Yel-wula 17:3 - A SƐB-SÕW

³ Lɛ n'a a vʋʋrʋ tɩ siw mɛ̃, ɛ́ a malkɩ ɓáw mɛ̃ kpɛ n wɛja-kpalɛ pʋɔ. Ɩ̃ tɩ nyɛ̃ nɩ pɔw a be, ʋ zɩ̃ dʋ̃-zɩɛ ɓõɓõ zu. Yée na tʋʋr Naaŋmɩn zʋmɛ a tɩ sɛb a pàw a wɛ-dʋ̃w ƴã-gan za, ʋʋ tɩ tɛr zuru ayopõi nɩ ɩ́lɛ́ pie.

Yel-wula 17:3 ပူးပေါင်းရင်းမြစ်များ

1 Na-mɩnɛ 18:12

Ɛcɛ mãa dɛ wa bɛrɛ fʋ wa báarɛ a, a Sore Vʋʋrʋ na ɓáw fʋ na cen nɩ be ɩ̃ na bɛ bãw a. Mãa na cen na tɩ yel a yele kʋ̀ a Akab, ʋ kʋ̃ nyɛ̃ b ɛ, ɛ́ ƴãw bɛ kʋ m. Ɛcɛ a ɩ̃ pɔ̀lʋ daarɩ́ za n'a ɩ̃ ƴãwnɛ a Sore.

2 Na-mɩnɛ 2:16

ɛ́ yel ʋ: «Nɩbɛ lɩz'a ayi nɩ pie na tɛr soci-kpɛn a be n a ka. Tɩ na tõ bɛ na bɛ cen tɩ bɔ a fʋ nɩ-kpɛ̃ɛ. Kapaw, a Sore Vʋʋrʋ ɓáw ʋ na cen nɩ tɩ lɔb bɛr tãw kãw zu bɩɩ fʋɔla kãw pʋɔ.» Ɛcɛ a Elize tɩ yel'a kɛ́ bɛ ta tõ bɛ ɩ.

A Yielu za pʋɔ yiel-vla vla 8:5

Ãa n'ɩ a pɔw ŋa na yi a wɛja-kpalɛ pʋɔ waar, ʋlɛ nɩ a ʋ nɩ-nɔna weri taa a? Ɩ̃ sɩ̃wnɛ fʋ nɩ a mãdɩragɔɔr tɩɛ pile, a be a fʋ mã na ŋmãa a fʋ sɩɛ a, a be ʋ na dɔw fʋ a.

Ezekɩɛl 11:24

A yel-nyɛra nɛ pʋɔ a, a vʋʋrʋ tɩ zɛw mɛ̃ na ìr'ɩ a tẽw. Ʋ tɩ lɛb'a tɛr mɛ̃ cen nɩ a nɩ-diw-ceni zie a Babɩlɔn tẽw, ɛ́ a yel-nyɛra a Naaŋmɩn na tɩ ɩ ɩ̃ nyɛ̃ a tɩ baarɩ.

Ezekɩɛl 3:12

Lɛ n'a a vʋʋrʋ tɩ zɛw mɛ̃ ìr'ɩ a tẽw, ɩ̃ɩ tɩ wõ a ɩ̃ pùorí cɩɩrʋ kpɛ̃ɛ ŋa na cɩɩrɛ a: «A Sore, ʋlɛ so danʋ a be ʋ na mɩ́ wul a ʋ yúor-vɩɛlʋ-danʋ a.»

Ezekɩɛl 8:3

Ʋ tɩ tur'ɩ bom kãw na ɩ mɛ̃ nũu a, ɛ́ nyɔw mɛ̃ a zukɔbɛ ƴãw. Lɛ n'a a yel-nyɛra ŋa na yi a Naaŋmɩn zie a pʋɔ, a Vʋʋrʋ tɩ zɛw mɛ̃ do n a salom nɩ a tẽsɔw cará, ɛ́ cen nɩ mɛ̃ a Zerizalɛm. Ɩ̃ tɩ be n a tẽ-kpɛ̃ɛ saa-pɛrɩ́-gʋba-lowr dɩ̃dɔr sɔwlɩsɔw, a be bɛ na bin tɩɩb kãw na ɩ zʋm bom a Naaŋmɩn zie a.

Matie 27:28

Bɛ tɩ yaar'ɩ a ʋ bʋ̃-suuri bɛr ɛ́ de kpar-kpɛ̃ɛ zɩ̃ɛ su ʋ,

Nɩ-toni 8:39

Bɛ na wa lɛb yi a kʋ̃ɔ pʋɔ a, a Sore Vʋʋrʋ ír'ɩ a Filib. A dɛ-vár bɛ lɛb tɩ cãà nyɛ̃ ʋ ɛ, ɛ́ cãà lo a ʋ sɔ́r kule nɩ nʋ̃ɔ̀.

