Yel-wula 18:13 - A SƐB-SÕW

¹³ tɩɛ kãw bɛ na bʋɔlɛ kɛ́ kanɛl a pɛgɛ nɩ a bʋ̃-dɩ-mɩɩla bʋʋrɛ a mɩnɛ, parfɛ̃, mɩ́ɩ̀r nɩ tɩ-suur-zɔ̃-na-nyùur-vla-vla-a, divɛ̃, kãá, zɔ̃ nɩ ble, nĩi nɩ píir, wie nɩ wie torkori, gbãgbaar nɩ nɩ-pàwrɩ.

Yel-wula 18:13 ပူးပေါင်းရင်းမြစ်များ

1 Na-mɩnɛ 10:10

Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, kãá-nyuure na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ kãá-nyuure a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

1 Na-mɩnɛ 10:15

de nɩ a yar bʋʋrɛ bʋʋrɛ a nɩbɛ na mɩ́ ya a tẽ-yoru bome na kpɩɛr a tẽw pʋɔ a ƴãw, nɩ a yɛ̀rʋ́ ƴãw a, nɩ a zuru-yar a na-yoru nɩ a tẽw nãà-lɩɛrbɛ na mɩ́ tɩr a.

1 Na-mɩnɛ 10:25

Yũon za a, a nɩbɛ bɛ ŋa mɩ́ tɩ wa n nɩ bome wa kʋ̀ ʋ, salm-pla nɩ salm-zɩɛ bome, kparɩ, zɛbr bome, kãá-nyuure, wie nɩ mílɛ̀.

1 Bibie za yel-manɩ 5:21

Bɛ tɩ fa n a bɛ dʋn: nyɔ̃wmɩ tùr-lɩz'a ayi nɩ pie (50 000), píir nɩ bʋʋr tùr-kɔbr ayi dɔwlɩ tùr-lɩz'a ayi nɩ pie (250 000), bòn túr-ayi (2 000), ɛ́ nyɔw gaso-nɩbɛ tùr-kʋba (100 000).

2 Bibie za yel-manɩ 9:9

Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, parfɛ̃ na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ parfɛ̃ a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

Neemi 5:8

Ɩ̃ tɩ yel bɛ na: «Mɛ̃ a lɛ a tɩ fãw na ta a, tɩ ya na de a tɩ bʋʋrɛ nɩbɛ na tɩ kʋɔrɩ bɛ tʋɔra kʋ̀ nɩ-bʋʋr-yoru a. Ɛcɛ nyɩɩm kʋɔrɛ nɩ a nyɩ yɛbr nɩ a nyɩ yeepuuli, ɛ́ a ɩ Zifʋ yoru zie n'a nyɩ kʋɔrɛ bɛ!» Bɛ bɛ tɩ nyɛ̃ ƴɛ̀rʋ za na ƴɛ̀r a ka ɩ, ɛ́ ɩ gbili.

Eziptɩ tẽw yib 21:16

«Nɩr na nyɔw nɩr a, ʋ kʋ̀ɔr'ʋ na bɩɩ ʋ cãà na tɛr ʋ a, a fɛr'a kɛ́ bɛ kʋ ʋ.»

Zʋkpaɩ 7:17

Ɩ̃ ŋmɛ n mɩ́ɩ̀r parfɛ̃ na nyùur vla vla a ƴãw a ɩ̃ bʋ̃-gana zu.

A Yielu za pʋɔ yiel-vla vla 1:3

zuo a fʋ kãá-nyũu. A nɩbɛ nɔnɛ fʋ na mɛ̃ parfɛ̃ na vɩɛl vɩɛl a, alɛ n'a so a pɔwsɩrali kpiir lore a fʋ ƴãw.

A Yielu za pʋɔ yiel-vla vla 3:6

Ãa n'ʋ yi a wɛja-kpalɛ pʋɔ dúor waar mɛ̃ zʋ̀ʋ́r na ŋmɛlɛ dúor, ɛ́ nyùur mɩ́ɩ̀r parfɛ̃ nɩ tɩ-suur-zɔ̃-na-nyùur-vla-vla-a, nɩ parfɛ̃ bʋʋrɛ za na yi tẽ-yoru wa a?

