Yel-wula 15:3 - A SƐB-SÕW

³ Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá: «Sore Naaŋmɩn kpɛnʋ-za-sob i, a fʋ tome ɩ n tõ-bɛrɛ ɛ́ ɩ nɔ-ɓãa-tome. Ten za Nãà a, a fʋ ɩb tu n mɩnʋ nɩ yel-mɩŋa.

Yel-wula 15:3 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

1 Bibie za yel-manɩ 6:49

A Ɩsɩrayɛl nɩbɛ tɩ de nɩ a ten á ŋá nɩ a dʋn mʋ̃ɔ 'wɔbrʋ ziir kʋ̀ a Levitɩ mɩnɛ.

2 Bibie za yel-manɩ 24:6

A lɛ n'a a nãà tɩ bʋɔlɩ a bàwr-maal-kara Yehoyada wa yel ʋ: «Bʋ̃ʋ n'ʋ so fʋ bɛ fɛr a levitɩ mɩnɛ ƴãw bɛ wa n a Zerizalɛm nɩbɛ nɩ a Zuda nɩbɛ zuru-yar, a Sore tõ-tõ-bie Moyiir nɩ a Ɩsɩrayɛl lãw nɩbɛ na ƴãw càar'ɩ a pɛn-sɛw na tɛr a wõ-taa kʋsɛ-pamɛ a?

Neemi 9:14

Fʋ tu n a fʋ tõ-tõ-bie Moyiir, ɩ bɛ bãw a pɩ̃ɛnʋ-bibir fʋ na so a, fʋ kʋ̀ bɛ nɩ nɛ-ƴãwnɩ, tub nɩ a wulu.

A Zɔb sɛbɛ 36:24

Taa yiire na danɛ a ʋ tome a nɩsaalbɛ za na mɩ́ yiele danɛ nɩ a ɩ!

A Zɔb sɛbɛ 5:9

Ʋlɛ n'ʋ maalɛ yel-bɛrɛ na bɛ tɛr bãwfʋ a, nɩr kʋ̃ tʋ̃ɔ́ sɔ́r a ʋ nɔ-ɓãa-yele ɩ.

Sɛb-sõw yielu 100:5

Bʋ̃ʋ n'ʋ vɛ̃, a Sore ɩ n nɩ-vla, a ʋ nɔ̃wfʋ be n kʋralɛ, ɛ́ a ʋ na ŋmɛ̃ ʋ ŋmɛ̃a a be be yome yome za.

Sɛb-sõw yielu 105:5

Nyɩɩm, ʋ tõ-tõ-bie Abraham, bʋʋrɛ ɛ, nyɩɩm, Zakɔb bibiir, ʋ na kaa ír a, nyɩ lɛb tɩɛrɩ a nɔ-ɓãa-yele ʋ na maalɩ a, nyɩ lɛb tɩɛrɩ a gãda-tome nɩ a lɛ ʋ na yel k'ʋʋ na ɩ na a.

Sɛb-sõw yielu 111:2

A Sore tome ɩ n tõ-bɛrɛ bɛrɛ! Bɛlɩ dem za na nɔnɛ a a mɩ́ jɛlɛ a na kaar.

Sɛb-sõw yielu 111:7

Yel za ʋ na maalɛ a mɩ́ ɩ n yel-mɩŋa ɛ́ tu sɔ́r, a ʋ nɛ-ƴãwnɩ za sɛwnɩ nɩ deb.

Sɛb-sõw yielu 139:14

Ɩ̃ puore fʋ nɩ yãanɩ Sore e, fʋ na maalɩ mɛ̃, ɩ̃ ɩ vɩɛlʋ nɩ nɔ-ɓãan a. A fʋ tome mɩ́ ɩ n vɩɛlʋ tɛwr, ɩ̃ bãwnɩ a na.

Sɛb-sõw yielu 145:17

A Sore ɩ n nɩ-mɩŋa a ʋ tub za pʋɔ, a ʋ nɔ̃wfʋ mɩ́ sãá nɩ a ʋ ɩ-ɩrɩ za pʋɔ.

Sɛb-sõw yielu 145:6

Bɛ na ƴɛ̀rɛ nɩ a fʋ fãw na ɩrɛ dɛ̃bɩ̃ɛ a ƴɛ̀rʋ, ɛ́ mãa manɛ fʋ na ɩ kpɛ̃ɛ a.

Sɛb-sõw yielu 18:30

Fʋ̃ʋ n'ʋ ɩ̃ mɩ́ lãwnɩ ƴaw gãw a bɔw, a fʋ̃ʋ ɩ̃ Naaŋmɩn zũú n'a ɩ̃ na tʋ̃ɔ́ ƴaw gãw a dacĩ-kpɛ̃ɛ.

Sɛb-sõw yielu 78:12

A Naaŋmɩn tɩ maal'ɩ nɔ-ɓãa-yele, a bɛ sãàkʋm-kore mimié, a Eziptɩ tẽw, Tanisɩ vuo pʋɔ.

Sɛb-sõw yielu 92:5

Sore e, a fʋ tome ɩrɛ mɛ̃ nɩ nʋ̃ɔ̀, ɩ̃ mɩ́ nyɛ̃ nɩ a fʋ nuru tome ŋmɩɛr nʋ̃ɔ̀ cɛlsɩ.

