Yel-wula 15:1 - A SƐB-SÕW

¹ Al pùorí, ɩ̃ tɩ nyɛ̃ nɩ bãwfʋ yũo a salom zu, bãwfʋ na ɩ kpɛ̃ɛ ɛ́ ɩ nɔ-ɓãan a: malkɩ mɩnɛ ayopõi tɩ tɛr'ɩ bʋ̃-faar ayopõi, a pɛ-baarɩ, bʋ̃ʋ n'ʋ vɛ̃, alɛ n'a na pãa wul a Naaŋmɩn suur na ìr a.

Yel-wula 15:1 ပူးပေါင်းရင်းမြစ်များ

Levitɩ mɩnɛ 26:21

Nyɩmɛ bɛ wa bɛrɛ wone a ɩ̃ ƴɛ̀rʋ, zawrɩ a ɩ̃ tub a, ɩ̃ na bãwnɩ nɩ a nyɩ yel-bebe, dɔwrɩ nyɩ gb'a ayopõi dɔwlɩ.

Yel-wula 10:3

Ʋ tɩ cɩɩr'ɩ kpɛ̃w za mɛ̃ lɛ gbẽw na mɩ́ ùor'a. Ʋ na tɩ cɩɩrɩ a, a saa tanʋ ayopõi kɔkɛɛ tɩ sɔw na.

Yel-wula 11:14

A zu-bio ayi sob tɔl'a, ɛ́ a zu-bio ata sob'ɩ ŋan tarɛ fɔ̃w fɔ̃wlɛ.

Yel-wula 14:10

ʋ mɩ̀ na nyũ n a Naaŋmɩn suur divɛ̃, divɛ̃ bɛ na bɛ pili ɛ́ cir ƴãw a ʋ suur koli-nyúura pʋɔ a, ɛ́ a nɩbɛ bɛ ŋa taabɛ na wone nɩ tuo a vũu nɩ a cirbi pʋɔ, a malkɩ son nɩ a Pele niŋé.

Yel-wula 14:19

A malkɩ tɩ lɔb'ɩ a ʋ sɔ-nɔ-goraa a tẽw zu, ŋma a tẽw divɛ̃ tɩɩr púo wɔmɛ, lɔb ƴãw a Naaŋmɩn suur bɔw-kpɛ̃ɛ ʋl pʋɔ bɛ na mɩ́ nɛb a a.

Yel-wula 16:1

Al pùorí, ɩ̃ tɩ wõ n kɔkɔ-kpɛ̃w ʋ yire a Ŋmɩn-yir-kpɛ̃ɛ pʋɔ yere a malkɩ ayopõi zie: «A koli-nyúuri ayopõi na paalɩ a Naaŋmɩn suur a, nyɩ cen tɩ cir a ƴãw a tẽw zu.»

Yel-wula 17:1

Lɛ n'a a malkɩ ayopõi na tɩ tɛr a koli-nyúuri ayopõi a, a bɛ ƴen sob tɩ wa wa yel mɛ̃: «Wa, ɩ̃ɩ na wul fʋ nɩ a lɛ bɛ na maal'ɩ a pɔw-yɛm-kpɛ̃ɛ a ƴɛ̀rʋ a, a pɛr lɛ k'aa tẽ-kpɛ̃ɛ ʋl na àr mamɛ yaga nʋɔr a.

Yel-wula 19:15

Zɛbr-sɔ-kpɛ̃ɛ na dɩrɛ a tɩ yire nɩ a ʋ nʋɔrɩ́, a nɩ-bʋʋrɛ gɔ́rʋ ƴãw. Ʋlɛ n'ʋ na ɩ a bɛ cɩ̃ɩnɛ, cɩ̃ɩnɛ bɛ nɩ gãdaalʋ, ɛ́ nɛb a divɛ̃ tɩ-wɔmɛ a Naaŋmɩn kpɛnʋ-za-sob suur bɔw-kpɛ̃ɛ pʋɔ.

Yel-wula 21:9

A malkɩ mɩnɛ ayopõi na tɩ tɛr a koli-nyúuri ayopõi na paalɩ a baarʋ daar bʋ̃-faar ayopõi a, a bɛ ƴen sob tɩ wa na wa yel mɛ̃: «Wa, ɩ̃ wa wul fʋ a pɔw-sãan, a Pele pɔw.»

Yel-wula 8:13

Ɩ̃ tɩ nyɛ̃ na ɛ́ wõ sɩla na laarɛ a saa-zu za a, ʋ yere kpɛ̃w kpɛ̃w za: «Zu-bio! Zu-bio! Zu-bio n'a a tẽw zu dem ƴãw, a lɛn daar a malkɩ mɩnɛ ata na cɛ a nãà wa pɛblɩ a bɛ wɩɩr a!»

Yel-wula 8:2

Al pùorí ɩ̃ nyɛ̃ a malkɩ mɩnɛ ayopõi bɛl na mɩ́ àr a Naaŋmɩn niŋé a. Bɛ tɩ kʋ̀ bɛ nɩ wɩɩr ayopõi.

Yel-wula 8:6

A malkɩ ayopõi na tɩ tɛr a wɩɩr a ayopõi a tɩ cɔbrɩ na gùre a pɛblʋ.

Yel-wula 9:20

A nɩsaalbɛ bɛl na tɩ cɛ a, a bɛl a bʋ̃-faar ata al na bɛ tɩ kʋ a, bɛ tɩ bɛr a bɛ tõ-faar ɛ, bɛ tɩ cãà na puore a kɔ̃tɔmɛ nɩ a tɩbɛ bɛ na maalɩ nɩ salm-zɩɛ nɩ salm-pla a, bɛ na maalɩ nɩ kure nɩ kʋsɛbɛ nɩ dàar a, tɩbɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom ɛ́ kʋ̃ tʋ̃ɔ́ cen a.