10 Bɛ na àr'a zãá, a ʋ dɔwrʋ na ɩrɛ dɛ̃bɩ̃ɛ a ƴãw, ɛ́ yere: «Zu-bio wɛ! Zu-bio wɛ, Babɩlɔn i! Tẽ-kpɛ̃ɛ na tɛr fãw a! A wa ɩ n tɛm been yõ ɛ́ a fʋ ƴɛ̀rʋ dɩ!»
Nyɩ cɛlɛ be! Nɩr'ʋ waar. Ʋ be n zɛbr-torko wie ayi na tawr a zu. Ʋ de nɩ a ƴɛ̀rʋ yel: “A Babɩlɔn tẽw lo na, a Babɩlɔn tẽw lo na! A ʋ ŋmɩmɛ dasuli za gã nɩ tẽw, a kar kar a gã.”»
A yele ayi á ŋá na ùr'a ta fʋ bibi-been yõ: a fʋ bibiir na bɛ cãà be a nɩ a pɔw-kʋɔlʋ mɩ̀. A na ta b'a, a fʋ sɔ-yele nɩ a fʋ kalibawli saa yãwmɛ tɩ gãw a.
À ŋá n'a a Sore, a Naaŋmɩn kpɛnʋ-za-sob, a ɩ̃ Sore, à ŋá n'a ʋ yere: «A nɩbɛ tuor-taa ziir za a, koe na be n be, a soli za pʋɔ bɛ na kone na: 'Woi! 'Woi! Bɛ na yel'ɩ a kuor kʋ̀ ka-kʋ́ɔrbɛ, bɛ na tõ na bʋɔlɩ a lãw-konbɛ kɛ́ bɛ wa a kuor.
A Ɩsɩrayɛl nɩbɛ bɛl za na tɩ àr pɩɛlɩ bɛ, ɛ́ wone a cɛlsɩ bɛ na ŋmɩɛr a tɩ zɔ na. Bʋ̃ʋ n'ʋ vɛ̃, bɛ tɩ yere na: «Nyɩ ɩ tɩ zɔ, alɛ bɛ ɩ lɛ a tẽsɔw mɩ̀ na vɔl tɩ na!»
A bɛ kũuni na gã nɩ a tẽ-kpɛ̃ɛ laɩ pʋɔ, a be bɛ na kpa a bɛ Sore a da-gara zu a. Bɛ bʋɔlɛ nɩ a tẽw ʋl kɛ́ Sodɔm nɩ Eziptɩ, ʋ ɩ zʋkpar'ʋ bɛ mɩ́ lɔb.
Malkɩ ayi sob tɩ tu n a dãw-niwn sob, ɛ́ yere: «A Babɩlɔn tẽ-kpɛ̃ɛ lo na, ʋ lo na! Ʋl na ƴãw a ten za nyũ a ʋ pɩ̃ɔ ɩ-ɩrɩ na bɛ maal'ɩ wob a divɛ̃ a.»
A tẽ-kpɛ̃ɛ tɩ ŋmɛr'ɩ ziir ata, ɛ́ a ten za tẽ-bɛrɛ lo. Naaŋmɩn tɩ lɛb'a tɩɛrɩ bãwnɩ a Babɩlɔn tẽ-kpɛ̃ɛ yele, kʋ̀ ʋ a ʋ divɛ̃ nɩ a kole ʋ nyũ, a ʋ su-tʋlʋ divɛ̃.
Bɛ tɩ 'wɔ̃wnɛ nɩ tanɛ ƴãwnɛ a bɛ zũú, bɛ tɩ tuore nɩ nuru zũú kone cɩɩrɛ yere nɩ: «Zu-bio! Nyɛ̃ zu-bio na páw a tẽ-kpɛ̃ɛ a! A ʋ naalʋ n'a tɩ ƴãw a bɛlɩ dem za na tɛr gbee a kʋ̃ɔ-kpɛ̃ɛ zu a, bɛ kpɛ naalʋ. Ɛ́ a wa ɩ tɛm been yõ, ɛ́ a ʋ yele baarɩ!»
Lɛ n'a malkɩ kãw na tɛr fãw a tɩ ɓáw kʋsɩɛr na ɩ mɛ̃ nɛ-kpɛ̃ɛ a, lɔb ƴãw a kʋ̃ɔ-kpɛ̃ɛ pʋɔ ɛ́ yel: «À ŋá n'a bɛ na lɔb a Babɩlɔn tẽ-kpɛ̃ɛ kpɛ̃ɛ bɛr nɩ fãw, ɛ́ nɩr kʋ̃ lɛb nyɛ̃ ʋ ɛ.
A lɛ n'a so a ʋ bʋ̃-faar á ŋá na ta ʋ bibi-been: a kũu, a wahala nɩ a kɔ̃. Vũu na dɩ ʋ nɩ kʋmɔkʋmɔ. Bʋ̃ʋ n'ʋ vɛ̃, a Sore Naaŋmɩn na dɩ n ʋ a ƴɛ̀rʋ a tɛr'ɩ kpɛ̃w.»