Yel-wula 19:7 - A SƐB-SÕW

⁷ Nyɩ ɩ tɩ cɩlɛ, ɛ́ nʋ̃ɔ̀ ɩrɛ tɩ, nyɩ ɩ tɩ zɛwr a ʋ yúor! Bʋ̃ʋ n'ʋ vɛ̃, a Pele kul-taa maalʋ ta na, a ʋ pɔw cɔbr'ɩ ʋ tʋɔra.

Yel-wula 19:7 ပူးပေါင်းရင်းမြစ်များ

Sɛb-sõw yielu 107:42

A nɩ-vɩɛlɩ mɩ́ nyɛ̃ nɩ à à ŋá nʋ̃ɔ̀ ɩrɛ bɛ, ɛ́ a nɩ-faar pàw a bɛ nɛ́ɛ.

Sɛb-sõw yielu 48:11

Naaŋmɩn i, mɛ̃ a lɛ a fʋ yúor na yi tɩ tɔ a tẽw baarʋ zie a, lɛ n'a bɛ mɩ̀ na danɩ fʋ tɩ tɔ a tẽw baarʋ zie. A fʋ dʋrʋ nũu paal'ɩ yel-vɩɛlɩ.

Sɛb-sõw yielu 9:14

Sore e, zɔ ɩ̃ nɩbaalʋ! Nyɛ̃ a kpɩɛrʋ a ɩ̃ dɔ̃ dem na ɩ k'ɩ̃ nyɛrɛ a, fʋ̃ʋ na na tʋ̃ɔ́ faa mɛ̃ a kũu nuru pʋɔ a.

Zʋkpaɩ 29:2

A nɩ-mɩn wa so a zie a, a nɩbɛ mɩ́ cɩlɛ na, ɛcɛ a nɩ-faa wa n'ʋ dɩrɛ a naalʋ a, a mɩ́ ɩ n kon a nɩbɛ zie.

A Yielu za pʋɔ yiel-vla vla 3:11

«Zerizalɛm pɔwsɩrali i, nyɩ wa nyɛ̃ a nãà Salomɔ̃ a! Ʋ vɔbl'ɩ a kul-taa dɛpaal-kpawʋɔ a ʋ mã na tɩ kʋ̀ ʋ a ʋlɩ bibir a ʋ socir za na tɩ paalɩ a nʋ̃ɔ̀ a.»

Ɩzayi 52:1

Ìr, Sɩyɔ̃ tẽw i, ìr! Wul a fʋ kpɛnʋ! Zerizalɛm, tẽ-kpɛ̃ɛ-sõw i, su a fʋ dɛpaal bʋ̃-suuri. Bʋ̃ʋ n'ʋ vɛ̃, a nɩ-sãanbɛ nɩ a dɛwr dem kʋ̃ lɛb wa a fʋ zie towtow ɛ.

Ɩzayi 62:5

Mɛ̃ a lɛ pɔlbile na mɩ́ kul pɔwsɩrale a, lɛ n'a a sob nɛ na lɛb mɩɛr fʋ a na ɩ a fʋ sɩr. Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a, lɛ n'a fʋ na ƴãw a fʋ Naaŋmɩn nʋ̃ɔ̀.

Ɩzayi 66:10

Nyɩ lãwnɩ a Zerizalɛm cɩlɛ, nyɩ cɩlɛ ƴawr'ɩ a ʋ ƴãw, nyɩɩm za na nɔnɛ ʋ a. Nyɩɩm na tɩ be a wahala pʋɔ a ʋ ƴãw a, nyɩ lãwnɩ ʋ ƴɛrɛŋa a nʋ̃ɔ̀ na kpɛ ʋ bol bɛr a pʋɔ.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Matie 1:20

À ŋá n'a ʋ tɩ tɩɛrɛ, ɛ́ wa gã zànɩ nyɛ̃ Sore malkɩ ʋ yel ʋ: «Daviir bidɛb Zuzɛb i, ta zɔrɛ dɛ̃bɩ̃ɛ a fʋ pɔw Marya tɛrʋ ƴãw ɛ, a pʋɔ ŋa ʋ na tɛr a yi n Vʋʋrʋ Sõw zie.

