Yel-wula 12:9 - A SƐB-SÕW

⁹ A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 12:9 ပူးပေါင်းရင်းမြစ်များ

Yele-za-pɛr-tib 3:1

A wɛ-dʋn za a Sore Naaŋmɩn na tɩ maalɩ a pʋɔ a, a waab'ʋ tɩ kpɛ yã zuo a za. Ʋ tɩ sowr'ɩ a pɔw: «Sɩza n'a a Naaŋmɩn yel nyɩ: “Nyɩ taa dɩrɛ a zaadɛ̃ tɩ-wɔm kãw za ɩ?”»

Yele-za-pɛr-tib 3:13

Lɛ n'a a Sore Naaŋmɩn tɩ yel a pɔw: «Bʋ̃ʋ n'ɩ à à ŋá fʋ na ɩ a?» A pɔw sɔw: «A waab'ʋ bɛ̀lɩ mɛ̃ ƴãw ɩ̃ dɩ a tɩ-wɔm.»

1 Bibie za yel-manɩ 21:1

A Sɩtaana tɩ wa ìr'a bɔbr a Ɩsɩrayɛl nɩbɛ faa, lɛ n'a ʋ tɩ bɛlɩ a Daviir ƴãw k'ʋʋ sɔ́r a Ɩsɩrayɛl nɩbɛ.

2 Bibie za yel-manɩ 18:21

Ʋ tɩ sɔw na: “Ɩ̃ na cen na tɩ ƴãw a nãà naaŋmɩn-ƴɛ̀r-manbɛ za ŋma ziri kʋ̀ ʋ.” A Sore tɩ sɔw ʋ na: “Tub-vla vla n'ʋ. Cen tɩ ɩ à à ŋá!”

Sɛb-sõw yielu 109:6

À ŋá n'a bɛ ƴɛ̀rɛ a ɩ̃ ƴãw: «Tɩ kaa ír nɩ-faa ʋ ìr àr a ʋ ƴãw, nɩr na manɛ a ʋ sãwna a, ʋ àr a ʋ dʋrʋ lowr.

Ɩzayi 14:12

Ŋmɩŋmɩn za n'a fʋ yi a salom zu lo, fʋ̃ʋ, zi-vɩɛ-ŋmar-bir-nyɩwra? Ŋmɩŋmɩn za n'a bɛ lɔb fʋ bɛr a tẽw zu, fʋ̃ʋ na mɩ́ tɩ tʋ̃ɔ́ a nɩ-bʋʋrɛ a?

Ɩzayi 27:1

A ʋlɩ bibir nɛ a, a Sore na de nɩ a ʋ zɛbr-sɔ-kpɛ̃ɛ na dɩrɛ a, na bɛ dɩ vuo ɛ́ tɛr fãw a, a Levɩatã na ɩ a waab na zɔrɛ a ƴãw, a Levɩatã na ɩ a wa-gõlõgõlõ a ƴãw. Ɛ́ ʋ na kʋ n a kʋ̃ɔ-kpɛ̃ɛ wa-bɩɛ.

Ɩzayi 65:25

A wɛ-baa nɩ a péle na lãw na 'wɔbr a mʋ̃ɔ. A gbẽw na 'wɔbr'ɩ mʋ̃ɔ mɛ̃ a náab a. A waab na dɩrɛ nɩ tanɛ. Yel-faa za nɩ yel-sãwna za bɛ lɛb maalɛ a ɩ̃ tãw-sõw za zu ɛ. A mãa, a Sore, mãa n'ʋ yere.

Ezekɩɛl 28:16

A fʋ yɛ̀rʋ́ do n saa. A ƴãw fʋ nɩ po-to-fãw-ɩb ƴãw, ɛ́ fʋ maalɩ faa. Lɛ so, ɩ̃ diwr fʋ nɩ a ɩ̃ tãw zu, ɛ́ siwre fʋ manɛ taa nɩ a nɩbɛ za. A seribɛ̃ na gùre fʋ a diwr fʋ na zãánɛ nɩ a vũu-bi-cõcole sɔgɔ.

Matie 13:39

a dɔ̃ sob na bʋ̀r a narsɩ a n'ɩ a Gɛgɛra, a bʋ̃-dieri deb n'ɩ a tẽw baarʋ daar, ɛ́ a bʋ̃-dieri dierbɛ n'ɩ a malkɩ mɩnɛ.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Matie 4:1

Al pùorí, a Naaŋmɩn Vʋʋrʋ tɩ tɛr'ɩ a Yeezu cen nɩ a wɛja-kpalɛ pʋɔ, k'aa Gɛgɛra tɩ bɛlɩ ʋ.