A Yielu za pʋɔ yiel-vla vla 5:5

Ɩ̃ ìre na k'ɩ̃ɩ yuo a ɩ̃ nɩ-nɔna a pan. A ɩ̃ nuru ɩ n mɩ́ɩ̀r kãá tɛwr, ɛ́ a kãá-nyũu á ŋá yule nɩ a ɩ̃ nobie ƴãw lore a pan kpàrá nyɔwfʋ zie zu.

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Ezekɩɛl 27:13

Mɔ̃ mɩ̀, Yavan, Tubal nɩ Mesɛkɩ ten maalɛ nɩ fʋ nɩ yɛ̀rʋ́. Bɛ tɩ kʋ̀rɛ fʋ nɩ yɛ̀rʋ́ bome á ŋá: gbãgbaar nɩ kur-zɩɛ bome.

Amɔsɩ 2:6

À ŋá n'a a Sore yere: «A Ɩsɩrayɛl nɩbɛ na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ kʋɔr'ɩ a nɩ-mɩŋa, libir ƴãw, ɛ́ kʋɔrɩ a nã́w sob nafawr-ɓɛwlɩkɛl ƴãw.

Amɔsɩ 6:6

Dãa koli-nyúuri bɛrɛ n'a nyɩ tɛr nyúur'ɩ a divɛ̃, ɛ́ zɩɛr kãá-nyũu vla vla, ɛcɛ a Zuzɛb yir na lore a, al bɛ ɩrɛ nyɩ bom ɛ.

Amɔsɩ 8:6

Tɩ na dà n a nɩ-kɔmɛ nɩ libie blã, tɩ na de nɩ nafawr-ɓɛwlɩkɛl pɛ-been tɛw nɩ a nã́w sob. Tɩ na mɩ́ kʋɔr'a tɩ lãw nɩ a ka-sɩmɛ tɛɛ za.»

Wulu-ayi-sob 24:7

Ɩsɩrayɛl nɩr wa nyɔw a ʋ Ɩsɩrayɛl nɩ-tɔ ƴãw k'ʋ ɩ a ʋ gbãgbaa, bɩɩ kʋɔrɩ ʋ a, a fɛr'a kɛ́ bɛ kʋ ʋ. Nyɩ na ír'ɩ a faalʋ bɛr à à ŋá a nyɩ sɔgɔ.

Wulu-ayi-sob 28:68

A Sore na tɛr nyɩ nɩ gbee pʋɔ lɛb wa n a Eziptɩ. Ʋ na ɩ na nyɩ lɛb wa a tẽw ŋa pʋɔ, ɩ̃ na tɩ yel kʋ̀ nyɩ kɛ́ nyɩ kʋ̃ lɛb nyɛ̃ ʋ towtow a. A be a, nyɩ na tɩ bɔbr'a kɛ́ nyɩ kʋɔrɩ nyɩ tʋɔra ɩ gbãgbaar, ɛ́ daarɛ kʋ̃ ka be ɩ.

1 Timote 1:10

pɩ̃ɔ-yel-maalbɛ, dɛb-bɛrɛ na gánɛ nɩ dɛbli a, nɩbɛ na kʋɔrɛ gbãgbaar a, zir-ŋmarbɛ ƴãw n'a, nɩbɛ na mɩ́ pɔ ɛ́ bɛ ír a bɛ pɔɛ a ƴãw n'a, nɩ bom za na bɛ tu a wul-vla a.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

Yel-wula 18:14

A yɛ-yɛrbɛ yere na: «A bome al za fʋ na tɩ bɔbr a, a bɔr'ɩ a fʋ zie, a fʋ na-bome nɩ a fʋ dɛpaalʋ a, a baar'ɩ a fʋ zie, nɩr kʋ̃ lɛb nyɛ̃ a towtow ɛ!»

Yel-wula 18:15

A yɛ-yɛrbɛ bɛl ʋ na tɩ ɩ bɛ kpɛ naalʋ a, bɛ na àr'a zãá, a ʋ dɔwrʋ na ɩrɛ bɛ dɛ̃bɩ̃ɛ a ƴãw. Bɛ na tuo nɩ nuru zũú kone nɩ,