Yel-wula 14:4 - A SƐB-SÕW

⁴ Bɛ bɛ tɔ pɔwbɛ dɛw bɛ tʋɔra ɩ, bɛ bɛ tɛr dɛwr kãw za ɩ. Bɛ tuur'ɩ a Pele zie nɛ za ʋ na cere a. Bɛ ya na de bɛ a nɩsaalbɛ pʋɔ, kɛ́ bɛ tʋ̃ɔ́ ɩ a dãw-niwn dem bɛ na na de kʋ̀ a Naaŋmɩn nɩ a Pele a.

Yel-wula 14:4 ပူးပေါင်းရင်းမြစ်များ

Sɛb-sõw yielu 45:14

A nãà pɔwyaa vɩɛl'a nyɩwrɛ a dĩó, salm-zɩɛ fomie n'a bɛ wób'ɩ a ʋ kparʋ pɛn.

Sɛb-sõw yielu 74:2

Cãà bãwnɩ a fʋ nɩ-bʋʋrɛ fʋ na páw koro za a. Cãà bãwnɩ a dɔwlʋ á ŋá fʋ na ya de só a, nɩ a Sɩyɔ̃ tãw fʋ na kpɩɛr a.

A Yielu za pʋɔ yiel-vla vla 1:3

zuo a fʋ kãá-nyũu. A nɩbɛ nɔnɛ fʋ na mɛ̃ parfɛ̃ na vɩɛl vɩɛl a, alɛ n'a so a pɔwsɩrali kpiir lore a fʋ ƴãw.

A Yielu za pʋɔ yiel-vla vla 6:8

A nãà na tʋ̃ɔ́ na tɛr pɔwbɛ lɩz'a ata, sɛnbɛ lɩz'a anaar nɩ pɔwsɩrali na bɛ tɛr nʋɔr a.

Zeremi 2:3

Ɩsɩrayɛl i, mãa yõ tɩ so b mɛ̃ a bʋ̃-dieri bʋ̃-dan a. Bɛlɩ dem za na mɩ́ tɩ tʋɔr fʋ a, mãa nɩ bɛl mɩ́ tɩ nɛbɛ! Faa mɩ́ tɩ páw bɛ nɩ daadaalɛ. À à ŋá n'a a Sore yel.

Amɔsɩ 6:1

Baw-bio dem'ɩ nyɩ, nyɩɩm na be a Sɩyɔ̃ bom za bɛ damnɛ nyɩ a. Nyɩɩm na ɓãá ƴãw kpɩɛr a Samaari tãw zu a. Nyɩɩm na ɩ a ten za pʋɔ tẽ-dãw-niwn sob niw-dierbɛ a, nyɩɩm zie n'a a Ɩsɩrayɛl yir nɩbɛ cere.

Matie 19:12

Bʋ̃ʋ n'ʋ vɛ̃, nɩbɛ bɛ mɩnɛ mɩ́ dɔw na ɩ vaɩ, bɛ mɩnɛ a, nɩsaalbɛ nɛbɛ mɩ́ ɩ bɛ ɩ a vaɩ, ɛ́ bɛ mɩnɛ mɩ́ kaa ír ɩ a vaɩ a tẽ-vla Naalʋ ƴãw. Sob nɛ na na tʋ̃ɔ́ bãw a pɛr a, ʋ bãw!»

Matie 25:1

«A lɛn daar, a tẽ-vla Naalʋ na ŋmɛ̃ na taa nɩ pɔwsɩrali pie kãw na tɩ de a bɛ fɩ̃tɩlɩ kɛ́ bɛ yi tuor'ɩ a dɛb-sãan a.

Matie 8:19

Naaŋmɩn wulu sɛ-sɛbrɛ kãw tɩ taw na ta yel ʋ: «Wul-wul-kara a, ɩ̃ na tuur fʋ nɩ zie nɛ za fʋ na cere a.»

Zã 10:27

A ɩ̃ píir bɛrɛ na wone a ɩ̃ ƴɛ̀rʋ, ɩ̃ bãw a na ɛ́ a tuur mɛ̃.

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Zã 13:37

A Pɩɛr tɩ sowr'ʋ na: «Sore e, bʋ̃ʋ n'ʋ so ɩ̃ kʋ̃ tʋ̃ɔ́ tu b a ƴɛrɛŋa? Ɩ̃ na de nɩ a ɩ̃ nyɔ-vʋʋrʋ tɩr a fʋ ƴãw!»

