Yel-wula 13:10 - A SƐB-SÕW

¹⁰ Nɩr wa be a gaso kpɛb ƴãw a, ʋ na kpɛ n a gaso. Nɩr wa be a sʋɔ-kũu ƴãw a, ʋ na kpi n a sʋɔ-kũu. A Naaŋmɩn nɩ-bʋʋrɛ kanyir dɩb nɩ a bɛ naaŋmɩn-sàw-deb daar'ɩ à à ŋá.»

Yel-wula 13:10 ပူးပေါင်းရင်းမြစ်များ

Ɩzayi 14:2

A nɩ-bʋʋr-yoru na tɛr'ɩ a Ɩsɩrayɛl nɩbɛ lɛb wa n a bɛ tẽw pʋɔ. Ɛ́ a be a, a tẽsɔw a Sore na so a pʋɔ a, a Ɩsɩrayɛl nɩbɛ na de nɩ a nɩbɛ bɛ ŋa bɛ ɩ gbãgbaar, a dɛbr nɩ a pɔwbɛ. Bɛ na tɛr bɛ na bɛ ɩ zɛbr nɩ-nyɔwrɩ, bɛl na dãw tɛr a bɛl Ɩsɩrayɛl nɩbɛ bɛ ɩ zɛbr nɩ-nyɔwrɩ a. A Ɩsɩrayɛl nɩbɛ na so nɩ a nɩbɛ bɛ ŋa na dãw so bɛ a.

Ɩzayi 26:21

Ʋlɛ n'ɩ ŋan yire a ʋ yir, k'ʋʋ wa kaa a tẽw nɩbɛ zie a bɛ yel-faar ƴãw. A tẽsɔw na bɛr'ɩ a zɩ̃ɩ a sãá, ʋ kʋ̃ cãà sɔwlɩ a nɩbɛ bɛ na kʋ a ɩ.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Zeremi 15:2

Ɛ́ bɛlɛ wa sowre fʋ: “Nyɩnɛ n'a a fɛr kɛ́ tɩ cen?” Fʋ na sɔw bɛ na: “À ŋá n'a a Sore yere: Ŋa za na mɩ́ tu n a ʋ sɔ́r. Bɛ mɩnɛ a, a na ɩ n a jɛ̀lmɛ̃ kũu, bɛ mɩnɛ a ɩ a zɛbr kũu, bɛ mɩnɛ a ɩ a kɔ̃ kũu, ɛ́ bɛ mɩnɛ a ɩ a bɛ tẽw bɛ na na ìr bɛ cen nɩ tẽ-yũo a!”

Zeremi 43:11

Ʋlɛ wa ta a, ʋ na zɛb'a tʋ̃ɔ́ a Eziptɩ tẽw. Ʋ na kʋ n a bɛlɩ dem a na fɛr kɛ́ bɛ kpi a, a bɛlɩ dem a na fɛr kɛ́ bɛ diw cen nɩ a, ʋ na diw bɛ na cen nɩ, a bɛlɩ dem a na fɛr kɛ́ bɛ kpi a zɛbr-sɔ-kpɛ̃ɛ kũu a, ʋ na kʋ bɛ na nɩ a zɛbr-sɔ-kpɛ̃ɛ.

A Lãw-mʋɔlɛ 3:26

Yel-vla n'ʋ kɛ́ fʋ ɩ gbili ɛ́ gùre a Sore faafʋ.

Habakukɩ 2:3

A daar ʋl a yel ŋa na na ɩ a, bɛ ta sɛr ɛ. Ɛcɛ a ʋ yel-mɩŋa na sãá nɩ a ʋ daar. Bɛr tɩɛrʋ ɛ́ gùre, alɛ saa sãá mɛ̃ a cɛlɛ na a: a ʋlɩ bom nɛ ɩ̃ na yere a na ta na, bʋnʋ bɛ ka be ɩ, a bɛ lɛb kɔwrɛ ɩ.

Matie 26:52

A lɛ n'a a Yeezu tɩ yel ʋ: «Lɛb su a fʋ zɛbr-sɔ-kpɛ̃ɛ a ʋ kpar pʋɔ, bɛlɩ dem za na dier a zɛbr-sɔ-kpɛ̃ɛ a bɛ taabɛ ƴãw a, a zɛbr-sɔ-kpɛ̃ɛ kũu n'a bɛ mɩ̀ na kpi.

