lɛb wa n a cãà pʋɔ, ɛ́ paalɩ tɩ nɩ a ʋ maalʋ.

Markɩ 15:21

A sojarɩ tɩ fɛr'ɩ dɛb kãw na tɩ yi pu-pʋɔ waar a, ƴãw k'ʋ tuo a Yeezu da-gara. A dɛb ʋl tɩ yi n Sɩɩrɛn tẽw, ɛ́ a yúor dɩ kɛ́ Sɩmʋ̃, Alɛsãdɩr nɩ Irifisɩ sãà.

Luka 14:27

Sob nɛ na bɛ tuo a ʋ da-gara tuur'ɩ mɛ̃ a, kʋ̃ tʋ̃ɔ́ ɩ a ɩ̃ po-tuure ɩ.

Luka 18:1

A Yeezu tɩ lɔb'ɩ zʋkpar ŋa, k'ʋʋ wul a ʋ po-tuurbɛ a na fɛr kɛ́ bɛ puore kʋralɛ ɛ́ taa bɛrɛ towtow a.

Luka 21:19

A nyɩ kanyir dɩb pʋɔ n'a nyɩ na páw a nyɔ-vʋʋrʋ.»

Luka 5:5

A Sɩmʋ̃ tɩ yel ʋ na: «Wul-wul-kara a, tɩ bàl'ɩ tɩ tʋɔra a tɩ̃ɩsɔw za tɩ vɩɛ nɩ zie, ɛ́ bɛ tuli nyɔw zʋm-bile za ɩ. Ɛcɛ fʋ̃ʋ na n'ʋ yel a, al ƴãw n'a ɩ̃ na lɔb a mɩ̃ɛnɩ.»

Luka 8:15

A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Zã 15:21

Bɛ na ɩ nyɩ nɩ à á ŋá za a mãa yúor ƴãw, bɛ na bɛ bãw a sob nɛ na tõ m a ƴãw.

Ʋrɔm 12:12

Nyɩ cɩlɛ a nyɩ tɩɛrʋ nyɩ na ƴãw a Sore ƴãw a zũú. Nyɩ nyɔw nyɩ tʋɔra a kpɩɛrʋ pʋɔ, nyɩ puore kʋralɛ.

Ʋrɔm 16:12

Nyɩ puori Tɩrɩfɛn nɩ Tɩrɩfozi na hanɩ a Sore ƴãw a, ɛ́ mɩ̀ puori a ɩ̃ sɛn Pɛrsisɩ na hanɩ yaga za a Sore ƴãw a.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 8:25

Ɛcɛ tɩmɛ wa ƴãw a tɩ tɩɛrʋ bom tɩ na bɛ nyɛrɛ a ƴãw a, tɩ dɩ n kanyir gùre nɩ ʋ.

1 Korɛ̃tɩ 13:7

A nɔ̃wfʋ mɩ́ de nɩ yel za bɛr a baarɩ, ʋ mɩ́ tɛr'ɩ a naaŋmɩn-sàw-deb a yele za pʋɔ, lãwnɩ a tɩɛrʋ ʋ na ƴãw a Naaŋmɩn ƴãw a, ɛ́ mɩ́ nyɔw ʋ tʋɔra bom za ƴãw.

1 Korɛ̃tɩ 16:16

Lɛ so, nyɩ sàwr a nɩbɛ bɛ ŋa taabɛ nʋɔr, nɩ a bɛlɩ dem za na lãw nɩ bɛ tone ɛ́ hanɛ a.

2 Korɛ̃tɩ 10:15

Tɩ bɛ de tome nɩ-yoru na tõ a, pɔrɛ nɩ yaga za zuo ɩ. Ɛcɛ, tɩ nɩ̃ɛ na tɩɛrɛ k'aa nyɩ naaŋmɩn-sàwfʋ na kɛrɛ na dɔwlɛ, nɩ kɛ́ tɩ na tʋ̃ɔ́ na tõ tõ-kpɛ̃ɛ zuo lɛ a nyɩ sɔgɔ, ɛcɛ a cãà ɩ a tɩ tome tʋr-bɔw pʋɔ.

2 Korɛ̃tɩ 11:23

Bɛ ɩ n Kɩrɩta tõ-tõ-biir yaa? A ka a, ɩ̃ na ƴɛ̀r'ɩ yãya-ƴɛ̀rʋ: ɩ̃ ɩ ʋ na zuo bɛ. A bàlʋ pʋɔ n'a o, ɩ̃ zuo bɛ na, a gaso pʋɔ kpɛb ƴãw n'a o, ɩ̃ gãw bɛ na, a ŋmɩɛrʋ lowr wa n'a a, bɛ ŋmɛ mɛ̃ na zuo bɛ. Gb'a a ŋmɩn za, ɩ̃ tɩ cɛ nɩ blã nãá kpi.

2 Korɛ̃tɩ 4:1

Su-ɓaarʋ zũú na n'a a Naaŋmɩn kʋ̀ tɩ a tõ-nʋɔr ŋa a, alɛ so tɩ bɛ be na bàl bɛr ɛ.

2 Korɛ̃tɩ 4:16

Alɛ so tɩ bɛ be za nãà bàl bɛr ɛ. A tɩ nɩsaal ʋl na sãá a saa sãwnɛ cere a, a tɩ nɩsaal ʋl na be a pʋ̃ɔmɩ a, lɩɛbɛ nɩ paala bibir za.

