Yel-wula 13:16 - A SƐB-SÕW

¹⁶ A dʋ̃w tɩ fɛr'ɩ a nɩbɛ za, a pʋrmɛ nɩ a bɛrɛ, a na-mɩnɛ nɩ a nan dem, a gbãgbaar nɩ a nɩbɛ na so bɛ tʋɔra a, ʋ tɩ fɛr'ɩ bɛ za bɛ ɩ bɛ ƴãw bɛ bãwfʋ a dʋrʋ nũú bɩɩ a gbẽé.

Yel-wula 13:16 ပူးပေါင်းရင်းမြစ်များ

2 Bibie za yel-manɩ 15:13

Ɛ́ nɩr, pɔl bɩɩ dɛb-nyãw, dɛb bɩɩ pɔw na kʋ̃ʋ wa bɔbr a Sore, a Ɩsɩrayɛl Naaŋmɩn à à ŋá a, a na fɛr'a kɛ́ bɛ kʋ ʋ.

A Zɔb sɛbɛ 34:19

Ʋl yõ n'ʋ bɛ mɩ́ kpɛ a nɩ-bɛrɛ ɩ, ɛ́ bɛ mɩ́ ƴãw a tɛra sob zuo a nã́w sob ɛ, bʋ̃ʋ n'ʋ vɛ̃, bɛ za ɩ n a ʋ nuru bʋ̃-maalɩ.

Sɛb-sõw yielu 115:13

— Ʋ na maal'ɩ a bɛlɩ dem za na zɔrɛ ʋ a, a pʋrmɛ lãwnɩ a bɛrɛ.

Sɛb-sõw yielu 49:2

Nyɩɩm nɩ-bʋʋrɛ za a, nyɩ bɛrɛ wone yel ŋa, nyɩ ƴãw tobr, nyɩɩm tẽ-daa nɩbɛ za a,

Eziptɩ tẽw yib 13:9

A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Zakari 13:6

Ɛ́ nɩr wa sowr'ʋ: “Ɛ́ bʋ̃ʋ n'ɩ a natɩɛ á ŋá na be a fʋ nyãa zu a?” Ʋ na sɔw na: “A ɩ̃ bárɩ yir'a, ɩ̃ páw a!”»

Nɩ-toni 26:22

Ɩ̃ bãwnɩ a na, Naaŋmɩn gù mɛ̃ nɩ a lɛn daar za wa tɩ tɔ a dɩ̃a, alɛ so ɩ̃ cãà dɩrɛ a dãsɩɛ a bibiir nɩ a nɩ-bɛrɛ zie. A naaŋmɩn-ƴɛ̀r-manbɛ nɩ a Moyiir tɩ dãw na hieri yel a yele na waar na ta a, ɩ̃ bɛ yere bom za dɔwlɛ a bɛ ƴɛ̀rʋ zu ɛ.

1 Korɛ̃tɩ 12:13

Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Galasi 6:17

Dɩ̃a na ta a, nɩr za taa lɛb sɔbr mɛ̃ niwn ɛ, bʋ̃ʋ n'ʋ vɛ̃, a fɩlɛ na be a ɩ̃ ƴã-ganɩ́ a wule na k'aa Yeezu so m.

Efɛɛzɩ 6:8

Nyɩ bãwnɩ a na, bʋ̃-vla nɛ ŋa za na maalɩ a, ʋ ɩ n gbãgbaa bɩɩ nɩr na so ʋ tʋɔra a, ʋ na lɛb'a páw ʋ a Sore zie.

Wulu-ayi-sob 11:18

A nɛ-ƴãwnɩ ɩ̃ na kʋ̀rɛ nyɩ a, nyɩ ƴãw a a nyɩ pʋ̃ɔmɩ́, a nyɩ socir pʋɔ. Nyɩ 'lẽ a ƴãw a nyɩ kpãkpãw ƴãw nɩ a nyɩ gbẽé taa yiire a bɛrɛ ɩ.

Wulu-ayi-sob 6:8

Fʋ na 'lẽ a na ƴãw a fʋ kpãkpãw ƴãw nɩ a fʋ gbẽé taa yiire a bɛrɛ ɩ.