Sɛb-sõw yielu 99:4

Nãà fãw n'ɩ ʋ na nɔnɛ a yel-na-tu-sɔr-a. Fʋ̃ʋ n'ʋ bin a lɛ a na sɛw k'aa yele tuur a. A yel-na-tu-sɔr nɩ a mɩnʋ a, fʋ̃ʋ n'ʋ ƴãw a a Zakɔb bʋʋrɛ pʋɔ.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

A naaŋmɩn-ƴèr-manɛ Oze sɛbɛ 14:9

Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Zã 1:17

Moyiir'ʋ a Naaŋmɩn tɩ dãw tu tɩr a wulu, ɛcɛ a maalʋ nɩ a yel-mɩŋa a, Yeezu Kɩrɩta n'ʋ wa n a.

Wulu-ayi-sob 31:30

Al pùorí, a Moyiir tɩ yel'ɩ a yielu ŋa ƴɛ̀r-bie za kpɛ̃lɛ̃kpɛ̃lɛ̃ ƴãw a Ɩsɩrayɛl lãw nɩbɛ tobe pʋɔ:

Wulu-ayi-sob 32:3

Ɩ̃ na íre nɩ a Sore yúor. Ɩsɩrayɛl nɩbɛ ɛ, nyɩ sàw k'aa tɩ Naaŋmɩn ɩ n kpɛ̃ɛ!

Wulu-ayi-sob 34:5

A Sore tõ-tõ-bie Moyiir tɩ kpi n a be, a Mowab tẽw, mɛ̃ a lɛ a Sore na yel a.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

Ebre 3:5

A Moyiir a, a Naaŋmɩn tɩ de nɩ a ʋ yele a ʋ yir za pʋɔ mɛ̃ tõ-tõ-bie na na dɩ a ƴɛ̀rʋ a Naaŋmɩn na na ƴɛ̀r a dãsɩɛ a.

Zozue 22:5

Ɛcɛ, nyɩ dɛ tɩ ƴãw fãw tuur a wulu a Sore nyɩ Naaŋmɩn tõ-tõ-bie Moyiir na kʋ̀ nyɩ a: nyɩ nɔnɛ a Sore nyɩ Naaŋmɩn, nyɩ maalɛ a ʋ pʋ-tɩɛrʋ, nyɩ tuur a ʋ nɛ-ƴãwnɩ, nyɩ sàw de ʋ nɩ nyɩ pʋɔ za, nyɩ maalɛ ʋ nɩ a nyɩ tɩɛrʋ za, nɩ a nyɩ sɩ́ɛ za.»

Yel-wula 1:8

A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»

Yel-wula 11:17

yere nɩ: «Tɩ puore fʋ nɩ yãanɩ, Sore Naaŋmɩn kpɛnʋ-za-sob i, fʋ̃ʋ na be ɛ́ dãw be a, fʋ sɩrɩ na wul a fʋ fãw kpɛ̃ɛ ɛ́ zɩɩlɩ a fʋ naalʋ.

Yel-wula 14:3

A nɩ-yaga bɛ ŋa za tɩ yiele nɩ yiel-paala a naalʋ-dà-kɔw niŋé, a dʋn anaar nɩ a nɩ-kore niŋé. Nɩr za bɛ tɩ tʋɔr zanɛ a yielu ŋa, a bɛ ɩ a nɩbɛ tùr-lɩz'a ayopõi dɔwlɩ túr anaar (144 000) bɛl bɛ na ya de a tẽw zu a ɩ.

Yel-wula 14:8

Malkɩ ayi sob tɩ tu n a dãw-niwn sob, ɛ́ yere: «A Babɩlɔn tẽ-kpɛ̃ɛ lo na, ʋ lo na! Ʋl na ƴãw a ten za nyũ a ʋ pɩ̃ɔ ɩ-ɩrɩ na bɛ maal'ɩ wob a divɛ̃ a.»

Yel-wula 17:14

Bɛ na zɛb'ɩ nɩ a Pele, ɛcɛ a Pele na zɛb'a tʋ̃ɔ́ bɛ, ʋ na ɩ a sorbɛ za Sore nɩ a na-mɩnɛ za Nãà a ƴãw. Ʋ na zɛb'a tʋ̃ɔ́ bɛ, ʋlɛ nɩ a bɛlɩ dem bɛ na bʋɔlɩ a, a bɛlɩ dem bɛ na kaa ír a, nɩ a bɛlɩ dem na bɛ lɛb pùor a.»

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

Yel-wula 19:2

A ƴɛ̀rʋ ʋ na maalɩ a ɩ n sɩza ɛ́ tu yel-mɩnʋ. Bʋ̃ʋ n'ʋ vɛ̃, a pɔw-yɛm-kpɛ̃ɛ ʋl na tɩ sãwnɛ a tẽw nɩ a ʋ pɩ̃ɔ ɩ-ɩrɩ a, ʋ ƴãw ʋ nɩ dɔwrʋ. A ʋ tõ-tõ-biir a pɔw ŋa na kʋ a, ʋ yáa nɩ a san a ʋ zu.»

Yel-wula 4:8

A bʋ̃-vʋʋrɩ anaar á ŋá kãw za tɩ tɛr'ɩ pɩgɛ ayʋɔb na ɩ mimie tɛwr a zikurí nɩ a pʋ̃ɔmɩ a. Mʋ̃tɔ̃w nɩ tɩ̃ɩsɔw, a tɩ yere na bɛ tɛr nãà bɛr ɛ: «Sõw, sõw, sõw n'ɩ a Sore, Naaŋmɩn kpɛnʋ-za-sob, ʋl na tɩ be, na be, ɛ́ waar a!»