Yel-wula 16:9 - A SƐB-SÕW

⁹ Tʋlʋ na bɛ dɩ vuo a tɩ dɩ n a nɩsaalbɛ. Bɛ tɩ tʋ n a Naaŋmɩn yúor zʋmɛ, a Naaŋmɩn na tɛr fãw a bʋ̃-faar á ŋá zu a, ɛcɛ, bɛ bɛ tɩ lɩɛbɩ a bɛ ɩb zɛw a ʋ yúor ɛ.

Yel-wula 16:9 ပူးပေါင်းရင်းမြစ်များ

2 Na-mɩnɛ 6:33

A Elize tɩ cãà na ƴɛ̀rɛ, ɛ́ a nãà wa ta yel: «A Sore zie n'a a tɩ kpɩɛrʋ á ŋá za yi! Bʋ̃ʋ n'ʋ ɩ̃ na tʋ̃ɔ́ lɛb cãà gùre a ʋ zie?»

2 Bibie za yel-manɩ 28:22

A kpɩɛrʋ daar ŋa pʋɔ a, a Akaazɩ tɩ cãà bɛ tu a Sore ɩ:

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

Ɩzayi 8:21

A nɩbɛ na tɔlɛ nɩ a tẽw pʋɔ, bàl bɛ za ɛ́ kɔ̃ kʋrɛ. A kɔ̃ na ɩ na bɛ nyɛ̃ suur, wa tɩ ŋmɩɛr ƴãwn a bɛ nãà nɩ a bɛ Naaŋmɩn. Bɛ na mɩ́ lɩɛb'a kaa a salom,

Zeremi 13:6

A tɩ cɛlɩ na, ɛ́ a Sore wa yel mɛ̃: «Lɛb cen a Faara bãá tɩ de a kpàwr ɩ̃ na tɩ ƴãw nʋɔr kʋ̀ b kɛ́ fʋ tɩ sɔwlɩ a be a.»

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

Luka 13:3

Mãa yel nyɩ kɛ́ lɛ bɛ n'a ɩ. Ɛcɛ nyɩmɛ bɛ wa lɩɛbɩ a nyɩ ɩb a, nyɩ na kpi n nyɩ za mɛ̃ a bɛl a.

Luka 13:5

Mãa yel nyɩ kɛ́ lɛ bɛ n'a ɩ. Ɛcɛ nyɩmɛ bɛ wa lɩɛbɩ a nyɩ ɩb a, nyɩ na kpi n nyɩ za mɛ̃ a bɛl a.»

2 Korɛ̃tɩ 12:21

Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.

Zozue 7:19

A Zozue tɩ yel'ɩ a Akan: «Ɩ̃ bie e, zɛw a Sore, a Ɩsɩrayɛl Naaŋmɩn yúor, danɩ ʋ, ɛ́ yel a yel-mɩŋa kʋ̀ m. Wo a lɛ za fʋ na ɩ a, ta sɔwlɩ mɛ̃ bom ɛ.»

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 14:7

Ʋ tɩ yere na nɩ kɔkɔ-kpɛ̃w: «Nyɩ zɔrɛ a Naaŋmɩn ɛ́ íre a ʋ yúor, bʋ̃ʋ n'ʋ vɛ̃, a ʋ ƴɛ̀rʋ-maalʋ daar ta na. Nyɩ lore gbine dume puore a salom nɩ a tẽw Íre, a kʋ̃ɔ-kpɛ̃ɛ nɩ a kʋl-bɔwrɩ Íre.»

Yel-wula 16:21

Sa-bi-ku-bɛrɛ na tɩbrɛ bɛ dɩ vuo a tɩ yi n a salom zu ɛ́ lore a nɩsaalbɛ zu. A nɩsaalbɛ tɩ tʋʋr'ɩ a Naaŋmɩn a sa-bi-kube dɔwrʋ ƴãw, bʋ̃ʋ n'ʋ vɛ̃, a dɔwrʋ ŋa tɩ sɩrɩ na kpɛ kpɛ̃ɛ bɛ dɩ vuo ɩ.

Yel-wula 2:21

Ɩ̃ bɛr'ɩ vuo kʋ̀ ʋ k'ʋʋ lɩɛbɩ a ʋ ɩb, ɛcɛ, ʋ bɛ bɔbr k'ʋʋ lɩɛbɩ a ʋ ɩb, bɛr a ʋ pɩ̃ɔ-yele ɩ.

Yel-wula 9:20

A nɩsaalbɛ bɛl na tɩ cɛ a, a bɛl a bʋ̃-faar ata al na bɛ tɩ kʋ a, bɛ tɩ bɛr a bɛ tõ-faar ɛ, bɛ tɩ cãà na puore a kɔ̃tɔmɛ nɩ a tɩbɛ bɛ na maalɩ nɩ salm-zɩɛ nɩ salm-pla a, bɛ na maalɩ nɩ kure nɩ kʋsɛbɛ nɩ dàar a, tɩbɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom ɛ́ kʋ̃ tʋ̃ɔ́ cen a.