Yel-wula 2:19 - A SƐB-SÕW

¹⁹ Ɩ̃ bãw nɩ a fʋ tome, a fʋ nɔ̃wfʋ, a fʋ sàw-deb, a nɩbɛ sõwfʋ tɩɛrʋ fʋ na tɛr a, nɩ a fʋ kanyir. A tome fʋ na bɩɛrɩ tõ a, a yãwmɛ na zuo a al fʋ na de niwn tõ a.

Yel-wula 2:19 ပူးပေါင်းရင်းမြစ်များ

A Zɔb sɛbɛ 17:9

Bɛ yere na: «A nɩ-mɩŋa, ʋ cãà cere vla a ʋ cenu pʋɔ, ɛ́ a nɩr a nuru na bɛ mar dɛwr a lɛb bãw ƴãw fãw!»

Sɛb-sõw yielu 92:14

Bɛ sɛl ʋ na mɛ̃ tɩɛ a, a Sore Ŋmɩn-yir-kpɛ̃ɛ pʋɔ, ʋ kɛrɛ nɩ a tɩ Naaŋmɩn davʋrɩ pʋɔ.

Zʋkpaɩ 4:18

A nɩ-mɩn nyɔ-vʋʋrʋ nɩ̃ɛ na ɩ mɛ̃ zi-wɛl-paala cãà na mɩ́ dɔwlɛ cere tɩ ta a mʋ̃tɔ̃-tuo a.

Luka 1:23

A Zakari na wa tõ a ʋ bàwr-maalɛ tome baar'a, ʋ lɛb'a kul a ʋ yir.

Zã 15:2

Wule za, na be a ɩ̃ ƴãw, ɛ́ bɛ wɔnɛ a, ʋ mɩ́ cɛ ʋ na bɛr, ɛ́ wule za na wɔnɛ a, ʋ mɩ́ ɓɛlɓɛl'ɩ a wuli-ɓɛrmɛ bɛr k'ʋʋ tʋ̃ɔ́ wɔ̃ dɔwlɩ.

Kɔlɔsɩ 3:14

Ɛcɛ baa zuo a za, nyɩ de a nɔ̃w-taa bin a nyɩ sɔgɔ, ʋlɛ n'ʋ mɩ́ kʋ a yele za nʋɔr a vɩɛl bɛ cɛ ɩ.

1 Tesalonikɩ 3:6

Ƴɛrɛŋa a, a Timote yi n a nyɩ zie be lɛb wa ta a tɩ zie ka, ɛ́ yel a nyɩ naaŋmɩn-sàw-deb nɩ a nyɩ nɔ̃wfʋ na vɩɛl a yele kʋ̀ tɩ. Ʋ yel'a kʋ̀ tɩ kɛ́ nyɩ cãà na tɩɛrɛ a tɩ yele vla, ɛ́ bɔbr kɛ́ nyɩ lɛb nyɛ̃ tɩ, mɛ̃ a lɛ tɩ mɩ̀ na bɔbr kɛ́ tɩ lɛb nyɛ̃ nyɩ a.

2 Tesalonikɩ 1:3

Yɛbr i, a fɛr'a kɛ́ tɩ mɩ́ puore a Naaŋmɩn yãanɩ kʋralɛ a nyɩ ƴãw. Ɛ́ a mɩ̀ sɛw na kɛ́ tɩ ɩrɛ a lɛ, bʋ̃ʋ n'ʋ vɛ̃, a nyɩ naaŋmɩn-sàw-deb kɛrɛ na dɔwlɛ bɛ dɩ vuo ɩ, ɛ́ a nɔ̃wfʋ nyɩ na nɔnɛ taa a kɛrɛ dɔwlɛ a nyɩ za been been zie.

1 Timote 1:5

Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

1 Pɩɛr 4:8

Ɛ́ baa zuo a za, nyɩ nɔnɛ taa yaga za, a nɔ̃wfʋ mɩ́ piwl'ɩ yel-bebe na bɛ tɛr vuo a.

2 Pɩɛr 1:7

Nyɩ nɔnɛ taa mɛ̃ yɛbr a, ƴãw pʋɔ a Naaŋmɩn ƴãwfʋ ƴãw, ɛ́ pãa baa tɛr a nɔ̃wfʋ ƴãw pʋɔ a yɛbr nɔ̃w-taa ƴãw.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.