2 Korɛ̃tɩ 5:9

Ɛcɛ bom nɛ tɩ na bɔbr zuo a za a n'ɩ kɛ́ tɩ pɛlɩ a ʋ pʋɔ, tɩmɛ saa na be a ƴã-gan ŋa pʋɔ bɩɩ yi kɛ́ bɛr ʋ a.

2 Korɛ̃tɩ 6:5

Bɛ pɔb tɩ na, ɛ́ nyɔw tɩ ƴãw gaso pʋɔ. Bɛ dam'ɩ a zu-sɛbla ƴãw ʋ ìr a tɩ ƴãw, tɩ tõ na tɩ bàl, tɩ bɛ ũù mimir ɛ, tɩ bɛ dɩ bom ɛ.

Galasi 6:2

Nyɩ tuore taa tuor, lɛ n'a nyɩ na sàw a Kɩrɩta Wulu.

Galasi 6:9

Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na.

Filib 2:16

nyɩɩm na tɛr a nyɔ-vʋʋrʋ ƴɛ̀rʋ a: à ŋá n'a nyɩ na zɛw a ɩ̃ yúor a Kɩrɩta waa bibir, bʋ̃ʋ n'ʋ vɛ̃, a ɩ̃ tome nɩ a ɩ̃ hanʋ kʋ̃ ɩ zawla ɩ.

Filib 4:3

Ɛ́ a fʋ̃ʋ na ɩ a ɩ̃ lãw-tõ-tɔ mɩŋa a, ɩ̃ zɛlɛ fʋ na: sõw bɛ, bʋ̃ʋ n'ʋ vɛ̃, bɛ lãw nɩ mɛ̃ na tɩ zɛb a Yel-nʋ̃ɔ̀ ƴãw, lãwnɩ a Kilimã nɩ a ɩ̃ lãw-tõ-taabɛ bɛl za na cɛ a. A bɛ yée sɛb'a ƴãw a nyɔ-vʋʋrʋ sɛbɛ pʋɔ.

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

1 Tesalonikɩ 1:3

Bʋ̃ʋ n'ʋ vɛ̃, a Naaŋmɩn tɩ Sãà niŋé a, tɩ mɩ́ lɛb'a bãwnɩ a nyɩ naaŋmɩn-sàw-deb tome, a nyɩ nɔ̃wfʋ na nyɛrɛ bàlʋ a, nɩ a tɩɛrʋ nyɩ na ƴãw kpɛ̃w za a tɩ Sore Yeezu Kɩrɩta ƴãw a.

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

1 Tesalonikɩ 5:12

Yɛbr i, tɩ zɛlɛ nyɩ na, nyɩ ƴãwnɛ a bɛlɩ dem na hanɛ a nyɩ sɔgɔ, ɛ́ a Sore mɩ́ ƴãw bɛ kaarɛ a nyɩ zie ɛ́ kpãanɛ nyɩ a.

2 Tesalonikɩ 3:13

Ɛ́ a nyɩɩm, yɛbr i, nyɩ taa wa bàlɛ a vla maalʋ ƴãw ɛ.

2 Tesalonikɩ 3:5

A Sore, ʋ ɩ a nyɩ socie a tɛr a Naaŋmɩn nɔ̃wfʋ nɩ a Kɩrɩta kanyir.

2 Tesalonikɩ 3:8

Tɩ bɛ ƴãw nɩr kãw za kʋ̀ tɩ bʋ̃-dɩrɩ mɔlɛ ɩ, tɩ nɩ̃ɛ na tɩ sàw a hanʋ nɩ a bàlʋ ɛ́ tõ mʋ̃tɔ̃w nɩ tɩ̃ɩsɔw, k'aa nyɩ been kãw za taa wa bàlɛ ʋ tʋɔra a tɩ ƴãw ɛ.

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

1 Timote 5:17

A nɩ-kore na tone a nɩ-kpɛ̃ɛnʋ tome vla a sɛwnɩ nɩ ƴãwfʋ gb'a ayi, baa zuo a za a bɛl na hanɛ a Naaŋmɩn ƴɛ̀rʋ ƴãw nɩ a wulu ƴãw a.

Ebre 10:36

Kanyir'a a fɛr kɛ́ nyɩ dɩrɛ, tʋ̃ɔ́ maalɩ a Naaŋmɩn pʋ-tɩɛrʋ ɛ́ páw a ʋlɩ bom nɛ ʋ na ƴãw nʋɔr k'ʋʋ na tɩr a a.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Ebre 13:13

A na ɩ à ŋá a, nyɩ ɩ tɩ yi a laɩ pʋɔ tuor ʋ, ɛ́ sàw de a ʋlɩ vĩ-been nɛ.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Ebre 6:12

A na ɩ lɛ a, nyɩ taa kpɩɛr ʋnʋnʋ ɛ, ɛcɛ nyɩ cɔwrɛ a bɛlɩ dem na mɩ́ dɩ kanyir sàw de, ɛ́ mɩ́ páw a ʋlɩ bom nɛ a Naaŋmɩn na ƴãw nʋɔr k'ʋʋ na tɩr a a.

Ebre 6:15

A Abraham na tɩ dɩ kanyir ɛ́ gù a, ʋ nyɛ̃ nɩ a Naaŋmɩn nʋɔr ʋ tu.

2 Pɩɛr 1:6

Nyɩ tɛr tʋɔra-nyɔwfʋ ƴãw pʋɔ a Naaŋmɩn bãwfʋ ƴãw. Nyɩ tɛr a kanyir ƴãw pʋɔ a tʋɔra-nyɔwfʋ ƴãw, ɛ́ ƴãwnɛ a Naaŋmɩn ƴãw pʋɔ a kanyir ƴãw.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.