Yel-wula 14:10 - A SƐB-SÕW

¹⁰ ʋ mɩ̀ na nyũ n a Naaŋmɩn suur divɛ̃, divɛ̃ bɛ na bɛ pili ɛ́ cir ƴãw a ʋ suur koli-nyúura pʋɔ a, ɛ́ a nɩbɛ bɛ ŋa taabɛ na wone nɩ tuo a vũu nɩ a cirbi pʋɔ, a malkɩ son nɩ a Pele niŋé.

Yel-wula 14:10 ပူးပေါင်းရင်းမြစ်များ

Yele-za-pɛr-tib 19:24

A lɛ n'a a Sore tɩ ɩ cirbi nɩ vũu yi a salom zu siw a Sodɔm nɩ a Gomɔɔr zu mɛ̃ saa a.

A Zɔb sɛbɛ 18:15

Bɛ na tʋ̃ɔ́ na kpɩɛr a yir ʋ na bɛ cãà so a, ɛ́ cir cirbi ƴãw a ʋ zi-sóra pʋɔ.

A Zɔb sɛbɛ 21:20

Ʋl mɩŋa n'ʋ nãá nyɛ̃ a ʋ loba nɩ mimir, ɛ́ lɛm a Kpɛnʋ-za-sob suur kaa!

Sɛb-sõw yielu 11:6

Ʋ ɩ yel-faa saa ʋ pɔb a nɩ-faar: cirbi vũu nɩ saa-sɛsɛb, alɛ n'a gùre bɛ.

Sɛb-sõw yielu 37:34

Ƴãw a fʋ tɩɛrʋ a Sore ƴãw, ɛ́ tuur a ʋ sɔ́r, ʋ na zɛw fʋ na, ɩ fʋ so a tẽw, ɛ́ fʋ na nyɛ̃ nɩ a nɩ-faar bɛ na ír bɛr a.

Sɛb-sõw yielu 52:6

Fʋ nɔnɛ na kɛ́ fʋ mɩ́ ƴɛ̀r sãw yel za bɛr, a fʋ ƴɛ̀rʋ za mɩ́ ɩ n bɛ̀lʋ.

Sɛb-sõw yielu 60:3

Naaŋmɩn i, fʋ jɛ tɩ na bɛr, fʋ dam tɩ na nyaw taa. Fʋ tɩ nyɛ̃ nɩ suur, ɛcɛ lɛb maalɩ tɩ ƴãw!

Sɛb-sõw yielu 73:10

Alɛ so a nɩbɛ za cere a bɛ zie, ɛ́ dier a bɛ ƴɛ̀rʋ mɛ̃ kʋ̃ɔ fʋ na nyúur a.

Sɛb-sõw yielu 75:8

Naaŋmɩn n'ʋ dɩrɛ a ƴɛ̀rʋ: ʋ mɩ́ siwr'ɩ ŋa, ɛ́ zɛw ŋa.»

Sɛb-sõw yielu 91:8

Yuo a mimie tɛwr, ɛ́ fʋ na nyɛ̃ nɩ lɛ a Naaŋmɩn na mɩ́ ya a nɩ-faar a.

Ɩzayi 29:9

A yele, á ùr nyɩ ɛ́ nyɩ ta tɛr nʋɔr ɛ, nyɩ lɩɛbɩ zɔn ɛ́ ta nyɛrɛ ɩ, nyɩ kuoli, ɛ́ a ta ɩ divɛ̃ n'a ɩ, nyɩ cere dẽdere, ɛ́ bɛ nyũ ɛ.

Ɩzayi 30:33

Bɛ cɔbr'ɩ vũu bɛr koro za. A nãà ƴãw mɩ̀ n'a. Bɔw na yɛlmɛ ɛ́ zulme a pɛrɩ́ n'a bɛ ƴãw dàar yaga viiri koli a vũu ƴãw. A Sore nʋɔr pɩɛlʋ na ɩ mɛ̃ cirbi vũu-kpɛ̃ɛ a na ƴãw nɩ a vũu.

