Yel-wula 14:2 - A SƐB-SÕW

² Ɩ̃ tɩ wõ n kɔkɔr na ƴɛ̀rɛ yire a salom zu, ɩ mɛ̃ kʋ̃ɔ-kpɛ̃ɛ kʋ̃ɔnɩ na damnɛ a, mɛ̃ saa na tanɛ kpɛ̃w kpɛ̃w za a. A kɔkɔr ɩ̃ na tɩ wõ a tɩ ɩ na mɛ̃ korijom ŋmɩɛrbɛ na ŋmɩɛr a bɛ korijom a.

Yel-wula 14:2 ပူးပေါင်းရင်းမြစ်များ

2 Samɩɛl 6:5

A Daviir nɩ a Ɩsɩrayɛl nɩbɛ za tɩ ŋmɩɛr'ɩ bʋ̃-ŋmɩɛrɩ pɛ-bʋʋrɛ za, wule nɩ a bɛ nʋ̃ɔ̀ a Sore niŋé. Sɩpɩrɛ dàar bʋ̃-ŋmɩɛrɩ pɛ-bʋʋrɛ za tɩ n'a: korijom, pɛ̀nɛ́, dà'larɩ, nɩ sɛ̃sɛgɛ nɩ bʋ̃-ŋmɩɛrɩ a mɩnɛ.

2 Bibie za yel-manɩ 20:28

Pɛ̀nɛ́, korijom nɩ wɩɩr'a bɛ tɩ pɛblɩ tɩ kpɛ n a Zerizalɛm tɩ ta n a Sore Ŋmɩn-yir-kpɛ̃ɛ́.

Sɛb-sõw yielu 147:7

Nyɩ yiele puore nɩ a Sore yãanɩ, nyɩ ŋmɩɛr korijom danɛ nɩ a tɩ Naaŋmɩn.

Sɛb-sõw yielu 149:3

Bɛ íre a ʋ yúor ƴawr'ɩ! Bɛ ŋmɩɛr a kʋɔr nɩ a korijom yiele nɩ a ʋ ƴãw!

Sɛb-sõw yielu 33:2

Nyɩ ŋmɩɛr a korijom puore nɩ ʋ barka, nyɩ ŋmɩɛr a fomie pie pɛ̀nɛ́ íre nɩ a ʋ yúor.

Sɛb-sõw yielu 43:4

Lɛ n'a ɩ̃ na taw pɩɛlɩ a fʋ bàwr-maal-kuur, ɩ̃ na taw pɩɛlɩ a fʋ̃ʋ tɔr za, fʋ̃ʋ Naaŋmɩn na ɩ a ɩ̃ nʋ̃ɔ̀ nɩ a ɩ̃ cɩlʋ a. Ɩ̃ na ŋmɩɛr'ɩ a korijom danɛ nɩ fʋ, Naaŋmɩn i, fʋ̃ʋ na ɩ a ɩ̃ Naaŋmɩn a!

Sɛb-sõw yielu 57:8

Ɩ̃ bɛr'ɩ dɛ̃bɩ̃ɛ, Naaŋmɩn i, ɩ̃ bɛr'ɩ dɛ̃bɩ̃ɛ, ɩ̃ na yiele na, ɩ̃ na yiele na danɛ nɩ fʋ.

Sɛb-sõw yielu 92:3

Nyɛ̃ a fʋ nɔ̃wfʋ manʋ a biɓaara, nɩ a fʋ na ŋmɛ̃ fʋ ŋmɛ̃a a manʋ a tɩ̃ɩsɔw na tɛr nʋ̃ɔ̀ a,

Sɛb-sõw yielu 93:4

Ɛcɛ fʋ tɛr'ɩ kpɛnʋ zuo a kʋ̃ɔ na bɛ dɩ vuo a gɔmɛ, zuo a kʋ̃ɔ-kpɛ̃ɛ kʋ̃ɔ-mie! Sore e, fʋ tɛr'ɩ kpɛnʋ a saa-zu.

Sɛb-sõw yielu 98:5

Nyɩ ŋmɩɛr korijom danɛ nɩ a Sore, nyɩ ŋmɩɛr korijom lãwnɩ a bʋ̃-ŋmɩɛrɩ.

Eziptɩ tẽw yib 19:16

A deyere daarɩ́ biɓaara a, a saa tɩ tanɛ na, ɛ́ nyɩwrɛ, ɛ́ zʋ̀ʋr-sɛbla tɩ pàw a tãw. Ɩɩl mɩ̀ tɩ pɛblɛ nɩ kpɛ̃w kpɛ̃w za. Dɛ̃bɩ̃ɛ tɩ nyɔw nɩ a nɩbɛ a pɛnɛ-sɛwr pʋɔ, bɛ màwr.

Eziptɩ tẽw yib 20:18

A Ɩsɩrayɛl nɩbɛ za tɩ wõ n a saa-tanʋ nɩ a ɩɩl pɛblʋ. Bɛ za tɩ nyɛ̃ nɩ a saa-nyɩwrʋ nɩ a tãw na ɩ zʋ̀ʋ́r ʋ za a. Dɛ̃bɩ̃ɛ tɩ ɩrɛ bɛ na, bɛ àr zãá.