2 Tesalonikɩ 2:4

Bom nɛ za a nɩsaalbɛ na bʋɔlɛ kɛ́ naaŋmɩn, ɛ́ puore ʋ a, a Faalʋ nɩr na ìr'ɩ nɩ pɔ̀lʋ ɩ a ʋ dɔ̃ sob, ʋʋ na tɛr'ɩ lɛɛɛ tɩ kpɛ zɩ̃ a Naaŋmɩn yir-kpɛ̃ɛ pʋɔ, ɛ́ yel k'ʋʋ ɩ n Naaŋmɩn.

Yel-wula 1:10

A Naaŋmɩn Vʋʋrʋ tɩ siw mɛ̃ nɩ a Sore bibir, ɩ̃ɩ tɩ wõ kɔkɔr na yire kpɛ̃w kpɛ̃w za a ɩ̃ pùorí mɛ̃ wɩ́ɛ na pɛblɛ a.

Yel-wula 12:14

Ɛcɛ, bɛ tɩ kʋ̀ n a sɩl-kpɛ̃ɛ pɩgɛ ayi a pɔw, k'ʋʋ ƴaw nɩ kpɛ n a wɛja-kpalɛ pʋɔ, a zie ʋl bɛ na cɔbrɩ a ʋ ƴãw a, bɛ tɩ guol'ʋ a be yome ata nɩ ŋmãa, zãá nɩ a waab.

Yel-wula 12:3

Bãwfʋ yũo tɩ sãá nɩ a salom zu: wa-bɩɛ bɛ́rʋ zɩɛ na tɛr zuru ayopõi nɩ ɩ́lɛ́ pie, ɛ́ a zu za mɩ́ tɩ vɔbl'ɩ nãà-kpawʋɔ a.

Yel-wula 12:6

A pɔw ʋl a, ʋ tɩ zɔ na kpɛ a wɛja-kpalɛ pʋɔ, a be Naaŋmɩn na tɩ cɔbrɩ zie bɛr ʋ, bɛ na tɩ guol'ʋ bibie túr'ɩ kɔbr ayi dɔwlɩ lɩz'a ata a (1 260).

Yel-wula 17:18

Ɛ́ a pɔw fʋ na nyɛ̃ a ɩ n a tẽ-kpɛ̃ɛ ʋl na dɩrɛ naalʋ a tẽw zu na-mɩnɛ zu a.»

Yel-wula 17:4

A pɔw tɩ su n kpar-vɩɛlɩ zɩɩr ɓõɓõ, ɛ́ nyɩlɛ ʋ za nɩ salm-zɩɛ nɩ kʋsɛ-bi-nyɩlɩ nɩ lɛgɛ. Ʋ tɩ tɛr'ɩ salm-zɩɛ koli-nyúura na paalɩ yel-faar na bɛ maal'ɩ wob a, nɩ a ʋ pɩ̃ɔ-ɩ-dɛgɛ a, a ʋ nũú.

Yel-wula 18:12

salm-zɩɛ, salm-pla, kʋsɛ-bi-nyɩlɩ nɩ lɛgɛ, pɛn-pɛlɛ saalɩ, pɛn-zɩɩr, pɛn-saalɩ nyɩlɩ vʋlvʋl nɩ pɛn-zɩɩr ɓõɓõ, dà-bʋʋrɛ bʋʋrɛ za na bɛ nyɛrɛ a, wɔ́b nyɩmɛ bʋ̃-maalɩ, dà-vɩɛlɩ, kur-zɩɛ, kure bɩɩ kʋsɛ-pɛlɛ bʋ̃-maalɩ,

Yel-wula 18:16

bɛ na yere na: «Zu-bio! Nyɛ̃ zu-bio na páw a tẽ-kpɛ̃ɛ a! Ʋ mɩ́ tɩ su n pɛn-pɛlɛ saalɩ fɔbr, pɛn-zɩɩr nɩ pɛn-zɩɩr-ɓõɓõ fɔbr, ʋ mɩ́ tɩ ƴãw nɩ salm-zɩɛ, kʋsɛ-bi-nyɩlɩ nɩ lɛgɛ pɩ̃ɛmɛ.

Yel-wula 21:10

A Naaŋmɩn Vʋʋrʋ tɩ siw mɛ̃ na, ɛ́ a malkɩ tɩ tɛr mɛ̃ do n tã-kpɛ̃ɛ na kɛrɩ a zu, tɩ wul mɛ̃ a tẽ-sõw-kpɛ̃ɛ, a Zerizalɛm, na tɩ yi a Naaŋmɩn zie a salom zu siwr a.

Yel-wula 4:2

A Naaŋmɩn Vʋʋrʋ tɩ siw mɛ̃ nɩ daadaalɛ. Ɛ́ naalʋ-dà-kɔw n'ɩ ŋan tɩ be a tẽ-vla pʋɔ be. Nɩr kãw tɩ zɩ̃ n a naalʋ-dà-kɔw zu.