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

Matie 4:5

Lɛ n'a a Gɛgɛra tɩ tɛr ʋ cen nɩ a Zerizalɛm na ɩ a tẽ-sõw a pʋɔ, tɩ tɛr ʋ do n a Ŋmɩn-yir-kpɛ̃ɛ nyʋɔrɩ́ za,

Matie 4:8

A Gɛgɛra tɩ lɛb'a tɛr ʋ do n tã-kpɛ̃ɛ kpɛ̃ɛ kãw zu, tɩ wul ʋ a tẽ-daa na-mɩnɛ ten za nɩ a vɩɛlʋ

Luka 10:18

A Yeezu tɩ yel bɛ na: «Ɩ̃ mɩ́ tɩ nyɛ̃ nɩ a Sɩtaana ʋ yi a salom zu wa lo mɛ̃ saa na nyɩwrɩ a.

Luka 13:16

Ɛcɛ a pɔw ŋa na ɩ a Abraham bʋʋrɛ pɔwyaa, a Sɩtaana 'lẽ yome pie nɩ ani n'ɩ à ŋá a, a bɛ tɩ sɛw k'ɩ̃ɩ cɛ̀r ʋ bɛr a pɩ̃ɛnʋ-bibir ɛ?»

Luka 22:3

Lɛ n'a a Sɩtaana tɩ kpɛ a Zuda bɛ na bʋɔlɛ Ɩsɩkarɩɔtɩ a pʋɔ. Ʋ tɩ ɩ n a Yeezu nɩ-toni pie nɩ ayi ƴen sob.

Luka 22:31

A Sore tɩ yel'a: «Sɩmʋ̃ ʋ, Sɩmʋ̃ ʋ, Sɩtaana zɛlɩ na k'ʋʋ dam nyɩ mɛ̃ pɔw na tɛtɛwr zɛla a.

Luka 8:12

Nɩbɛ bɛ mɩnɛ ŋmɛ̃ na taa nɩ a bʋ̃-bie al na lo a sɔ́r nʋɔr a: bɛ mɩ́ wõ n a Naaŋmɩn ƴɛ̀rʋ, ɛ́ a Gɛgɛra wa faa a ƴɛ̀rʋ a bɛ socie pʋɔ kɛ́ bɛ taa wa mab sàw de, nyɛ̃ a faafʋ ɛ.

Zã 12:31

A ƴɛrɛŋa n'a bɛ na maal'ɩ a tẽ-daa ŋa a ƴɛ̀rʋ. Ƴɛrɛŋa n'a bɛ na diw a tẽ-daa ŋa nãà bɛr.

Zã 14:30

Dɩ̃a na ta a, ɩ̃ kʋ̃ lɛb ƴɛ̀r'ɩ nyɩ cɛlɩ ɛ, bʋ̃ʋ n'ʋ vɛ̃, a tẽ-daa ŋa nãà waar'a. Sɩza n'a, ʋ bɛ tɛr ɩ̃ yel-ɩra ɩ,

Zã 16:11

Ʋ tuli nɩ a ƴɛ̀rʋ-maalʋ ƴãw: bɛ maal'ɩ nɩ a tẽ-daa ŋa nãà a ƴɛ̀rʋ baarɩ.»

Zã 8:44

Gɛgɛra n'ɩ a nyɩ sãà, ɛ́ nyɩ bɔbr a nyɩ sãà pʋ-tɩɛrʋ maalʋ. A pɛr-tib daar za n'a ʋ ɩ nɩ-kʋrɛ: ʋ bɛ dãw be yel-mɩŋa pʋɔ ɩ, yel-mɩŋa bɛ ka a ʋ pʋɔ ɩ. Ʋlɛ wa ŋmarɛ a ziri a, a ʋ dem mɩ́ n'a, ʋ na ɩ zir-ŋmarɛ nɩ a ziri sãà a ƴãw.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Nɩ-toni 5:3

Lɛ n'a a Pɩɛr tɩ yel ʋ: «Ananɩasɩ i, bʋ̃ʋ n'ʋ so a Sɩtaana só fʋ tɩ zɛ̃ à ŋá, kɛ̀ fʋ ŋmãa ziri kʋ̀ a Vʋʋrʋ Sõw? Fʋ gbab'ɩ a púo libie ŋmãa tɛr.

