Yel-wula 14:11 - A SƐB-SÕW

¹¹ A bɛ dɔwrʋ vũu zʋ̀ʋ́r ìre na dúor kʋralɛ. Bɛ bɛ bãw pɩ̃ɛnʋ mʋ̃tɔ̃w nɩ tɩ̃ɩsɔw ɛ, a bɛlɩ dem na gbine dume puore a dʋ̃w nɩ a ʋ dasule a, nɩ sob nɛ za bɛ na ƴãwnɛ a dʋ̃w yúor bãwfʋ a.»

Yel-wula 14:11 ပူးပေါင်းရင်းမြစ်များ

Yele-za-pɛr-tib 19:28

Ʋ tɩ jɩ́r'ɩ a Sodɔm, a Gomɔɔr nɩ a vuo ʋl za lowr. Ʋ tɩ nyɛ̃ nɩ zʋ̀ʋ́r na yi a tẽw ìre dúor mɛ̃ vũu-kpɛ̃ɛ zʋ̀ʋ́r a.

Sɛb-sõw yielu 10:16

A Sore dɩrɛ nɩ naalʋ kʋralɛ, a nɩ-bʋʋr-yoru kʋ̃ cãà be a ʋ tẽw pʋɔ ɩ.

Sɛb-sõw yielu 145:1

Danʋ yielu Daviir na maalɩ a. Ɩ̃ Naaŋmɩn i, fʋ̃ʋ Nãà a, ɩ̃ na manɛ na fʋ na ɩ kpɛ̃ɛ a, ɩ̃ na puore fʋ nɩ yãanɩ kʋrakʋralɛ.

Eziptɩ tẽw yib 15:18

Sore e, fʋ dɩrɛ nɩ naalʋ kʋralɛ!

Ɩzayi 33:14

Pʋl-vʋ̃ɔ nyɔw nɩ a yel-bebe dem a Sɩyɔ̃ tẽw pʋɔ, dɛ̃bɩ̃ɛ ɩrɛ nɩ a nɩ-faar bɛ màwr. Bɛ sowre na: «A tɩ buor'ʋ na tʋ̃ɔ́ àr a vũu ŋa na dɩrɛ a pɛr? A tɩ buor ʋ na tʋ̃ɔ́ àr a vũu-zɛlɛ á ŋá na bɛ kpiire a pɛr?»

Ɩzayi 34:10

bɛ kpiire tɩ̃ɩsɔw nɩ mʋ̃tɔ̃w a. Zʋ̀ʋ́r na ìre nɩ a be dúor kʋralɛ. A tẽw na lɩɛb'ɩ wɛja-kpalɛ kʋralɛ, nɩr za kʋ̃ cãà tuur tɔlɛ a be ɩ.

Ɩzayi 34:8

Bʋ̃ʋ n'ʋ vɛ̃, a Sore zie a, a san yaafʋ bibir'ʋ, a yũon ʋl a Sɩyɔ̃ gùre na sowre a samɛ a n'ʋ.

Ɩzayi 57:20

Ɛcɛ a nɩ-faar ɩ na mɛ̃ kʋ̃ɔ-kpɛ̃ɛ na damnɛ a, na kʋ̃ tʋ̃ɔ́ gã zoom a, ɛ́ a kʋ̃ɔ-mie tuore a mɛ̃mɛrɛ nɩ a sagɛ ìre nɩ a.

Matie 11:28

Nyɩ wa a ɩ̃ zie, nyɩɩm za na tuo to-tɩbrʋ bàl a, ɩ̃ɩ na kʋ̀ nyɩ nɩ a pɩ̃ɛnʋ.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Matie 25:46

A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»

Wulu-ayi-sob 28:65

Nyɩ kʋ̃ tɛr ƴã-ɓaarʋ towtow a nɩ-bʋʋrɛ bɛl sɔgɔ ɩ, nyɩ kʋ̃ nyɛ̃ gbɛ́r binu zie tɛwr mɩ̀ ɛ. A be a, a Sore na ɩ na a nyɩ tɩɛrʋ bɛ mɩ́ gã zoom ɛ, a nyɩ mimi-biir kpiir, a nyɩ kanyir za baarɩ.

Ebre 1:8

Ɛcɛ a ʋ Bie ƴãw a, à ŋá n'a ʋ yel: «Naaŋmɩn i, dɩ̃a nɩ bio a, a fʋ naalʋ-dà-kɔw ba na, fʋ kaarɛ nɩ a fʋ naalʋ-tẽw zie nɩ mɩnʋ.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 13:12

Ʋ tɩ tɛr'ɩ a dʋ̃-dãw-niwn sob kpɛnʋ za tone nɩ a ʋ niŋé. Ʋ tɩ ɩ na a tẽw nɩ a ʋ nɩbɛ lore gbine dume puore a dʋ̃-dãw-niwn sob, a ʋl a natɩr nãá tɩ kʋ a na sanɩ a.

Yel-wula 13:15

Bɛ tɩ kʋ̀ n a dʋn ayi sob fãw, ʋ na tʋ̃ɔ́ ɩ a dʋ̃-dãw-niwn sob dasule ʋ vʋʋrɛ, k'aa dasule ŋa tʋɔr ƴɛ̀rɛ ɛ́ ƴãw bɛ kʋ a bɛlɩ dem za na bɛ gbine dume puore ʋ a.

Yel-wula 13:17

Nɩr bɛ tɩ tɛr sɔ́r na da bom bɩɩ kʋɔrɩ bom, ʋlɛ bɛ wa tɛr a bãwfʋ ŋa a ɩ, a pɛr lɛ k'aa dʋ̃w yúor bɩɩ a ʋ yúor sɔr-nʋɔr.

Yel-wula 14:9

Malkɩ ata sob tɩ tu bɛ na, ɛ́ yere nɩ kɔkɔ-kpɛ̃w: «Nɩr wa lore gbine dume puore a dʋ̃w nɩ a ʋ dasule a, ɛ́ wa ƴãwnɛ a dʋ̃w bãwfʋ a ʋ gbẽé bɩɩ a ʋ nũú a,

Yel-wula 18:18

ɛ́ bɛ na tɩ nyɛ̃ a ʋ vũu zʋ̀ʋ́r a, bɛ tɩ ŋmɩɛr'ɩ cɛlsɩ yere nɩ: «Tẽ-kpɛ̃ɛ buor'ʋ tɩ ta a tẽ-kpɛ̃ɛ kpɛ̃ɛ ŋa?»

Yel-wula 18:9

A tẽw zu na-mɩnɛ na lãw nɩ ʋ maalɩ a pɩ̃ɔ-yele, ɛ́ lãw nɩ ʋ dɩ a dɛpaalʋ a na tuo nɩ nuru zũú kone nɩ a ʋ ƴãw, a lɛn daar bɛ nãà wa nyɛ̃ a ʋ vũu zʋ̀ʋ́r a.

Yel-wula 19:3

Ɛ̀ bɛ lɛb tɩ maal yel: «Aleluya! A tẽ-kpɛ̃ɛ kpɛ̃ɛ ʋl na dɩrɛ a zʋ̀ʋ́r ìre na dúor yome yome za!»

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.

Yel-wula 7:12

yere: «Amɛn! Sɩza n'a, a tɩ Naaŋmɩn so a yúor-vɩɛlʋ-danʋ, a yúor-zɛwfʋ, a yã-bãwfʋ, a barka puoru, a ƴãwfʋ, a kpɛnʋ, a fãw, yome yome za! Amɛn!»