Yel-wula 17:17 - A SƐB-SÕW

¹⁷ Bʋ̃ʋ n'ʋ vɛ̃, Naaŋmɩn ƴãw a nɩ tɩɛrʋ a socie pʋɔ k'aa maalɩ a ʋ pʋ-tɩɛrʋ. A na lãw na dɩ a naalʋ tu n a wɛ-dʋ̃w ɛ́ gù a Naaŋmɩn ƴɛ̀rʋ tɩ tu.

Yel-wula 17:17 ပူးပေါင်းရင်းမြစ်များ

Ɛsɩdɩrasɩ 7:27

Lɛ n'a a Ɛsɩdɩrasɩ tɩ yel: «A Sore, a tɩ sãàkʋm-kore Naaŋmɩn, ʋ tɛr'ɩ puoru. Ʋlɛ n'ʋ kʋ̀ a Zerizalɛm Ŋmɩn-yir-kpɛ̃ɛ ƴãwfʋ tɩɛrʋ a nãà.

Sɛb-sõw yielu 105:25

Ʋ tɩ ɩ na a Eziptɩ tẽw dem tɩɛrʋ lɩɛbɩ, bɛ hɩ̃ɛn a ʋ nɩ-bʋʋrɛ, ɛ́ ɩrɛ libelibe-ɩb a ʋ tõ-tõ-biir zie.

Zʋkpaɩ 19:21

A nɩsaal mɩ́ tɩɛr'ɩ yel-yaga maalʋ, ɛcɛ a Sore yõ tɩ́ɛrʋ n'ʋ mɩ́ maalɩ.

Zʋkpaɩ 21:1

A nãà socir ɩ na mɛ̃ kʋ̃ɔ na zɔrɛ a Sore nuru pʋɔ a. A Sore mɩ́ ɩ na ʋ cere be ʋ na bɔbr'a.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Luka 22:22

A Nɩsaal Bie ʋl kule na, mɛ̃ a lɛ a yele na cɔbrɩ bin a, ɛcɛ baw-bio sob'ɩ a nɩr ʋl na mɩlɛ ʋ a.»

Luka 22:3

Lɛ n'a a Sɩtaana tɩ kpɛ a Zuda bɛ na bʋɔlɛ Ɩsɩkarɩɔtɩ a pʋɔ. Ʋ tɩ ɩ n a Yeezu nɩ-toni pie nɩ ayi ƴen sob.

Luka 22:37

Ɩ̃ sɩrɩ na yere kʋ̀rɛ nyɩ: a fɛr'a kɛ́ a sɛbrʋ ŋa tu a ɩ̃ ƴãw: “Bɛ sɔ́r ʋ na ƴãw nɩ-faar pʋɔ.” A yele na càarɩ mɛ̃ a, na sɩrɩ na tu.»

Zã 10:35

A na ɩ à ŋá a, a bɛlɩ dem na bɛrɛ wone a Naaŋmɩn ƴɛ̀rʋ a, a Naaŋmɩn wulu mɩ́ tʋ̃ɔ́ na bʋɔlɛ bɛ ŋmɩmɛ. Ɛcɛ nɩr kʋ̃ tʋ̃ɔ́ lɩɛbɩ a Sɛb-sõw ƴɛ̀rʋ bɛr ɛ.

Zã 13:18

Nyɩ za ƴãw bɛ n'a ɩ̃ ƴɛ̀rɛ ɩ. Ɩ̃ bãw nɩ a bɛlɩ dem ɩ̃ na kaa ír a. Ɛcɛ a fɛr'a kɛ́ a Sɛb-sõw ƴɛ̀r-bie á ŋá tu: “A sob nɛ na tɩ lãwnɩ mɛ̃ dɩrɛ a, lɩɛb'ɩ a ɩ̃ dɔ̃ sob.”

Zã 13:2

A zaanʋɔra dɩb daar, a Gɛgɛra na tɩ ƴãw a Sɩmʋ̃ bidɛb Zuda Ɩsɩkarɩɔtɩ a tɩɛrʋ k'ʋʋ mɩl a Yeezu nyɔw tɩr a,

Zã 19:24

A sojarɩ tɩ yere na kʋ̀rɛ taa: «Tɩ ta cɩɛrɩ a kparʋ ŋa põ ɩ, tɩ ŋmɛ gbãw de.» A yele á ŋá za ɩ na, kɛ́ a Sɛb-sõw ƴɛ̀r-bie tʋ̃ɔ́ tu vla: «Bɛ põ nɩ a ɩ̃ fɔbr za, ɛ́ de a ɩ̃ kpar-kpɛ̃ɛ dɩ n gbãw.» A lɛ tɔr za n'a a sojarɩ tɩ ɩ.

Zã 19:28

Al pùorí, a Yeezu na tɩ bãw kɛ́ a yele za nʋɔr kʋ na a, ʋ yel'ɩ à ŋá, k'aa Sɛb-sõw tʋ̃ɔ́ tu tɩ ɓɩɩlɩ: «Kʋ̃ɔ-nyúur kpɩɛr mɛ̃ na.»

2 Korɛ̃tɩ 8:16

Naaŋmɩn tɛr'ɩ puoru, ʋl na ƴãw a Títɩ̀ ʋ mɩ̀ tʋlɛ a nyɩ ƴãw a.

Yel-wula 10:7

A ʋlɩ bibir a malkɩ ayopõi sob nãà wa pɛblɛ a ʋ wɩ́ɛ a, lɛn daar a a Naaŋmɩn yel-sɔwla ʋ na tɩɛrɩ bin a na maalɩ mɛ̃ a lɛ ʋ na tɩ dãw yel kʋ̀ a ʋ tõ-tõ-biir na ɩ a ʋ ƴɛ̀r-manbɛ a.»

Yel-wula 15:1

Al pùorí, ɩ̃ tɩ nyɛ̃ nɩ bãwfʋ yũo a salom zu, bãwfʋ na ɩ kpɛ̃ɛ ɛ́ ɩ nɔ-ɓãan a: malkɩ mɩnɛ ayopõi tɩ tɛr'ɩ bʋ̃-faar ayopõi, a pɛ-baarɩ, bʋ̃ʋ n'ʋ vɛ̃, alɛ n'a na pãa wul a Naaŋmɩn suur na ìr a.

Yel-wula 17:13

Tɩɛr-been yõ n'ʋ bɛ za tɛr: bɛ de a bɛ fãw nɩ a bɛ nɩ-kpɛ̃ɛnʋ tu n a wɛ-dʋ̃w.

Yel-wula 19:9

A malkɩ tɩ yel mɛ̃ na: «Sɛb yel: zu-nʋ̃ɔ̀ dem'ɩ a bɛl bɛ na bʋɔlɩ kɛ́ bɛ wa a Pele kul-taa cuw dɩb zie a.» Ʋ tɩ lɛb'a yel mɛ̃: «A ƴɛ̀rʋ á ŋá ɩ n Naaŋmɩn ƴɛ̀rʋ tɛɛ za.»

Yel-wula 6:11

Lɛ n'a bɛ tɩ kʋ̀ ŋa za kpar-pla wogo, ɛ́ yel bɛ kɛ́ bɛ cãà alɛ blã, ɛ́ gù a bɛ tõ-tõ-taabɛ nɩ a bɛ yɛbr a na fɛr kɛ́ bɛ kʋ mɛ̃ a bɛl a nʋɔr tɩ paalɩ.