Matie 7:2

A lɛ nyɩ na sɩrɩ bãwnɛ a nyɩ taabɛ yele a, lɛ n'a a Naaŋmɩn mɩ̀ na bãw a nyɩ dem kʋ̀ nyɩ. A bʋ̃-mána ʋl nyɩ na tɛr manɛ nɩ a, ʋlɛ n'ʋ ʋ mɩ̀ na man nɩ kʋ̀ nyɩ.

Luka 21:19

A nyɩ kanyir dɩb pʋɔ n'a nyɩ na páw a nyɔ-vʋʋrʋ.»

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

Ebre 6:12

A na ɩ lɛ a, nyɩ taa kpɩɛr ʋnʋnʋ ɛ, ɛcɛ nyɩ cɔwrɛ a bɛlɩ dem na mɩ́ dɩ kanyir sàw de, ɛ́ mɩ́ páw a ʋlɩ bom nɛ a Naaŋmɩn na ƴãw nʋɔr k'ʋʋ na tɩr a a.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 11:18

A ten ten nɩbɛ nyɛ̃ nɩ suur, ɛcɛ, ƴɛrɛŋa a, a fʋ suur ìr'a. A kũuni ƴɛ̀rʋ maalʋ daar ta na. A daar ʋl fʋ na na kʋ̀ a sã-ya a fʋ tõ-tõ-biir, a ƴɛ̀r-manbɛ, nɩ a bɛlɩ dem za fʋ na so, ɛ́ bɛ zɔrɛ fʋ a, a bɛrɛ lãwnɩ a pʋrmɛ. A bɛlɩ dem na sãwnɛ a tẽw a, a bɛ sãwfʋ daar'a ta!»

Yel-wula 14:12

A Naaŋmɩn nɩ-sori, a bɛl na sàwr a ʋ nɛ-ƴãwnɩ ɛ́ tɛr a Yeezu sàw-deb a, a bɛ kanyir dɩb daar'a ta.

Yel-wula 16:6

Bɛ na cir a fʋ nɩbɛ nɩ a fʋ ƴɛ̀r-manbɛ zɩ̃ɩ a, zɩ̃ɩ n'a fʋ mɩ̀ kʋ̀ bɛ kɛ́ bɛ nyúur. Bɛ tɛr'ɩ!»

Yel-wula 17:11

A wɛ-dʋ̃w na tɩ dãw be ɛ́ bɛ wa cãà a, a ʋl mɩŋa ɩ n na-mɩnɛ ani sob. Ʋ pʋɔ nɩ a na-mɩnɛ ayopõi pʋɔ ɛ́ wɩɛr a ʋ kũu zie.

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.

Yel-wula 2:19

Ɩ̃ bãw nɩ a fʋ tome, a fʋ nɔ̃wfʋ, a fʋ sàw-deb, a nɩbɛ sõwfʋ tɩɛrʋ fʋ na tɛr a, nɩ a fʋ kanyir. A tome fʋ na bɩɛrɩ tõ a, a yãwmɛ na zuo a al fʋ na de niwn tõ a.

Yel-wula 2:2

ɩ̃ bãw nɩ a fʋ tome, a balʋ fʋ na bàl fʋ tʋɔra a, nɩ a fʋ kanyir. Ɩ̃ bãwnɩ a na fʋ̃ʋ nɩ a po-to-dem na kʋ̃ tʋ̃ɔ́ taa a. A bɛl na yel kɛ́ bɛ ɩ n nɩ-toni ɛ́ bɛ ɩ nɩ-toni a, fʋ ɩ bɛ na kaa nyɛ̃ bɛ ɩ zir-ŋmarbɛ.

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.

Yel-wula 3:3

A na ɩ lɛ a, lɛb tɩɛrɩ a lɛ fʋ na de a wulu ɛ́ wõ ʋ a. Tuur a wulu ŋa ɛ́ lɩɛbɩ a fʋ ɩb. Fʋ̃ʋ bɛ wa cɛlɛ be a, ɩ̃ na wa na wa ur fʋ mɛ̃ nyãnyuge a, ɛ́ fʋ kʋ̃ bãw a tɛm ɛ.