Yel-wula 13:7 - A SƐB-SÕW

⁷ Bɛ tɩ kʋ̀ ʋ nɩ sɔ́r k'ʋʋ zɛbr'ɩ a Naaŋmɩn nɩ-bʋʋrɛ ɛ́ tʋ̃ɔ́ bɛ. Bɛ tɩ kʋ̀ ʋ nɩ fãw dɔwlʋ za zu, bʋʋrɛ za, ƴɛ̀r-pɛ-bʋʋrɛ za nɩ tẽw za zu.

Yel-wula 13:7 ပူးပေါင်းရင်းမြစ်များ

Eziptɩ tẽw yib 9:16

Ɛcɛ ɩ̃ bɛr fʋ na fʋ cãà k'ɩ̃ɩ wul a ɩ̃ kpɛnʋ, ɛ́ a ɩ̃ yúor yi a tẽw zu ziir za.

Ɩzayi 10:15

A lɛr na pɔrɛ nɩ a sob nɛ na cɩɛr'ɩ ʋ a zie bɩɩ? A sɔ-nyɩmɛ na zɛwr'ɩ ʋ tʋɔra a sob nɛ na ɩrɛ ʋ damnɛ a zie bɩɩ? Mɛ̃ a dakpuli-ŋmãa n'ʋ ɩ a sob nɛ na zɛw ʋ a ʋ damnɛ a, bɩɩ mɛ̃ a dabɔl'ʋ zɛw a sob nɛ na bɛ ɩ dàa bom a!

Ɩzayi 37:26

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá koro kãw za, daar na bɛ gbʋ́r a n'a ɩ̃ tɩɛrɩ a bɛr, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ kɛ́ fʋ wa ɩ a tẽ-bɛrɛ bɛ na cɔbrɩ a kpɛmɛ a zɛbr ƴãw a, a lɩɛbɩ a deboru.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Luka 4:6

ʋʋ yel ʋ: «Ɩ̃ na kʋ̀ b'ɩ a kpɛnʋ á ŋá za, nɩ a yúor a naalʋ-ten á ŋá na waar'ɩ a: mãa n'ʋ bɛ kʋ̀ à á ŋá za, ɩ̃ɩ mɩ̀ na tʋ̃ɔ́ na de a kʋ̀ ʋlɩ sob nɛ ɩ̃ na bɔbr a.

Zã 19:11

Ɛcɛ a Yeezu tɩ sɔw ʋ na: «Naaŋmɩn bɛ tɩ kʋ̀ b a fãw a, fʋ kʋ̃ʋ tɩ tɛr fãw kãw za a ɩ̃ zu ɛ. Alɛ so, a nɩr ʋl na mɩl mɛ̃ nyɔw ƴãw a fʋ nuru pʋɔ a tɛr'ɩ sãwna zuo fʋ.»

Yel-wula 10:11

Lɛ n'a bɛ tɩ yel mɛ̃: «A fɛr'a kɛ́ fʋ lɛb maal yel a ʋlɩ bom nɛ a Naaŋmɩn na cɔbrɩ nɩ-bʋʋr-yaga, ten yaga, ƴɛ̀r-pɛ-bʋʋrɛ yaga nɩ na-mɩnɛ yaga ƴãw a.»

Yel-wula 11:18

A ten ten nɩbɛ nyɛ̃ nɩ suur, ɛcɛ, ƴɛrɛŋa a, a fʋ suur ìr'a. A kũuni ƴɛ̀rʋ maalʋ daar ta na. A daar ʋl fʋ na na kʋ̀ a sã-ya a fʋ tõ-tõ-biir, a ƴɛ̀r-manbɛ, nɩ a bɛlɩ dem za fʋ na so, ɛ́ bɛ zɔrɛ fʋ a, a bɛrɛ lãwnɩ a pʋrmɛ. A bɛlɩ dem na sãwnɛ a tẽw a, a bɛ sãwfʋ daar'a ta!»

Yel-wula 11:7

Bɛlɛ wa dɩ a bɛ dãsɩɛ baar'a, a dʋ̃w na yi a kɔ̃tɔmɛ dɔwrʋ bɔw-zulu pʋɔ dúor a na zɛb'ɩ bɛ na, ʋ na tʋ̃ɔ́ bɛ na ɛ́ kʋ bɛ.

Yel-wula 12:17

A wa-bɩɛ tɩ nyɛ̃ nɩ nɩ a pɔw suur, cen tɩ zɛbr'ɩ a pɔw bʋʋrɛ bɛl na cɛ a, a bɛl na tuur a Naaŋmɩn nɛ-ƴãwnɩ ɛ́ maal tɛr a yel-mɩŋa a Yeezu na wul a.

Yel-wula 17:15

A malkɩ tɩ cãà na yel mɛ̃: «A kʋ̃ɔnɩ fʋ na nyɛ̃ a, a be a pɔw-yɛm na zɩ̃ a, nɩ-bʋʋrɛ bʋʋrɛ nɛbɛ, zu-sɛbla yaga yaga, ten ten nɩbɛ nɩ ƴɛ̀r-pɛ-bʋʋrɛ bʋʋrɛ nɩbɛ nɛbɛ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.