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

1 Korɛ̃tɩ 16:15

Yɛbr i, ɩ̃ kpaalɛ nyɩ na: nyɩ bãwnɩ a na k'aa Sɩtefanasɩ nɩ a ʋ yir dem nɛbɛ de niwn lɩɛbɩ a kɩrɩta-nɩbɛ a Akayi ɛ́ sàw tõ a lãw tome.

1 Korɛ̃tɩ 6:20

Naaŋmɩn dà nyɩ na nɩ libie na bɛ vʋʋr a. A na ɩ lɛ a, nyɩ íre a Naaŋmɩn yúor-vɩɛlʋ-danʋ nɩ a nyɩ ƴã-gamɛ.

1 Korɛ̃tɩ 7:28

Ɛcɛ fʋ̃ʋ wa kul pɔw a, fʋ bɛ maalɩ yel-bier ɛ. Ɛ́ pɔwsɩrale wa kul sɩr a, ʋ bɛ maalɩ yel-bier ɛ. Ɛcɛ a bɛl na kul taa a, bɛ na páw nɩ kpɩɛrʋ yaga, ɛ́ alɛ n'a ɩ̃ bɔbr kɛ́ nyɩ ta páw ɛ.

2 Korɛ̃tɩ 11:2

Nyuur na yi Naaŋmɩn zie a ɩrɛ mɛ̃ nɩ a nyɩ ƴãw. Dɛb-been yõ tẽtẽ n'ʋ ɩ̃ ƴãw nɩ nyɩ a yúor, k'ɩ̃ɩ tʋ̃ɔ́ de nyɩ kʋ̀ a Kɩrɩta mɛ̃ pɔwsɩrale na bɛ tɛr dɛwr a.

Efɛɛzɩ 1:14

a tɩ gbã-dɩ-bom bʋ̃-dãw tɩ páw sɛr, gùre nɩ a faafʋ za tɩ nãà wa páw a Naaŋmɩn yúor-vɩɛlʋ-danʋ ƴãw a.

Efɛɛzɩ 5:27

Ʋ tɩ bɔbr'a kɛ́ a Lãw-yir àr a ʋ niŋé vɩɛl nyɩwrɛ, ɛ́ ta tɛr dɛwr ɛ, ta vár ƴã-gan ɛ, ta tɛr faalʋ za ɩ. Ʋ tɩ bɔbr'a k'aa Lãw-yir ɩ sõw ɛ́ ta tɛr sãwna nɩr yere ɩ.

1 Timote 4:3

A nɩbɛ bɛ ŋa na diwr'ɩ a kul-taa bɛrɛ, ɛ́ yel kɛ́ a bʋ̃-dɩrɩ a mɩnɛ ciir'a. Ɛcɛ Naaŋmɩn ír a na, kɛ́ a bɛlɩ dem na sàw de ʋ a, bɛl na bãw a yel-mɩŋa a, bɛ mɩ́ dɩrɛ a puore nɩ ʋ barka.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

Zakɩ 1:18

Ʋ nɔnɛ na dɔw tɩ nɩ a ʋ ƴɛ̀rʋ na ɩ a yel-mɩŋa a, kɛ́ tɩ tʋ̃ɔ́ ɩ niw-dierbɛ a ʋ bʋ̃-íri za pʋɔ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Yel-wula 17:14

Bɛ na zɛb'ɩ nɩ a Pele, ɛcɛ a Pele na zɛb'a tʋ̃ɔ́ bɛ, ʋ na ɩ a sorbɛ za Sore nɩ a na-mɩnɛ za Nãà a ƴãw. Ʋ na zɛb'a tʋ̃ɔ́ bɛ, ʋlɛ nɩ a bɛlɩ dem bɛ na bʋɔlɩ a, a bɛlɩ dem bɛ na kaa ír a, nɩ a bɛlɩ dem na bɛ lɛb pùor a.»

Yel-wula 21:22

Ɩ̃ bɛ tɩ nyɛ̃ Ŋmɩn-yir a ʋ pʋɔ ɩ, bʋ̃ʋ n'ʋ vɛ̃, a Sore, a Naaŋmɩn kpɛnʋ-za-sob nɩ a Pele tɩ n'ɩ a ʋ Ŋmɩn-yir.

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Yel-wula 3:4

Ɛcɛ, a Sardɩ a, fʋ tɛr'ɩ nɩbɛ blã na bɛ dɛw a bɛ kparɩ bɛr a. Bɛ na su n kpar-pɛlɛ bɩɛlɛ nɩ mɛ̃, bʋ̃ʋ n'ʋ vɛ̃, bɛ sɛw na taa nɩ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.