Yel-wula 2:14 - A SƐB-SÕW

¹⁴ Ɛcɛ, yele blã be n be, ɩ̃ na yere fʋ a al ƴãw: nɩbɛ be n a fʋ zie de a Balaam wulu. A Balaam ŋa n'ʋ tɩ wule a Balakɩ, k'ʋʋ bɛlɩ a Ɩsɩrayɛl nɩbɛ ƴãw bɛ 'wɔb tɩbɛ bàwr-maal-nɛnɛ ɛ́ maalɩ pɩ̃ɔ-yele.

Yel-wula 2:14 ပူးပေါင်းရင်းမြစ်များ

Ɩzayi 57:14

A Sore yel a: «Nyɩ maalɩ a sɔ́r, nyɩ ɩ fɔ̃w, nyɩ puo a sɔ́r, nyɩ ír a bome na piw a ɩ̃ nɩ-bʋʋrɛ sɔ́r a bɛr.»

Zeremi 6:21

A lɛ pʋɔ a, à ŋá n'a a Sore yere: Ɩ̃ na ƴãw nɩ bom a nɩbɛ bɛ ŋa niŋé, na na ɩ bɛ ŋmɛ gbɛ́r a ʋ ƴãw lo a. Bɛ za na lãw na kpi: a sãà mɩnɛ, a bɛ bibiir, a bɛ sɩman dem nɩ a bɛ bárɩ.»

Ezekɩɛl 3:20

Nɩ-mɩŋa wa bɛr a ʋ mɩnʋ ɛ́ maalɛ faa a, ɩ̃ na ɩ na ʋ lo: ʋʋ na kpi na —fʋ na bɛ yel kʋ̀ ʋ a n'a so ʋ na kpi a ʋ yel-bier ƴãw—. Bɛ kʋ̃ cãà tɛr a mɩnʋ pùor ʋ na tɩ tu a tɩɛrʋ ɛ. Ɛcɛ fʋ̃ʋ n'ʋ ɩ na sowri bom a ʋ kũu ƴãw.

Ezekɩɛl 44:12

A lɛn daar a Ɩsɩrayɛl nɩbɛ na tɩ tuur a ŋmɩn-bɛlɛbɛlɛ a, a levitɩ mɩnɛ tɩ sõw bɛ na ɛ́ tɩ ɩ a Ɩsɩrayɛl nɩbɛ lo yel-bier pʋɔ. Alɛ n'a so a mãa Sore Naaŋmɩn yere à ŋá: Ɩ̃ na ìr'ɩ a bɛ ƴãw, ɛ́ bɛlɛ na so a bɛ sãwna.

Sɔr-nɛ́ɛ 24:14

Ƴɛrɛŋa a, ɩ̃ lɛbr'a kule a ɩ̃ nɩ-bʋʋrɛ zie. Ɛcɛ wa, ɩ̃ bɔbr'a k'ɩ̃ɩ yel a ʋlɩ bom nɛ a Ɩsɩrayɛl nɩbɛ na na ɩ a fʋ nɩ-bʋʋrɛ a nɩdaar a kʋ̀ b!»

Sɔr-nɛ́ɛ 31:16

Nyɩ bãwnɩ a nɩ vla, a Madian tẽw pɔwbɛ nɛbɛ a Balaam tɩ wul a yã bɛ bɛlɩ a Ɩsɩrayɛl nɩbɛ bɛ bɛ tu a Sore, a Pewɔɔr yele pʋɔ ɩ. A pùorí a, a wa ɩ n kpɩɛrʋ yaga a Sore nɩbɛ zie.

Sɔr-nɛ́ɛ 31:8

Bɛ mɩ̀ tɩ kʋ n a Madian tẽw na-mɩnɛ anũu: Ewi, Erekɛm, Súùr, Huur nɩ Ereva, lãwnɩ a Bewɔɔr bidɛb Balaam.

Matie 18:7

Nyɛ̃ a tẽ-daa baw-bio na sɛw a, a yele al za na ɩrɛ a nɩsaalbɛ maalɛ yel-bebe a ƴãw! A fɛr'a k'aa yele á ŋá mɩ́ ɩ, ɛcɛ baw-bio sob'ɩ a nɩr ʋl na n'ʋ mɩ́ so a ɩ a.

Nɩ-toni 15:29

nyɩ ta 'wɔbr a bàwr-maal-nɛnɛ ɩ, nɩ a zɩ̃ɩ nɩ dʋ̃w bɛ na bɛ ŋmãa a kɔkɔr a nɛn ɛ, nyɩ bɛr a pɩ̃ɔ-yele. Nyɩmɛ wa ƴãw fãw bɛr à á ŋá za a, nyɩ na maal'ɩ vla. Nyɩ zɩ̃ vla.»

Nɩ-toni 21:25

Ɛcɛ, a nɩ-bʋʋr-yoru nɩbɛ bɛl na lɩɛbɩ a kɩrɩta-nɩbɛ a, tɩ sɛb'a yel kʋ̀ bɛ kɛ́ bɛ ciir a bàwr nɛnɛ nɩ a zɩ̃ɩ, kɛ́ bɛ ciir dʋ̃w bɛ na bɛ ŋmãa a kɔkɔr a nɛn, kɛ́ bɛ ta maalɛ pɩ̃ɔ-yele ɩ.»

