Yel-wula 14:6 - A SƐB-SÕW

⁶ Al pùorí, ɩ̃ tɩ nyɛ̃ nɩ malkɩ yũo ʋ laarɛ a saa-zu za. Ʋ tɩ tɛr'ɩ Yel-nʋ̃ɔ̀ na be kʋralɛ a na yel kʋ̀ a bɛlɩ dem na kpɩɛr a tẽw zu a: tẽw za, dɔwlʋ za, ƴɛ̀r-pɛ-bʋʋrɛ za nɩ nɩ-bʋʋrɛ za.

Yel-wula 14:6 ပူးပေါင်းရင်းမြစ်များ

Yele-za-pɛr-tib 1:6

A Naaŋmɩn tɩ lɛb'a yel: «Bɩwra, ʋ be a kʋ̃ɔnɩ sɔgɔ bʋ́r a kʋ̃ɔnɩ ziir ayi!»

2 Samɩɛl 23:5

Nyɛ̃ a lɛ a Naaŋmɩn na ɩ a ɩ̃ yir ƴãw a: ʋ bin nɩ wõ-taa na bɛ tɛr baarʋ a, mãa nɩ a ʋl cará, ʋ bin ʋ na nɩ tub na gù ʋ a. A yele za pʋɔ a, ʋ mɩ́ ɩ na ɩ̃ zɛb tʋ̃ɔ́, ʋ mɩ́ maal'ɩ a ɩ̃ pʋ-tɩɛrʋ.

Sɛb-sõw yielu 119:142

A fʋ mɩnʋ ɩ n mɩnʋ na be be kʋralɛ a, ɛ́ a fʋ wulu ɩ yel-mɩŋa.

Sɛb-sõw yielu 139:24

Bɛl nyɛ̃, ɩ̃ taa ɩrɛ wa lo sɔr-faa, ɛ́ tɛr mɛ̃ tu n a sɔ́r na ɩ a fʋ sɔ́r kʋralɛ a.

Sɛb-sõw yielu 145:13

A fʋ naalʋ ɩ n naalʋ na be kʋralɛ a, fʋ na dɩrɛ nɩ naalʋ yome yome za. A Sore mɩ́ tu n a lɛ ʋ na yel a, a ʋ nɔ̃wfʋ mɩ́ sãá nɩ a ʋ ɩ-ɩrɩ za pʋɔ.

Ɩzayi 40:8

A mʋ̃ɔ mɩ́ ko na ɛ́ a va-puuru vàr, ɛcɛ a Sore tɩ Naaŋmɩn ƴɛ̀rʋ na be n be kʋralɛ.»

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ɩzayi 51:6

Nyɩ úori a salom nyɛlɛ, al pùorí nyɩ jɩ́r a tẽw a pile ka: a salom na bɔr a mɛ̃ zʋ̀ʋ́r a, a tẽw na zaw na mɛ̃ kparʋ a, ɛ́ a ʋ nɩbɛ kpiir mɛ̃ nazʋʋr a. Ɛcɛ a ɩ̃ faafʋ na be n be kʋralɛ, ɛ́ a mɩnʋ ɩ̃ na waar'ɩ a kʋ̃ tɛr baarʋ daar ɛ.

Ɩzayi 51:8

Bʋ̃ʋ n'ʋ vɛ̃, a zãzule na dɩ bɛ na mɛ̃ mɔwr na mɔw kparʋ a, ɛ́ a gùme dɩ bɛ mɛ̃ píir kɔblʋ pɛn a. Ɛcɛ a mɩnʋ ɩ̃ na waar'ɩ a kʋ̃ tɛr baarʋ ɛ, ɛ́ a ɩ̃ faafʋ be be yome yome za.»

Ɩzayi 6:2

Malkɩ mɩnɛ bɛ na bʋɔlɛ serafɛ̃ mɩnɛ a tɩ àr'ɩ a ʋ zu-sɔw. Ŋa za tɩ tɛr'ɩ pɩgɛ ayʋɔb: ayi a niwn pàwfʋ ƴãw, ayi a ƴã-gan pàwfʋ ƴãw ɛ́ ayi a ƴawfʋ ƴãw.

Ezekɩɛl 1:14

A bʋ̃-vʋʋrɩ tɩ cere na ɛ́ waar fɔ̃w fɔ̃w za, mɛ̃ saa-nyɩwrʋ a.

Matie 10:27

Bom nɛ ɩ̃ na mɩ́ yel kʋ̀ nyɩ lige pʋɔ a, nyɩ mɩ́ yel ʋ cãàmɩ́, ɛ́ bom nɛ bɛ na mɩ́ waalɩ ƴãw a nyɩ tobe pʋɔ a, nyɩ mɩ́ do gàrʋ́ hier'ʋ.

Markɩ 16:15

Al pùorí, ʋ tɩ yel bɛ na: «Nyɩ cen a tẽ-daa za zu tɩ hiere a Yel-nʋ̃ɔ̀ kʋ̀rɛ a bʋ̃-íri za.

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

2 Tesalonikɩ 2:16

A tɩ Sore Yeezu Kɩrɩta mɩŋa nɩ a tɩ Sãà Naaŋmɩn na nɔ̃w tɩ, ɛ́ a ʋ maalʋ zũú ʋ kʋ̀ tɩ mɔwlʋ na be kʋralɛ nɩ tɩɛr-vla tɩ na ƴãw a ʋ ƴãw a,

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

1 Pɩɛr 1:25

ɛcɛ a Sore ƴɛ̀rʋ be n kʋralɛ.» Ɛ́ a ƴɛ̀rʋ ŋa n'ɩ a Yel-nʋ̃ɔ̀ bɛ na hieri kʋ̀ nyɩ a.

Yel-wula 10:11

Lɛ n'a bɛ tɩ yel mɛ̃: «A fɛr'a kɛ́ fʋ lɛb maal yel a ʋlɩ bom nɛ a Naaŋmɩn na cɔbrɩ nɩ-bʋʋr-yaga, ten yaga, ƴɛ̀r-pɛ-bʋʋrɛ yaga nɩ na-mɩnɛ yaga ƴãw a.»

Yel-wula 10:7

A ʋlɩ bibir a malkɩ ayopõi sob nãà wa pɛblɛ a ʋ wɩ́ɛ a, lɛn daar a a Naaŋmɩn yel-sɔwla ʋ na tɩɛrɩ bin a na maalɩ mɛ̃ a lɛ ʋ na tɩ dãw yel kʋ̀ a ʋ tõ-tõ-biir na ɩ a ʋ ƴɛ̀r-manbɛ a.»

Yel-wula 13:7

Bɛ tɩ kʋ̀ ʋ nɩ sɔ́r k'ʋʋ zɛbr'ɩ a Naaŋmɩn nɩ-bʋʋrɛ ɛ́ tʋ̃ɔ́ bɛ. Bɛ tɩ kʋ̀ ʋ nɩ fãw dɔwlʋ za zu, bʋʋrɛ za, ƴɛ̀r-pɛ-bʋʋrɛ za nɩ tẽw za zu.

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Yel-wula 8:13

Ɩ̃ tɩ nyɛ̃ na ɛ́ wõ sɩla na laarɛ a saa-zu za a, ʋ yere kpɛ̃w kpɛ̃w za: «Zu-bio! Zu-bio! Zu-bio n'a a tẽw zu dem ƴãw, a lɛn daar a malkɩ mɩnɛ ata na cɛ a nãà wa pɛblɩ a bɛ wɩɩr a!»