Ɩzayi 34:9

A Edɔm tẽw fʋɔlɩ na lɩɛb'ɩ fʋɔlɩ gudurɔ̃ na zɔrɛ a, a ʋ tẽsɔw na lɩɛb'ɩ tã-tʋlʋ-kpãkpã. A tẽw ŋa na lɩɛb'ɩ gudurɔ̃ na nyɔw vũu dɩrɛ

Ɩzayi 51:17

Ìr, Zerizalɛm i, ìr àr saaƴẽwn! A Sore ƴãw na fʋ nyũ a ʋ suur koli-nyúura. Fʋ fuori ʋ na, ʋ ƴãw fʋ nĩw-viir.

Zeremi 25:27

A Sore tɩ ƴãw na ɩ̃ yel bɛ: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ nyúur, nyɩ kuole, nyɩ tire, nyɩ lore taa lɛbr ìre ɩ, nyɩ na na nyɛ̃ a alɩ bome nɛ za ɩ̃ na na sãw a nyɩ sɔgɔ a.»

Zeremi 49:12

Nyɛ̃ a lɛ a Sore na yere a: «Nyɩ bɛrɛ wone: A bɛlɩ dem a na bɛ tɩ tɛr sɔ́r kɛ́ bɛ nyũ a ɩ̃ suur koli-nyúura a, a fɛr'a kɛ́ bɛ cãà nyũ ʋ. Ɛ́ a fʋ̃ʋ, Edɔm tẽw, bɛ na bɛr fʋ ʋ? Aɩ, bɛ kʋ̃ bɛr fʋ ɛ: fʋ na nyũ ʋ na, bʋnʋ bɛ ka be ɩ!

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

A Lãw-mʋɔlɛ 4:21

Edɔm tẽw dem i, nyɩ na tʋ̃ɔ́ na cɩlɛ ƴawr'ɩ, nyɩɩm na kpɩɛr a Usɩ tẽw a! Ɛcɛ, a Naaŋmɩn suur koli-nyúura mɩ̀ na ta nyɩ na, nyɩ na nyũ ʋ na tɩ kuoli, yaarɩ a bʋ̃-suuri bɛr ɛ́ cɛ ƴã-gã-kpãkpole.

Ezekɩɛl 38:22

Ɩ̃ na dɔwrɩ fʋ na nɩ jɛ̀lmɛ̃ bàalʋ na nyɔwr nɩbɛ lʋɔrɛ a, ɛ́ bɛr fʋ fʋ kpi zɛbr zie. Ɩ̃ na ɩ na sa-zʋba mĩ, sa-bi-kube lo, cirbi na nyɔw vũu a siw a fʋ zu, a fʋ zɛbr-nɩbɛ zu nɩ a nɩ-bʋʋr-yaga na lãwnɩ fʋ a zu.

Habakukɩ 2:16

Vĩ n'a nyɩ ƴãwnɛ nyɩ tʋɔra, yúor bɛ n'ʋ nyɩ páwr ɛ. Nyɩ mɩ̀ nyũ a, ɛ́ wul a nyɩ faalʋ! A Sore na fɛr nyɩ na ƴãw nyɩ mɩ̀ nyũ a ʋ suur koli-nyúura pʋɔ divɛ̃ za: a ƴãwfʋ nyɩ na nyɛrɛ a, na lɩɛb'ɩ vĩ.

Matie 20:22

A Yeezu tɩ sɔw na: «Nyɩ bɛ bãw a ʋlɩ bom nɛ nyɩ na zɛlɛ a ɩ. Nyɩ na tʋ̃ɔ́ na nyũ a tuo koli-nyúura ʋl ɩ̃ na na nyũ a?» Bɛ tɩ sɔw na: «Tɩ na tʋ̃ɔ́ na.»

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Matie 26:39

Ʋ tɩ taw na tɔl blã ɛ́ lo vɔblɩ muru ɛ́ puore yere nɩ: «Ɩ̃ Sãà a, alɛ na na tʋ̃ɔ́ a, fʋ̃ʋ ɩ a tuo koli-nyúura ŋa zãá nɩ mɛ̃! Ɛcɛ a ta ɩ a lɛ mãa na bɔbr a ɩ, a ɩ a lɛ fʋ̃ʋ na bɔbr a.»