Kɔlɔsɩ 3:11

A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

2 Timote 3:8

Mɛ̃ a lɛ a Zanɛsɩ nɩ a Zãbɩrɛsɩ na bɛ tɩ sàw de a Moyiir ƴɛ̀rʋ a, lɛ n'a a nɩbɛ bɛ ŋa mɩ̀ bɛ sàw de a yel-mɩŋa ɩ. Yã-faar nɩbɛ nɛbɛ, a bɛ naaŋmɩn-sàw-deb bɛ tɛr bir ɛ.

Yel-wula 11:18

A ten ten nɩbɛ nyɛ̃ nɩ suur, ɛcɛ, ƴɛrɛŋa a, a fʋ suur ìr'a. A kũuni ƴɛ̀rʋ maalʋ daar ta na. A daar ʋl fʋ na na kʋ̀ a sã-ya a fʋ tõ-tõ-biir, a ƴɛ̀r-manbɛ, nɩ a bɛlɩ dem za fʋ na so, ɛ́ bɛ zɔrɛ fʋ a, a bɛrɛ lãwnɩ a pʋrmɛ. A bɛlɩ dem na sãwnɛ a tẽw a, a bɛ sãwfʋ daar'a ta!»

Yel-wula 15:2

Ɩ̃ mɩ̀ tɩ nyɛ̃ nɩ bom na ɩ mɛ̃ kʋ̃ɔ-kpɛ̃ɛ kʋ̃ɔ na ɩ walwal ɛ́ jɛr'ɩ vũu a. A bɛlɩ dem na tɩ zɛb tʋ̃ɔ́ a dʋ̃w nɩ a ʋ dasule nɩ a ʋ yúor sɔr-nʋɔr a tɩ tɛr'ɩ a korijome a Naaŋmɩn na kʋ̀ bɛ a, àr'ɩ a kʋ̃ɔ-kpɛ̃ɛ zu.

Yel-wula 19:18

Nyɩ wa dɩ na-mɩnɛ, sojarɩ nɩ-bɛrɛ nɩ sojarɩ ƴã-gã-nɛnɛ, wie nɛnɛ nɩ a bɛ zɔmnbɛ ƴã-gã-nɛnɛ, nɩbɛ za ƴã-gã-nɛnɛ, a bɛl na so bɛ tʋɔra a nɩ a gbãgbaar, a nɩ-pʋrmɛ lãwnɩ a nɩ-bɛrɛ.»

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 19:5

Kɔkɔr kãw tɩ yi n a naalʋ-dà-kɔw pɛr yere: «Nyɩ danɛ a tɩ Naaŋmɩn, nyɩɩm ʋ tõ-tõ-biir za a, nyɩɩm na ƴãwnɛ ʋ a, a pʋrpʋr lãwnɩ a bɛrɛ!»

Yel-wula 20:12

Al pùorí, ɩ̃ tɩ nyɛ̃ nɩ a kũuni, a bɛrɛ nɩ a pʋrmɛ, bɛ àr a naalʋ-dà-kɔw niŋé, ɛ́ sɛbr yuori. Bɛ tɩ lɛb'a yuo sɛbɛ ƴen sob, a nyɔ-vʋʋrʋ sɛbɛ, ɛ́ maal'ɩ a kũuni a ƴɛ̀rʋ tu n a bɛ ɩ-ɩrɩ na sɛb ƴãw a sɛbr pʋɔ a.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Yel-wula 6:15

A tẽw zu na-mɩnɛ, a nɩ-bɛrɛ, a sojarɩ nɩ-bɛrɛ, a tɛra dem, a fãw dem, bɛ za, gbãgbaar nɩ nɩbɛ na so bɛ tʋɔra a, tɩ sɔwl'ɩ a bɔwrɩ pʋɔ nɩ a pie pʋɔ a tan zu.

Yel-wula 7:3

«Nyɩ taa sãwnɛ a tẽw, a kʋ̃ɔ-kpɛ̃ɛ nɩ a tɩɩr ɛ, ɛ́ gù tɩ wa tɩ ƴãw a bãwfʋ a tɩ Naaŋmɩn tõ-tõ-biir gbẽé baarɩ.»