Yel-wula 18:23 - A SƐB-SÕW

²³ A fɩ̃tɩlɛ cãà kʋ̃ lɛb caalɩ a fʋ pʋɔ ɩ. Bɛ kʋ̃ lɛb wõ a dɛb-sãan nɩ a pɔw-sãan kɔkɔr a fʋ pʋɔ ɩ. Bʋ̃ʋ n'ʋ vɛ̃, a fʋ yɛ-yɛrbɛ tɩ ɩ n a nɩ-bɛrɛ a tẽw zu, ɛ́ fʋ tɩ tuli a nɩ-bʋʋrɛ za nɩ a fʋ tɩtɩblʋ.»

Yel-wula 18:23 ပူးပေါင်းရင်းမြစ်များ

2 Na-mɩnɛ 9:22

A Yoram na tɩ nyɛrɛ a Yehu wa báarɛ a, ʋ sowr'ʋ na: «Yehu u, ɓaarʋ n'a a?» A Yehu sɔw: «Bʋnʋ yaa? Ŋmɩŋmɩn n'a a na tʋ̃ɔ́ ɩ a ƴã-ɓaarʋ, ɛ́ a fʋ mã Zezabɛl cãà puore a ŋmɩn-yoru, ɛ́ tone a ʋ sɔ-tome?»

A Zɔb sɛbɛ 21:17

Cã̀cã̀ n'a a ɩ-fa-maalbɛ mɩ́ ùr kpi i? Kʋralɛ n'a a bɛ yele sãwnɛ ɛ? Gb'aa ŋmɩn n'a a Naaŋmɩn ɩ a ʋ suur ìr a bɛ ƴãw?

Zʋkpaɩ 24:20

Bʋ̃ʋ n'ʋ vɛ̃, a yel-fa-maalbɛ bɛ tɛr nɩdaar ɛ, ɛ́ a nɩ-faar nyɔ-vʋʋrʋ ɩ mɛ̃ fɩ̃tɩlɛ na kpiire a.

Ɩzayi 23:8

A Tɩ́ɩ̀r tẽ-kpɛ̃ɛ tɩ pone nɩ na-mɩnɛ kpawʋʋr, a ʋ yɛ-yɛrbɛ tɩ ɩ n na-mɩnɛ, a ʋ bʋ̃-kʋ̀ɔrbɛ tɩ ɩ n a tẽw zu nɩ-yée. Ɛ́ ãa n'ʋ wa yel k'aa Tɩ́ɩ̀r tẽw sãw?

Ɩzayi 47:9

A yele ayi á ŋá na ùr'a ta fʋ bibi-been yõ: a fʋ bibiir na bɛ cãà be a nɩ a pɔw-kʋɔlʋ mɩ̀. A na ta b'a, a fʋ sɔ-yele nɩ a fʋ kalibawli saa yãwmɛ tɩ gãw a.

Zeremi 16:9

Bʋ̃ʋ n'ʋ vɛ̃, à ŋá n'a a mãa, a Sore kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ n a cuwr gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu baarɩ a zie ŋa pʋɔ a nyɩ mimirí, a nyɩ cãafʋ daar.”

Zeremi 25:10

Ɩ̃ na ɩ na a cuwr gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu baarɩ a nyɩ zie. Ɩ̃ na ɩ na a nɩɛr gɔmɛ bɔr, ɛ́ ɩ a fɩ̃tɩlɛ kpiiri.

Zeremi 7:34

A Zuda tẽ-bɛrɛ pʋɔ nɩ a Zerizalɛm tẽw sɛ́ɛ zu a, ɩ̃ na ɩ na a cuwr gɔmɛ, a nʋ̃ɔ̀ cɛlsɩ nɩ a dɛb-sãan nɩ a pɔw-sãan yielu tɛw, bʋ̃ʋ n'ʋ vɛ̃, a tẽw na ɩ n deboru gã.»

Nahum 3:4

A Nɩnɩɩvʋ tẽw ɩ n pɔw-yɛm a pɩ̃ɔ-ɩb na yãwmɛ yaga a. A ʋ vɩɛlʋ nɩ a ʋ sɔ-ɩb ʋ na bãw a, tɩ tawr'ɩ nɩbɛ waar'ɩ a ʋ zie. Nɩ-bʋʋr-yoru nɩ dɔwlʋ bʋʋrɛ bʋʋrɛ tɩ lɩɛb'ɩ a ʋ gbãgbaar, a ʋ pɩ̃ɔ ɩ-ɩrɩ nɩ a ʋ sɔ-ɩb zũú.

Nɩ-toni 8:11

Bɛ tɩ tu n a ʋ pùor, ʋ na tɩ ɩ a ʋ tɩtɩblɛ ɩ-ɩrɩ a nyɔw bɛ a koro za a ƴãw.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 17:2

A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a tẽw zu nɩbɛ nyũ a ʋ pɩ̃ɔ ɩ-ɩrɩ divɛ̃ kuoli.»

Yel-wula 17:5

Yúor a pɛr na sɔwlɩ a tɩ sɛb'ɩ a ʋ gbẽé à ŋá: «Babɩlɔn kpɛ̃ɛ, pɔw-yɛmɛ nɩ a tẽw yel-faar na bɛ maal'ɩ wob a mã.»

Yel-wula 18:22

Nɩr kʋ̃ lɛb wõ korijom nɩ bʋ̃-ŋmɩɛrɩ a ŋmɛ a fʋ pʋɔ ɩ, wele nɩ wɩ́ɛ a pɛblɩ ɛ. Nɩr kʋ̃ lɛb nyɛ̃ tõ-nɔ-bʋʋrɛ kãw za tõ-tone a fʋ pʋɔ ɩ. Nɩr kʋ̃ lɛb wõ bɛ ƴɛ́r nɩɛr zu ɛ.

Yel-wula 18:3

Bʋ̃ʋ n'ʋ vɛ̃, a ten za nyũ n a ʋ pɩ̃ɔ ɩ-ɩrɩ na bɛ maal'ɩ wob a divɛ̃. A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a ʋ naalʋ na bɛ vʋʋr a ɩ na a tẽw zu yɛ-yɛrbɛ kpɛ naalʋ.»

Yel-wula 18:9

A tẽw zu na-mɩnɛ na lãw nɩ ʋ maalɩ a pɩ̃ɔ-yele, ɛ́ lãw nɩ ʋ dɩ a dɛpaalʋ a na tuo nɩ nuru zũú kone nɩ a ʋ ƴãw, a lɛn daar bɛ nãà wa nyɛ̃ a ʋ vũu zʋ̀ʋ́r a.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.

Yel-wula 6:15

A tẽw zu na-mɩnɛ, a nɩ-bɛrɛ, a sojarɩ nɩ-bɛrɛ, a tɛra dem, a fãw dem, bɛ za, gbãgbaar nɩ nɩbɛ na so bɛ tʋɔra a, tɩ sɔwl'ɩ a bɔwrɩ pʋɔ nɩ a pie pʋɔ a tan zu.

Yel-wula 9:21

Bɛ mɩ̀ bɛ tɩ bɛr a bɛ nɩ-kʋ, a bɛ tɩtɩblʋ, a bɛ pɩ̃ɔ ɩ-ɩrɩ nɩ a bɛ nyãnyuwlu ɛ.