Yel-wula 11:7 - A SƐB-SÕW

⁷ Bɛlɛ wa dɩ a bɛ dãsɩɛ baar'a, a dʋ̃w na yi a kɔ̃tɔmɛ dɔwrʋ bɔw-zulu pʋɔ dúor a na zɛb'ɩ bɛ na, ʋ na tʋ̃ɔ́ bɛ na ɛ́ kʋ bɛ.

Yel-wula 11:7 ပူးပေါင်းရင်းမြစ်များ

Luka 13:32

A Yeezu tɩ sɔw bɛ na: «Nyɩ cen tɩ yel a cɩbɛ sob ŋa: “Ɩ̃ diwr'ɩ kɔ̃tɔmɛ ɛ́ sanɛ bàalbɛ dɩ̃a nɩ bio, ɛ́ a bibie ata sob a, a na baar'a.”

Luka 8:31

A kɔ̃tɔmɛ á ŋá tɩ zɛlɛ nɩ a Yeezu k'ʋʋ ta diw a ƴãw a kɔ̃tɔmɛ dɔwrʋ bɔw-zulu pʋɔ ɩ.

Zã 17:4

Ɩ̃ ɩ n a fʋ yúor nyɛ̃ vɩɛlʋ-danʋ a tẽ-daa zu. A ton fʋ na kʋ̀ m a, ɩ̃ tõ na baarɩ.

Zã 19:30

A Yeezu tɩ nyũ n a dã-miiru, al pùorí ʋ yel: «A yele za nʋɔr kʋ na!» Ɛ́ pãa gʋɔ a zu, ɛ́ ŋmãa vʋʋrʋ.

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»

Yel-wula 12:17

A wa-bɩɛ tɩ nyɛ̃ nɩ nɩ a pɔw suur, cen tɩ zɛbr'ɩ a pɔw bʋʋrɛ bɛl na cɛ a, a bɛl na tuur a Naaŋmɩn nɛ-ƴãwnɩ ɛ́ maal tɛr a yel-mɩŋa a Yeezu na wul a.

Yel-wula 13:11

Al pùorí, ɩ̃ tɩ nyɛ̃ nɩ dʋ̃w yũo ʋ yire a tẽsɔw pʋɔ. Ʋ tɩ tɛr'ɩ ɩ́lɛ́ ayi mɛ̃ pʋrale ɩ́lɛ́ a, ɛ́ tɩ ƴɛ̀rɛ mɛ̃ wa-bɩɛ a.

Yel-wula 13:7

Bɛ tɩ kʋ̀ ʋ nɩ sɔ́r k'ʋʋ zɛbr'ɩ a Naaŋmɩn nɩ-bʋʋrɛ ɛ́ tʋ̃ɔ́ bɛ. Bɛ tɩ kʋ̀ ʋ nɩ fãw dɔwlʋ za zu, bʋʋrɛ za, ƴɛ̀r-pɛ-bʋʋrɛ za nɩ tẽw za zu.