Matie 22:2

«A tẽ-vla Naalʋ ŋmɛ̃ na mɛ̃ nãà kãw na tɩ maalɩ a ʋ bie kul-taa cuw a.

Luka 12:36

Nyɩ ɩ mɛ̃ nɩbɛ na gùre a bɛ zu-sob na yi kul-taa cuw zie waar a, kɛ́ ʋlɛ wa ta daadaa kpàwrɛ a pan bɛ̃ɛ yuo ʋ a.

Zã 3:29

Ʋlɩ sob na so a pɔw-sãan a, ʋlɛ n'ɩ a dɛb-sãan. Ɛ́ a dɛb-sãan bá a, ʋ mɩ́ àr'a kɔw ʋ, bɛrɛ wone a ʋ ƴɛ̀rʋ, ɛ́ a dɛb-sãan kɔkɔr ɩrɛ ʋ nʋ̃ɔ̀ yaga. A ɩ̃ nʋ̃ɔ̀ n'ɩ à ŋà, ʋ vɩɛl'a bɛ cɛ ɩ.

2 Korɛ̃tɩ 11:2

Nyuur na yi Naaŋmɩn zie a ɩrɛ mɛ̃ nɩ a nyɩ ƴãw. Dɛb-been yõ tẽtẽ n'ʋ ɩ̃ ƴãw nɩ nyɩ a yúor, k'ɩ̃ɩ tʋ̃ɔ́ de nyɩ kʋ̀ a Kɩrɩta mɛ̃ pɔwsɩrale na bɛ tɛr dɛwr a.

Efɛɛzɩ 5:23

Bʋ̃ʋ n'ʋ vɛ̃, a sɩr n'ɩ a pɔw nɩ-kpɛ̃ɛ mɛ̃ a lɛn tɔr za a Kɩrɩta na ɩ a Lãw-yir nɩ-kpɛ̃ɛ a, ʋl na ɩ a ʋ ƴã-gan faarɛ a.

Efɛɛzɩ 5:32

A yel ŋa na bɛ tɛr bãw baarʋ a ɩ n yel-kpɛ̃ɛ: mãa yere na k'ʋʋ càar'ɩ a Kɩrɩta nɩ a Lãw-yir.

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 19:9

A malkɩ tɩ yel mɛ̃ na: «Sɛb yel: zu-nʋ̃ɔ̀ dem'ɩ a bɛl bɛ na bʋɔlɩ kɛ́ bɛ wa a Pele kul-taa cuw dɩb zie a.» Ʋ tɩ lɛb'a yel mɛ̃: «A ƴɛ̀rʋ á ŋá ɩ n Naaŋmɩn ƴɛ̀rʋ tɛɛ za.»

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.

Yel-wula 21:9

A malkɩ mɩnɛ ayopõi na tɩ tɛr a koli-nyúuri ayopõi na paalɩ a baarʋ daar bʋ̃-faar ayopõi a, a bɛ ƴen sob tɩ wa na wa yel mɛ̃: «Wa, ɩ̃ wa wul fʋ a pɔw-sãan, a Pele pɔw.»

1 Samɩɛl 2:1

A Ana tɩ puor'a yel à ŋá: «A Sore n'ʋ so nʋ̃ɔ̀ ɩrɛ mɛ̃ yaga. A Sore n'ʋ so ɩ̃ zɛw zu, ɩ̃ na tʋ̃ɔ́ na ɩrɛ a ɩ̃ dɔ̃ dem laar. Ɩ̃ cɩlɛ na: a Naaŋmɩn sõw mɛ̃ na.