Yel-wula 19:2 - A SƐB-SÕW

² A ƴɛ̀rʋ ʋ na maalɩ a ɩ n sɩza ɛ́ tu yel-mɩnʋ. Bʋ̃ʋ n'ʋ vɛ̃, a pɔw-yɛm-kpɛ̃ɛ ʋl na tɩ sãwnɛ a tẽw nɩ a ʋ pɩ̃ɔ ɩ-ɩrɩ a, ʋ ƴãw ʋ nɩ dɔwrʋ. A ʋ tõ-tõ-biir a pɔw ŋa na kʋ a, ʋ yáa nɩ a san a ʋ zu.»

Yel-wula 19:2 ပူးပေါင်းရင်းမြစ်များ

2 Na-mɩnɛ 9:7

Fʋ na kʋ n a Akab, na dãw ɩ a fʋ nɩ-kpɛ̃ɛ a, yir dem. À ŋá n'a ɩ̃ na yáa a ɩ̃ ƴɛ̀r-manbɛ za nɩ a ɩ̃ tõ-tõ-biir za kũu san, a bɛl a Zezabɛl na ƴãw bɛ kʋ a.

Sɛb-sõw yielu 19:9

A Sore nɛ́ɛ tori nɩ dẽdẽ, a mɩ́ ƴãw nɩ nʋ̃ɔ̀ a socir. A Sore nɔ-ƴãwnɩ vɩɛl'ɩ parpar, a mɩ́ ɩ na fʋ nyɛrɛ.

Ɩzayi 25:1

Sore e, fʋ̃ʋ n'ɩ a ɩ̃ Naaŋmɩn, ɩ̃ zɛwr fʋ na ɛ́ íre a fʋ yúor. Bʋ̃ʋ n'ʋ vɛ̃, fʋ maal'ɩ a yel-vɩɛlɩ fʋ na tɩɛrɩ a. Koro za n'a fʋ tɩɛrɩ a, a gã na ɛ́ bɛ lɩɛbɛ ɩ.

Wulu-ayi-sob 32:35

Ɩ̃ na yáa nɩ a san, ɩ̃ na ya bɛ na tu n a bɛ ɩb, a bɛ loba bibir wa vɩɛ a. A kpɩɛrʋ bibir ŋa bɛ cɛlɛ ɩ, a bɛ loba bibir pɩɛl'a.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

Yel-wula 15:3

Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá: «Sore Naaŋmɩn kpɛnʋ-za-sob i, a fʋ tome ɩ n tõ-bɛrɛ ɛ́ ɩ nɔ-ɓãa-tome. Ten za Nãà a, a fʋ ɩb tu n mɩnʋ nɩ yel-mɩŋa.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 18:3

Bʋ̃ʋ n'ʋ vɛ̃, a ten za nyũ n a ʋ pɩ̃ɔ ɩ-ɩrɩ na bɛ maal'ɩ wob a divɛ̃. A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a ʋ naalʋ na bɛ vʋʋr a ɩ na a tẽw zu yɛ-yɛrbɛ kpɛ naalʋ.»

Yel-wula 6:10

Bɛ tɩ cɩɩrɛ na nɩ kɔkɔr-kpɛ̃w yere: «Zu-sob na ɩ sõw, ɛ́ ɩ Zu-sob sɩza a, debor'a fʋ na gù n a ƴɛ̀rʋ-maalʋ nɩ a tɩ kũu san sowru a tẽw zu nɩbɛ zie tɩ ta?»