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Ʋrɔm 16:20

A Naaŋmɩn na ɩ a ƴã-ɓaarʋ sob a kʋ̃ yaa kɛ́ ƴɛ́r a Sɩtaana ŋmɛr bin a nyɩ gbɛ́ɛ pile ɩ. A tɩ Sore Yeezu maalʋ, ʋ be a nyɩ zie!

2 Korɛ̃tɩ 11:14

À á ŋá za dɛ bɛ ɩ nɔ-ɓãan ɛ: a Sɩtaana tɔr za mɩ́ bɛ̀lɩ na ɩ cãà malkɩ.

2 Korɛ̃tɩ 11:3

Ɛcɛ, mɛ̃ a lɛ a waab na tɩ bɛlɩ a Awa a, dɛ̃bɩ̃ɛ ɩrɛ mɛ̃ na, a nyɩ tɩɛrʋ nãà wa lɩɛbɛ tɩɛr-faar ɛ́ tawr nyɩ zãánɛ nɩ a Kɩrɩta pùor-tub, ʋl na bɛ bãw a mɩnɛ kãw a.

2 Korɛ̃tɩ 12:7

Ɛ́ a yele á ŋá bɛ na wul mɛ̃ ɩ̃ nyɛ̃ a, a na tɩ ɩ nɔ-ɓãa-yele a zũú n'a bɛ ƴãw 'wɔbrʋ kãw a ɩ̃ ƴã-ganɩ́: Sɩtaana malkɩ bɛ na ƴãw k'ʋʋ ŋmɩɛr mɛ̃ k'ɩ̃ɩ taa wa nanɩ zɛwr ɩ̃ tʋɔra a.

2 Korɛ̃tɩ 2:11

k'aa Sɩtaana ta bɛ̀lɩ tɩ nyɔw ɛ, bʋ̃ʋ n'ʋ vɛ̃, tɩ bɛ ɩ zɔn a ʋ pʋ-tɩɛrʋ ƴãw ɛ.

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

2 Tesalonikɩ 2:3

Nyɩ ta sàw nɩr kãw za bɛ̀lɩ nyɔw nyɩ nɩ bɛ̀l-bʋʋrɛ kãw za ɩ. Bʋ̃ʋ n'ʋ vɛ̃, a fɛr'a kɛ́ a Naaŋmɩn jɛ-bɛrʋ ta baarɩ, kɛ́ a Faalʋ nɩr na ɩ nɩ-wɛra a sãá baarɩ, ɛ́ a bibir ŋa bãw ta.

1 Timote 2:14

Ɛ́ Adama bɛ n'ʋ bɛ bɛlɩ nyɔw ɛ, a pɔw n'ʋ bɛ bɛlɩ nyɔw ʋ zawrɩ a Naaŋmɩn nʋɔr.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

Ebre 2:14

A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

1 Zã 5:19

Tɩ bãw na kɛ́ Naaŋmɩn so tɩ, ɛ́ a Faalʋ sob so a tẽ-daa za.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:9

Ɛcɛ a malkɩ-kpɛ̃ɛ Mɩsɛl tɔr za bɛ ɩ à à ŋá ɩ. Ʋlɛ nɩ a Gɛgɛra na tɩ ŋmɩɛr nɔkpɛn ɛ́ zɛbr'ɩ taa a Moyiir ƴã-gan a, ʋ bɛ tɩ sàw tʋ ʋ ɛ. À ŋá tɛwr'a ʋ tɩ yel kʋ̀ ʋ: «A Sore, ʋ ƴãw fʋ dɔwrʋ.»

Yel-wula 12:12

A na ɩ à ŋá a, cɩlɛ salom i, nɩ nyɩɩm za na kpɩɛr a ʋ zu a! Ɛcɛ, baw-bio páw nyɩ na, nyɩɩm tẽsɔw nɩ kʋ̃ɔ-kpɛ̃ɛ ɛ! Bʋ̃ʋ n'ʋ vɛ̃, a Gɛgɛra siw na wa a nyɩ zie, ɩ suur tɛwr, ʋ na bãw k'aa vuo na cɛ ʋ a ɩ n ŋmalelɛ a.»

Yel-wula 12:3

Bãwfʋ yũo tɩ sãá nɩ a salom zu: wa-bɩɛ bɛ́rʋ zɩɛ na tɛr zuru ayopõi nɩ ɩ́lɛ́ pie, ɛ́ a zu za mɩ́ tɩ vɔbl'ɩ nãà-kpawʋɔ a.

