Yel-wula 18:3 - A SƐB-SÕW

³ Bʋ̃ʋ n'ʋ vɛ̃, a ten za nyũ n a ʋ pɩ̃ɔ ɩ-ɩrɩ na bɛ maal'ɩ wob a divɛ̃. A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a ʋ naalʋ na bɛ vʋʋr a ɩ na a tẽw zu yɛ-yɛrbɛ kpɛ naalʋ.»

Yel-wula 18:3 ပူးပေါင်းရင်းမြစ်များ

Ɩzayi 47:15

Fʋ bàl'ɩ fʋ tʋɔra sowri a nɩbɛ bɛ ŋa, a fʋ pɔ̀lʋ daarɩ́ za wa tɔ a dɩ̃a. Pãa nyɛ̃ a lɛ bɛ na ŋmɛ̃ a fʋ ƴãw a! Bɛ bɔrɛ na gʋɔr a ziir za, ɛ́ kãw za kʋ̃ tʋ̃ɔ́ faa fʋ ɛ.

Zeremi 51:34

«A Babɩlɔn tẽw nãà, Nabikodonozɔɔr, za mɛ̃ na vɔl, ʋ ŋmɔwrɩ mɛ̃ na ɛ́ bɛr mɛ̃, mɛ̃ la-zawla a. Ʋ vɔl mɛ̃ na mɛ̃ wa-bɩɛ a. Ʋ paal'ɩ a ʋ púor nɩ a ɩ̃ bʋ̃-vɩɛlɩ vɩɛlɩ zie, ɛ́ diw mɛ̃ bɛr.

Zeremi 51:7

A Babɩlɔn tɩ ɩ n salm-zɩɛ koli-nyúura a Sore nũú. Ʋ mɩ́ tɩ ɩ n a tẽ-daa za ʋ kuoli. A nɩ-bʋʋrɛ mɩ́ tɩ nyũ n a ʋ divɛ̃ tɩ bol'ɩ.

A Lãw-mʋɔlɛ 4:5

A bɛlɩ dem na tɩ dɩrɛ a bʋ̃-dɩ-kãánɩ a kpiir'ɩ a sɛ́ɛ pʋɔ. A bɛlɩ dem na tɩ baa a tɛra pʋɔ a jɛlɛ nɩ a sagɛ nɩ a bɛ nuru.

Nahum 3:4

A Nɩnɩɩvʋ tẽw ɩ n pɔw-yɛm a pɩ̃ɔ-ɩb na yãwmɛ yaga a. A ʋ vɩɛlʋ nɩ a ʋ sɔ-ɩb ʋ na bãw a, tɩ tawr'ɩ nɩbɛ waar'ɩ a ʋ zie. Nɩ-bʋʋr-yoru nɩ dɔwlʋ bʋʋrɛ bʋʋrɛ tɩ lɩɛb'ɩ a ʋ gbãgbaar, a ʋ pɩ̃ɔ ɩ-ɩrɩ nɩ a ʋ sɔ-ɩb zũú.

Luka 7:25

Bʋ̃ʋ n'ʋ nyɩ cen tɩ nyɛ̃ mɔ̃? Nɩr na su dɛpaal-bome a n'ʋ ʋ? Ɛcɛ a dɛpaal-kpar-suurbɛ nɩ a nʋ̃ɔ̀-wonbɛ a, na-mɩnɛ yie pʋɔ n'a bɛ mɩ́ kpɩɛr.

1 Timote 5:11

Ɛ́ a pɔw-kɔ-pɔ́lɛ́ a, ta ƴãw bɛ a pɔw-kɔbɛ lãw pʋɔ ɩ. Bʋ̃ʋ n'ʋ vɛ̃, a dɛb vʋla na mɩ́ wa taw bɛ zãá nɩ a Kɩrɩta a, bɛ mɩ́ bɔbr'ɩ sɩr lɛb-kulu.

Yel-wula 14:8

Malkɩ ayi sob tɩ tu n a dãw-niwn sob, ɛ́ yere: «A Babɩlɔn tẽ-kpɛ̃ɛ lo na, ʋ lo na! Ʋl na ƴãw a ten za nyũ a ʋ pɩ̃ɔ ɩ-ɩrɩ na bɛ maal'ɩ wob a divɛ̃ a.»

Yel-wula 17:2

A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a tẽw zu nɩbɛ nyũ a ʋ pɩ̃ɔ ɩ-ɩrɩ divɛ̃ kuoli.»

Yel-wula 18:19

Bɛ tɩ 'wɔ̃wnɛ nɩ tanɛ ƴãwnɛ a bɛ zũú, bɛ tɩ tuore nɩ nuru zũú kone cɩɩrɛ yere nɩ: «Zu-bio! Nyɛ̃ zu-bio na páw a tẽ-kpɛ̃ɛ a! A ʋ naalʋ n'a tɩ ƴãw a bɛlɩ dem za na tɛr gbee a kʋ̃ɔ-kpɛ̃ɛ zu a, bɛ kpɛ naalʋ. Ɛ́ a wa ɩ tɛm been yõ, ɛ́ a ʋ yele baarɩ!»

Yel-wula 18:23

A fɩ̃tɩlɛ cãà kʋ̃ lɛb caalɩ a fʋ pʋɔ ɩ. Bɛ kʋ̃ lɛb wõ a dɛb-sãan nɩ a pɔw-sãan kɔkɔr a fʋ pʋɔ ɩ. Bʋ̃ʋ n'ʋ vɛ̃, a fʋ yɛ-yɛrbɛ tɩ ɩ n a nɩ-bɛrɛ a tẽw zu, ɛ́ fʋ tɩ tuli a nɩ-bʋʋrɛ za nɩ a fʋ tɩtɩblʋ.»

Yel-wula 18:7

Mɛ̃ a lɛ ʋ na nyɛ̃ a yúor ɛ́ dɩ a dɛpaalʋ a, nyɩ ɩ k'ʋ mɩ̀ nyɛ̃ a kpɩɛrʋ nɩ a wahala. Mɛ̃ ʋ taa tɩɛr'ɩ ʋ pʋɔ à ŋá: “Ɩ̃ zɩ̃ n a ka mɛ̃ pɔw-nãà a, ɩ̃ bɛ ɩ pɔw-kʋɔr ɛ, ɛ́ kʋ̃ bãw wahala towtow ɛ.”

Yel-wula 18:9

A tẽw zu na-mɩnɛ na lãw nɩ ʋ maalɩ a pɩ̃ɔ-yele, ɛ́ lãw nɩ ʋ dɩ a dɛpaalʋ a na tuo nɩ nuru zũú kone nɩ a ʋ ƴãw, a lɛn daar bɛ nãà wa nyɛ̃ a ʋ vũu zʋ̀ʋ́r a.