Ɩzayi 17:13

A nɩ-bʋʋrɛ damnʋ ɩ na mɛ̃ a kʋ̃ɔ-bɛrɛ damnʋ a. Ɛcɛ a Sore tanɛ bɛ na bɛ zɔrɛ zãánɛ. Bɛ diw bɛ na mɛ̃ ùr tan pʋɔ sɛsɛb na diw a, mɛ̃ pupun bie sɛsɛb-pɩl na ɓáw cen nɩ a.

Ezekɩɛl 43:2

Lɛ n'a ɩ̃ tɩ nyɛ̃ a Ɩsɩrayɛl Naaŋmɩn yúor-vɩɛlʋ-danʋ ʋ yi a saa-pɛrɩ́ waar. A gɔmɛ ʋ na tɩ ɩrɛ a ŋmɛ̃ na taa nɩ kʋ̃ɔ-kpɛ̃ɛ gɔmɛ, ɛ́ a ʋ cãà tɩ caalɛ a tẽw.

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

1 Korɛ̃tɩ 13:1

Mãa saa ɩ mɛ̃ ɩ̃ ƴɛ̀rɛ nɩ a ƴɛ̀r-pɛ-bʋʋrɛ za a, a nɩsaalbɛ dem nɩ a malkɩ mɩnɛ dem a, ɛ́ mãa bɛ wa tɛr a nɔ̃wfʋ a, ɩ̃ ɩ na mɛ̃ kure bɛ na ŋmɩɛr ʋ kone yire a, bom bɛ na ŋmɩɛr ʋ pàwr gɔmɛ a.

Yel-wula 1:10

A Naaŋmɩn Vʋʋrʋ tɩ siw mɛ̃ nɩ a Sore bibir, ɩ̃ɩ tɩ wõ kɔkɔr na yire kpɛ̃w kpɛ̃w za a ɩ̃ pùorí mɛ̃ wɩ́ɛ na pɛblɛ a.

Yel-wula 1:15

A ʋ gbɛ́ɛ tɩ nyɩwrɛ na mɛ̃ kur-zɩɛ bɛ na zuw ʋ mʋ̃ɔ a, ɛ́ a ʋ kɔkɔr yire kpɛ̃w za mɛ̃ a kʋ̃ɔ-kpɛ̃ɛ gɔmɛ a.

Yel-wula 11:12

Bɛ tɩ wõ n kɔkɔr-kpɛ̃w ʋ ƴɛ̀rɛ a salom zu a bɛ zie yere: «Nyɩ do wa ka!» Bɛ tɩ do n a salom zu zũzuwr pʋɔ, a bɛ dɔ̃ dem mimié.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 15:2

Ɩ̃ mɩ̀ tɩ nyɛ̃ nɩ bom na ɩ mɛ̃ kʋ̃ɔ-kpɛ̃ɛ kʋ̃ɔ na ɩ walwal ɛ́ jɛr'ɩ vũu a. A bɛlɩ dem na tɩ zɛb tʋ̃ɔ́ a dʋ̃w nɩ a ʋ dasule nɩ a ʋ yúor sɔr-nʋɔr a tɩ tɛr'ɩ a korijome a Naaŋmɩn na kʋ̀ bɛ a, àr'ɩ a kʋ̃ɔ-kpɛ̃ɛ zu.

Yel-wula 18:22

Nɩr kʋ̃ lɛb wõ korijom nɩ bʋ̃-ŋmɩɛrɩ a ŋmɛ a fʋ pʋɔ ɩ, wele nɩ wɩ́ɛ a pɛblɩ ɛ. Nɩr kʋ̃ lɛb nyɛ̃ tõ-nɔ-bʋʋrɛ kãw za tõ-tone a fʋ pʋɔ ɩ. Nɩr kʋ̃ lɛb wõ bɛ ƴɛ́r nɩɛr zu ɛ.

Yel-wula 5:8

A Pele na tɩ dier a sɛbɛ wa báarɛ a, a bʋ̃-vʋʋrɩ anaar nɩ a nɩ-kore lɩzɛr'ɩ anaar tɩ lo na gbĩ dume a ʋ niŋé. Ŋa za mɩ́ tɩ tɛr'ɩ korijom nɩ salm-zɩɛ koli-nyúuri, a paalɩ tɩ-suur-zɔ̃-na-nyùur-vla-vla-a ɛ́ ɩ a Naaŋmɩn nɩ-bʋʋrɛ puoru a.

Yel-wula 6:1

Al pùorí, ɩ̃ tɩ nyɛ̃ nɩ a Pele na 'law a sɩ-suur ayopõi dãw-niwn sob a, ɩ̃ɩ tɩ wõ a bʋ̃-vʋʋrɩ anaar ƴen sob ʋ tanɩ mɛ̃ saa a: «Wa!»

Yel-wula 8:7

A dãw-niwn sob tɩ pɛbl'ɩ a ʋ wɩ́ɛ. Sa-bi-kube nɩ vũu na jɛr zɩ̃ɩ a tɩ lo n a tẽw zu. A tẽw na põ ziir ata a zi-been tɩ dɩ n vũu. A tɩɩr na põ ziir ata a zi-been mɩ̀ tɩ dɩ n vũu, lãwnɩ a mɔ̃-ɓaar za.