Yel-wula 12:7

Lɛ n'a zɛbr tɩ ìr a salom zu: Mɩsɛl nɩ a ʋ malkɩ mɩnɛ tɩ zɛb'ɩ nɩ a wa-bɩɛ, ɛ́ a wa-bɩɛ nɩ a ʋ malkɩ mɩnɛ mɩ̀ tɩ zɛb'ɩ bɛ.

Yel-wula 12:8

Ɛcɛ, bɛ tɩ zɛb'a tʋ̃ɔ́ a wa-bɩɛ. Zie bɛ tɩ cãà be a salom zu ʋlɛ nɩ a ʋ malkɩ mɩnɛ ƴãw ɛ.

Yel-wula 13:14

Ʋ tɩ bɛ̀lɛ nɩ a nɩbɛ na kpɩɛr a tẽw zu a, nɩ a nɔ-ɓãa-yele bɛ na tɩ kʋ̀ ʋ a fãw ʋ maalɛ nɩ a dʋ̃-dãw-niwn sob niŋé a. Ʋ tɩ ƴãw na bɛ mɩ́ maalɩ a dʋ̃w ʋl na tɩ tɛr a sʋɔ natɩr ɛ́ lɛb vʋʋrɛ a dasule a ʋ ƴãwfʋ ƴãw.

Yel-wula 16:14

Kɔ̃tɔmɛ sɩrɩ n'a! A maalɛ nɩ yel-bãw-guuri! A mɩ́ cen nɩ a tẽ-daa za na-mɩnɛ zie k'aa tɩ bʋɔlɩ bɛ ɓã taa a Naaŋmɩn kpɛnʋ-za-sob zɛbr bibi-kpɛ̃ɛ ƴãw.

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.

Yel-wula 18:23

A fɩ̃tɩlɛ cãà kʋ̃ lɛb caalɩ a fʋ pʋɔ ɩ. Bɛ kʋ̃ lɛb wõ a dɛb-sãan nɩ a pɔw-sãan kɔkɔr a fʋ pʋɔ ɩ. Bʋ̃ʋ n'ʋ vɛ̃, a fʋ yɛ-yɛrbɛ tɩ ɩ n a nɩ-bɛrɛ a tẽw zu, ɛ́ fʋ tɩ tuli a nɩ-bʋʋrɛ za nɩ a fʋ tɩtɩblʋ.»

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

Yel-wula 2:24

Ɛcɛ, a nyɩɩm na be a Tɩatɩɩr ɛ́ bɛ tu a wul-ziri ŋa pùor, ɛ́ bɛ zànɩ a ʋlɩ bom nɛ a nɩbɛ bɛ ŋa na bʋɔlɛ a “Sɩtaana yel-sɔwlɩ sɔwlɩ” a, ɩ̃ yere nɩ à ŋá kʋ̀rɛ nyɩ: ɩ̃ bɛ lɛb dɔwlɛ nyɩ tuor ƴãw pʋɔ ɩ.

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 20:8

ʋʋ na cen na tɩ bɛ̀lɛ a ten ten na be a tẽ-daa za zu a, a pɛr lɛ k'aa Gɔgɩ nɩ Magɔgɩ. Ʋ na bʋɔlɩ bɛ na ɓã taa a zɛbr ƴãw, ɛ́ bɛ na yãwmɛ na mɛ̃ a kʋ̃ɔ-kpɛ̃ɛ nʋɔr biire a.

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.

Yel-wula 9:1

A malkɩ anũu sob tɩ pɛbl'ɩ a ʋ wɩ́ɛ. Ɩ̃ tɩ nyɛ̃ nɩ ŋmar-bir ʋ yi a salom zu wa lo a tẽw. Bɛ tɩ kʋ̀ ʋ nɩ a kɔ̃tɔmɛ dɔwrʋ bɔw-zulu pĩi.

Yel-wula 9:20

A nɩsaalbɛ bɛl na tɩ cɛ a, a bɛl a bʋ̃-faar ata al na bɛ tɩ kʋ a, bɛ tɩ bɛr a bɛ tõ-faar ɛ, bɛ tɩ cãà na puore a kɔ̃tɔmɛ nɩ a tɩbɛ bɛ na maalɩ nɩ salm-zɩɛ nɩ salm-pla a, bɛ na maalɩ nɩ kure nɩ kʋsɛbɛ nɩ dàar a, tɩbɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom ɛ́ kʋ̃ tʋ̃ɔ́ cen a.