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Markɩ 9:44

A be a, a zãzule bɛ tɛr kũu daar ɛ, ɛ́ a vũu bɛ tɛr kpiiru daar ɛ.]

Nɩ-toni 10:22

Bɛ tɩ sɔw na yel: «A sojarɩ kʋba nɩ-kpɛ̃ɛ ʋl na dɩ Kɔrnɛɩ a, ʋlɛ n'ʋ tõ tɩ. Ʋ ɩ n nɩ-mɩŋa, ʋ zɔrɛ nɩ Naaŋmɩn, ɛ́ a Zifʋ mɩnɛ za mʋʋrɛ ʋ. Malkɩ sõw wa na wa yel k'ʋʋ tõ bʋɔlɩ fʋ a ʋ yir, fʋ wa manɩ yele ʋ bɛr wõ.»

Wulu-ayi-sob 29:23

Lɛ n'a a nɩ-bʋʋrɛ za na sowre: «Bʋ̃ʋ n'ʋ so a Sore dɔwrɩ a tẽw ŋa à à ŋá? Bʋ̃ʋ n'ʋ so a su-kpɛ̃ɛ kẽkẽ ŋa tɔ?»

2 Tesalonikɩ 1:7

ɛ́ kʋ̀ pɩ̃ɛnʋ a nyɩɩm na wone a tuo lãwnɩ a tɩɩm a, a lɛn daar ʋ na na sãá a salom zu nɩ a ʋ kpɛnʋ malkɩ mɩnɛ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Yel-wula 15:7

A bʋ̃-vʋʋrɩ ƴen sob tɩ kʋ̀ n a malkɩ ayopõi salm-zɩɛ koli-nyúuri ayopõi na paalɩ a Naaŋmɩn na vʋʋrɛ kʋralɛ a suur a.

Yel-wula 16:19

A tẽ-kpɛ̃ɛ tɩ ŋmɛr'ɩ ziir ata, ɛ́ a ten za tẽ-bɛrɛ lo. Naaŋmɩn tɩ lɛb'a tɩɛrɩ bãwnɩ a Babɩlɔn tẽ-kpɛ̃ɛ yele, kʋ̀ ʋ a ʋ divɛ̃ nɩ a kole ʋ nyũ, a ʋ su-tʋlʋ divɛ̃.

Yel-wula 18:3

Bʋ̃ʋ n'ʋ vɛ̃, a ten za nyũ n a ʋ pɩ̃ɔ ɩ-ɩrɩ na bɛ maal'ɩ wob a divɛ̃. A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a ʋ naalʋ na bɛ vʋʋr a ɩ na a tẽw zu yɛ-yɛrbɛ kpɛ naalʋ.»

Yel-wula 18:6

Nyɩ ɩ ʋ mɛ̃ a lɛ ʋ na ɩ a nɩbɛ a, nyɩ ya ʋ a ʋ ɩb san gb'a ayi. Nyɩ paalɩ a ʋ koli-nyúura nɩ divɛ̃ na kpɛmɛ gb'a ayi gãw a al ʋ na ƴãw a nɩbɛ nyũ a.

Yel-wula 19:15

Zɛbr-sɔ-kpɛ̃ɛ na dɩrɛ a tɩ yire nɩ a ʋ nʋɔrɩ́, a nɩ-bʋʋrɛ gɔ́rʋ ƴãw. Ʋlɛ n'ʋ na ɩ a bɛ cɩ̃ɩnɛ, cɩ̃ɩnɛ bɛ nɩ gãdaalʋ, ɛ́ nɛb a divɛ̃ tɩ-wɔmɛ a Naaŋmɩn kpɛnʋ-za-sob suur bɔw-kpɛ̃ɛ pʋɔ.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 20:14

Bɛ tɩ lɔb'ɩ a kũu nɩ a kpɩmɛ tẽw ƴãw a gbãtar-kpɛ̃ɛ vũumí. A gbãtar-kpɛ̃ɛ vũu ɩ n a kũu-gb'a ayi sob.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»