Yel-wula 11:8 - A SƐB-SÕW

⁸ A bɛ kũuni na gã nɩ a tẽ-kpɛ̃ɛ laɩ pʋɔ, a be bɛ na kpa a bɛ Sore a da-gara zu a. Bɛ bʋɔlɛ nɩ a tẽw ʋl kɛ́ Sodɔm nɩ Eziptɩ, ʋ ɩ zʋkpar'ʋ bɛ mɩ́ lɔb.

Yel-wula 11:8 ပူးပေါင်းရင်းမြစ်များ

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

Yele-za-pɛr-tib 19:24

A lɛ n'a a Sore tɩ ɩ cirbi nɩ vũu yi a salom zu siw a Sodɔm nɩ a Gomɔɔr zu mɛ̃ saa a.

Eziptɩ tẽw yib 20:2

«Ɩ̃ ɩ n a Sore fʋ Naaŋmɩn, mãa n'ʋ ɩ fʋ yi a Eziptɩ, a be fʋ na tɩ ɩ gbãgbaa a.»

Eziptɩ tẽw yib 3:7

A Sore tɩ yel'a: «Ɩ̃ nyɛ̃ nɩ a ɩ̃ nɩbɛ wʋ̀ʋr a Eziptɩ tẽw. Ɩ̃ wõ n a cɛlsɩ bɛ na dɔwrɛ bɛ bɛ ŋmɩɛr a. Ɩ̃ sɩrɩ na bãw a tuo bɛ na wone a.

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Zeremi 26:23

Bɛ tɩ tɛr'ɩ a Uuriyahu a Eziptɩ tẽw lɛb wa n wa kʋ̀ a nãà. A Yoyakim tɩ ƴãw na bɛ kʋ ʋ, ɛ́ lɔb a ʋ kũu ƴãw bɔw-lãw pʋɔ.

Ezekɩɛl 16:46

A fʋ yɛ-kpɛ̃ɛ n'ɩ Samaari na be a saa-pɛrɩ́-gʋba-lowr a nɩ a ʋ tẽ-kpɔwlɩ. A fʋ yɛ-bile n'ɩ Sodɔm na be a saa-pɛrɩ́-dʋrʋ-lowr a nɩ a ʋ tẽ-kpɔwlɩ.

Ezekɩɛl 16:49

A Sodɔm nɩ a ʋ tẽ-kpɔwlɩ sãwna n'ɩ á ŋá: A tɩ ɩrɛ nɩ pɔ̀l-ɩb, a tɩ dɩrɛ na tɩ maal zuo, a bɛ tɩ tɛr tɩɛrʋ ɛ, a bɛ sõw a nɩ-kɔmɛ nɩ a bãbàalbɛ ɩ.

Ezekɩɛl 23:19

Ɛcɛ, ʋ tɩ tõ n a pɔw-yɛm tome lɛb bãw dɔwlɩ, mɛ̃ ʋ na tɩ tõ a Eziptɩ tẽw a ʋ pɔ̀lʋ̀ daarɩ́ a.

Ezekɩɛl 23:27

Oholiba a, ɩ̃ na ɩ na a fʋ vĩ-yele nɩ a fʋ pɔw-yɛm nyɔ-vʋʋrʋ fʋ na tɩ tĩ a Eziptɩ tẽw a, a baarɩ. Fʋ kʋ̃ lɛb jɩ́rɛ a dɛbr ɛ́ kʋ̃ lɛb tɩɛrɛ a Eziptɩ tẽw dem ɛ.

Ezekɩɛl 23:3

Bɛ na tɩ ɩ pɔw-sɩrɩ a, bɛ tõ n pɔw-yɛmɛ tome a Eziptɩ tẽw bɛ na tɩ be a. A be a, dɛbr tɩ tɛblɩ nɩ a bɛ bɩrɛ ɛ́ gbaalɩ a bɛ pɔwsɩ-nyarʋ.

Ezekɩɛl 23:8

Ʋ cãà na cow tone a pɔw-yɛm tome mɛ̃ ʋ na tɩ tõ a Eziptɩ tẽw pʋɔ a. A be a, ʋ tɩ ɩ n pɔwsɩrale, dɛbr tɩ ganɛ nɩ ʋ na, bɛ tɩ gbaalɛ nɩ a ʋ pɔwsɩ-nyãa, bɛ tɩ ƴãw na ʋ bʋnɩ vʋʋrɛ sãsaralɛ.

Ezekɩɛl 37:11

A Sore tɩ lɛb'a yel mɛ̃: «Nɩsaal bie e, a kɔbɛ á ŋá a, a Ɩsɩrayɛl yir dem za nɛbɛ. Bɛl mɩŋa mɩ́ yere na: “A tɩ kɔbɛ ko na pɛlɩ, a tɩ tɩɛrʋ wɛ na, tɩ kpi na.”

Amɔsɩ 4:11

«Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Matie 10:15

Yel-mɩŋa sɩza, ɩ̃ yere na kʋ̀rɛ nyɩ, a ƴɛ̀rʋ-dɩb bibir a, bɛ kʋ̃ dɔwrɩ a Sodɔm nɩ a Gomɔɔr ten dem man a tẽw nɛ dem ɛ.»

Nɩ-toni 9:4

Ʋ tɩ lo na gã tẽw ɛ́ wõ kɔkɔr ʋ yere a ʋ zie: «Sol i, Sol i, bʋ̃ʋ n'ʋ so fʋ dɔwrɛ mɛ̃?»

Ebre 13:12

A lɛ n'a so a Yeezu mɩ̀ yi zaa a tẽw pʋɔ tɩ kpi, k'aa ʋl mɩŋa zɩ̃ɩ tʋ̃ɔ́ ɩ a nɩbɛ bɛ ɩ son.