Ʋrɔm 11:9

A nãà Daviir mɩ̀ yere nɩ à ŋá: «A bɛ cuw dɩb, a ɩ bɛrɩ nɩ mɩ̃ɛ a bɛ zie, a ɩ fa-loba zie nɩ dɔwrʋ na sɛwnɩ bɛ a páwfʋ zie.

Ʋrɔm 14:13

A na ɩ à ŋá a, nyɩ ɩ tɩ ta cãà bãwnɛ taa yele ɩ. Nyɩ nɩ̃ɛ bãwnɩ a a na fɛr kɛ́ nyɩ ta ɩ a nyɩ yɛb ʋ ŋmɛ gbɛ́r bɩɩ ʋ lo a tulu pʋɔ a ɩ.

Ʋrɔm 14:21

A ʋlɩ bom nɛ na vɩɛl a, ʋlɛ n'ɩ ta 'wɔb nɛn, ta nyũ dãa, ʋlɛ n'ɩ a bɛr bom za na na tʋ̃ɔ́ ɩ a fʋ yɛb ʋ lo a.

Ʋrɔm 9:32

Bʋ̃ʋ n'ʋ so? Bɛ bɛ tɩ bɔbr kɛ́ bɛ pɛlɩ a Naaŋmɩn pʋɔ a sàw-deb zũú ɛ, ɛ́ tɩɛrɛ kɛ́ bɛ pɛlɩ a ʋ pʋɔ a bɛ ɩ-ɩrɩ zũú. Bɛ ŋmɛ n gbɛ́r a gbɛ-ŋmɛ-kʋsɩɛr ƴãw,

1 Korɛ̃tɩ 1:23

Ɛcɛ tɩɩm a, Kɩrɩta bɛ na kpa da-gara zu a n'ʋ tɩ hiere: ʋ ɩ n yel-faa na bɛ sɛw taa nɩ a, a Zifʋ mɩnɛ zie, ɛ́ ɩ gẽgemi a nɩ-bʋʋr-yoru zie.

1 Korɛ̃tɩ 7:2

Ɛcɛ a pɩ̃ɔ-yele zũú a, kɛ́ dɛb za mɩ́ kul ʋ pɔw, ɛ́ pɔw za kul ʋ sɩr.

Ebre 13:4

A nɩbɛ za, bɛ tɛr maal-ɩrɛ a kul-taa ƴãw. A dɛbr nɩ a pɔwbɛ na kul taa a, bɛ be taa bɛl tɛwr ƴãw. Bʋ̃ʋ n'ʋ vɛ̃, Naaŋmɩn na maal'ɩ nɩ a ɩ-fa-maalbɛ nɩ a pɔw-gaa-yel-bier-maalbɛ ƴɛ̀rʋ.

Zozue 24:9

A Mowab tẽw nãà, Sɩpɔɔr bidɛb, Balakɩ, mɩ̀ tɩ zɛb'ɩ nyɩ na. Ʋ tɩ ƴãw na bɛ bʋɔlɩ Bewɔɔr bidɛb, Balaam, k'ʋʋ wa ŋmɛ ƴãw nyɩ.

1 Pɩɛr 2:8

«Ɛ́ ɩ a kʋsɩɛr ʋl ƴãw bɛ na mɩ́ ŋmɩɛr gbɛ́ɛ a, pìir kʋsɩɛr na ɩrɛ bɛ lore a.» A bɛlɩ dem na bɛ sàw de a, bɛ ŋmɩɛr'ɩ gbɛ́ɛ a ʋ ƴãw, a bɛ na bɛ sàw de a Naaŋmɩn ƴɛ̀rʋ a zũú. Ɛ́ lɛ n'a a tɩ fɛr k'aa ɩ a bɛ zie.

2 Pɩɛr 2:15

Bɛ bɛr'ɩ a sɔ́r-dẽdẽ, ɛ́ bɔr tu a Bosɔɔr bidɛb Balaam pùor, ʋl na tɩ bɛr ɩ-faar sã-ya bɛlɩ nyɔw ʋ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:11

Baw-bio dem nɛbɛ, bʋ̃ʋ n'ʋ vɛ̃, bɛ tu n a Kayɛ̃ sɔ́r. Bɛ kpɛ n tulu pʋɔ mɛ̃ a Balaam a, libie ƴãw. Bɛ na tɩ zɛbr mɛ̃ a Koore na tɩ zɛb'ɩ a Moyiir a, bɛ kpi na.

Yel-wula 2:20

Ɛcɛ, yel ŋa ƴãw n'a ɩ̃ yere fʋ: fʋ bɛr'ɩ a Zezabɛl, a pɔw ŋa na yel k'ʋʋ ɩ n naaŋmɩn-ƴɛ̀r-manɛ ɛ́ tule a ɩ̃ tõ-tõ-biir, ɛ́ wule bɛ bɛ maalɛ a pɩ̃ɔ-yele ɛ́ 'wɔbr a tɩbɛ bàwr-maal-nɛnɛ a.

Yel-wula 2:4

Ɛcɛ, ɩ̃ yere fʋ na: fʋ na bɛ cãà nɔnɛ mɛ̃ mɛ̃ a pɛr-tib daar a.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!