Yel-wula 19:11 - A SƐB-SÕW

¹¹ Al pùorí, ɩ̃ tɩ nyɛ̃ nɩ a salom ʋ yuo, ɛ́ wur-pla sãá. A ʋ zɔmnɛ dɩ na kɛ́ Pùor-bɛ-lɛbrɛ nɩ Mɩŋa sob. Ʋ maalɛ nɩ a ƴɛ̀rʋ ɛ́ zɛbr a zɛbr nɩ mɩnʋ.

Yel-wula 19:11 ပူးပေါင်းရင်းမြစ်များ

Sɛb-sõw yielu 50:6

A salom hiere na yere a ʋ mɩnʋ, bʋ̃ʋ n'ʋ vɛ̃, a Naaŋmɩn n'ɩ a ƴɛ̀r-dɩrɛ. Tɛw-àrʋ

Sɛb-sõw yielu 96:13

a Sore niŋé, ʋ na waar a ƴãw, ʋ waar'a, k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Sɛb-sõw yielu 98:9

a Sore niŋé, ʋ na waar a ƴãw. Ʋ waar'a k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Sɛb-sõw yielu 99:4

Nãà fãw n'ɩ ʋ na nɔnɛ a yel-na-tu-sɔr-a. Fʋ̃ʋ n'ʋ bin a lɛ a na sɛw k'aa yele tuur a. A yel-na-tu-sɔr nɩ a mɩnʋ a, fʋ̃ʋ n'ʋ ƴãw a a Zakɔb bʋʋrɛ pʋɔ.

Eziptɩ tẽw yib 15:3

A Sore ɩ n zɛ-zɛbrɛ, a ʋ yúor'ɩ a Sore!

Ɩzayi 32:1

Nãà na be n be dɩrɛ a naalʋ nɩ mɩnʋ. A nɩ-bɛrɛ na dɩrɛ nɩ a nɩ-kpɛ̃ɛnʋ a nɩbɛ zu mɛ̃ a lɛ a na tu sɔ́r a.

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

Zeremi 33:15

A daar ʋl wa ta a, ɩ̃ na ɩ na a Daviir bi-mɩŋa dɔw. Ʋ na ɩ na bɛ ɩrɛ a lɛ-na-tu-sɔr ɛ́ tu mɩnʋ a, a tẽw pʋɔ.

Ezekɩɛl 1:1

A ɩ̃ yome lɩzɛr'ɩ pie sob, a cuwr anaar sob, a bibie anũu sob, a mãa Ezekɩɛl na ɩ a bàwr-maalɛ Buuzɩ bidɛb a, ɩ̃ tɩ pʋɔ nɩ a Zifʋ mɩnɛ bɛl bɛ na tɩ diw cen nɩ a pʋɔ, a Kebaar man nʋɔr. Ɩ̃ tɩ nyɛ̃ nɩ a salom ʋ yuo, ɛ́ a Naaŋmɩn tɩ tɩr bʋ̃-nyɛrɩ kʋ̀ m ɩ̃ nyɛ̃.

Zakari 1:8

Bʋ̃-nyɛra kãw n'ʋ ɩ̃ nyɛ̃ a tɩ̃ɩsɔw: Nɩr na zɔm wur-zɩɛ a. Ʋ tɩ àr'ɩ mɩrtɩ tɩɩr pʋɔ, a bà-fʋɔla pɛrɩ́ za. Wie a mɩnɛ tɩ be n a ʋ pùorí ɩ zɩɩr, ulsɩ nɩ pɛlɛ.

Zã 1:51

A Yeezu tɩ cãà na yel ƴãw pʋɔ: «Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na nyɛ̃ nɩ a salom ʋ yuo, ɛ́ a Naaŋmɩn malkɩ mɩnɛ be a Nɩsaal Bie zu-sɔw siwr ɛ́ dúor.»

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 11:19

Lɛ n'a a Ŋmɩn-yir na be a salom zu a tɩ yuo, ɛ́ a Wõ-taa daga sãá a ʋ pʋɔ. A tɩ ɩ n saa-nyɩwrʋ, kɔkɛɛ gɔmɛ, saa tanʋ, tẽsɔw-kɔbr damnʋ nɩ sa-bi-kube na lo yaga za a.

Yel-wula 19:19

Ɩ̃ɩ tɩ nyɛ̃ nɩ a wɛ-dʋ̃w, a tẽw zu na-mɩnɛ nɩ a bɛ sojarɩ bɛ ɓã taa na zɛb'ɩ a sob nɛ na zɔm a wur a, nɩ a ʋ sojarɩ.

Yel-wula 19:21

A zɛbr-sɔ-kpɛ̃ɛ na yire a sob nɛ na zɔm a wur a nʋɔrɩ́ a, tɩ kʋ n a bɛl na baa cɛ a, a lili za dɩ a bɛ ƴã-gã-nɛnɛ tɩw.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

Yel-wula 3:7

«Sɛb yel a Fɩladɛlfɩ tẽw Lãw-yir malkɩ: À ŋá n'a a Nɩ-sõw, a Sob nɛ na tɛr yel-mɩŋa a, yere, ʋl na tɛr a nãà Daviir pĩi a, ʋl na mɩ́ yuo ɛ́ nɩr kʋ̃ tʋ̃ɔ́ pàw a, ʋl na mɩ́ pàw ɛ́ nɩr kʋ̃ tʋ̃ɔ́ yuo a:

Yel-wula 4:1

À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a. A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»

Yel-wula 6:2

Ɩ̃ tɩ jɩ́r'a nyɛ̃ wur-pla. A ʋ zɔmnɛ tɩ tɛr'ɩ tam, ɛ́ bɛ kʋ̀ ʋ zɛb-tʋ̃ɔ́fʋ kpawʋɔ ʋ cen nɩ mɛ̃ nɩr na zɛb tʋ̃ɔ́, ɛ́ na cãà lɛb zɛb tʋ̃ɔ́ a.