Ebre 6:6

ɛ́ lɛb de a bɛ nyɔ-vʋʋr-kʋra a, a bɛ tɛr bɛ na lɛb lɩɛbɩ a bɛ ɩb a gb'a ayi sob ƴãw ɛ, bɛl tɛɛ za n'a mɩ́ lɛb kparɛ a Naaŋmɩn Bie a da-gara zu, ɛ́ yi n ʋ yẽw ƴãw bɛ tʋʋr.

2 Pɩɛr 2:6

A pùorí, ʋ ƴãw nɩ dɔwrʋ a Sodɔm nɩ a Gomɔɔr ten. Ʋ ƴãw na vũu dɩ a kʋmkʋm, k'aa wul k'aa ŋa n'a a nãà ŋmɛ̃ a nɩ-faar za zie.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 11:9

Nɩbɛ na yi bʋʋrɛ za, dɔwlʋ za, ƴɛ̀r-pɛ-bʋʋrɛ za nɩ tẽw za pʋɔ a na jɩ́r'ɩ a bɛ kũuni bibie ata nɩ ŋmãa, ɛ́ kʋ̃ sàw bɛ ũù a ɩ.

Yel-wula 14:20

Bɛ tɩ nɛb'ɩ a divɛ̃ tɩ-wɔmɛ a bɔw-kpɛ̃ɛ pʋɔ na bɛ tɩ be a tẽ-kpɛ̃ɛ pʋɔ ɛ́ be yẽw a. Zɩ̃ɩ tɩ yi n a bɔw pʋɔ do tɩ ta a wie nɔ-bamɛ, ɛ́ gbɔlɩ tɩ ta kilo kɔbr ata (300).

Yel-wula 14:8

Malkɩ ayi sob tɩ tu n a dãw-niwn sob, ɛ́ yere: «A Babɩlɔn tẽ-kpɛ̃ɛ lo na, ʋ lo na! Ʋl na ƴãw a ten za nyũ a ʋ pɩ̃ɔ ɩ-ɩrɩ na bɛ maal'ɩ wob a divɛ̃ a.»

Yel-wula 16:19

A tẽ-kpɛ̃ɛ tɩ ŋmɛr'ɩ ziir ata, ɛ́ a ten za tẽ-bɛrɛ lo. Naaŋmɩn tɩ lɛb'a tɩɛrɩ bãwnɩ a Babɩlɔn tẽ-kpɛ̃ɛ yele, kʋ̀ ʋ a ʋ divɛ̃ nɩ a kole ʋ nyũ, a ʋ su-tʋlʋ divɛ̃.

Yel-wula 17:1

Lɛ n'a a malkɩ ayopõi na tɩ tɛr a koli-nyúuri ayopõi a, a bɛ ƴen sob tɩ wa wa yel mɛ̃: «Wa, ɩ̃ɩ na wul fʋ nɩ a lɛ bɛ na maal'ɩ a pɔw-yɛm-kpɛ̃ɛ a ƴɛ̀rʋ a, a pɛr lɛ k'aa tẽ-kpɛ̃ɛ ʋl na àr mamɛ yaga nʋɔr a.

Yel-wula 17:18

Ɛ́ a pɔw fʋ na nyɛ̃ a ɩ n a tẽ-kpɛ̃ɛ ʋl na dɩrɛ naalʋ a tẽw zu na-mɩnɛ zu a.»

Yel-wula 17:5

Yúor a pɛr na sɔwlɩ a tɩ sɛb'ɩ a ʋ gbẽé à ŋá: «Babɩlɔn kpɛ̃ɛ, pɔw-yɛmɛ nɩ a tẽw yel-faar na bɛ maal'ɩ wob a mã.»

Yel-wula 18:10

Bɛ na àr'a zãá, a ʋ dɔwrʋ na ɩrɛ dɛ̃bɩ̃ɛ a ƴãw, ɛ́ yere: «Zu-bio wɛ! Zu-bio wɛ, Babɩlɔn i! Tẽ-kpɛ̃ɛ na tɛr fãw a! A wa ɩ n tɛm been yõ ɛ́ a fʋ ƴɛ̀rʋ dɩ!»

Yel-wula 18:18

ɛ́ bɛ na tɩ nyɛ̃ a ʋ vũu zʋ̀ʋ́r a, bɛ tɩ ŋmɩɛr'ɩ cɛlsɩ yere nɩ: «Tẽ-kpɛ̃ɛ buor'ʋ tɩ ta a tẽ-kpɛ̃ɛ kpɛ̃ɛ ŋa?»

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.

Yel-wula 18:21

Lɛ n'a malkɩ kãw na tɛr fãw a tɩ ɓáw kʋsɩɛr na ɩ mɛ̃ nɛ-kpɛ̃ɛ a, lɔb ƴãw a kʋ̃ɔ-kpɛ̃ɛ pʋɔ ɛ́ yel: «À ŋá n'a bɛ na lɔb a Babɩlɔn tẽ-kpɛ̃ɛ kpɛ̃ɛ bɛr nɩ fãw, ɛ́ nɩr kʋ̃ lɛb nyɛ̃ ʋ ɛ.

Yel-wula 18:24

A fʋ pʋɔ n'a a naaŋmɩn-ƴɛ̀r-manbɛ nɩ a Naaŋmɩn nɩ-bʋʋrɛ zɩ̃ɩ cir, lãwnɩ a bɛlɩ dem za bɛ na tɩ kʋ a tẽw zu a zɩ̃ɩ.