Yel-wula 11:5 - A SƐB-SÕW

⁵ Nɩr wa bɔbr k'ʋʋ mal bɛ a, vũu mɩ́ yi n a bɛ nʋɔrɩ́ dɩ a bɛ dɔ̃ dem. À ŋá n'a nɩr za na bɔbr k'ʋʋ mal bɛ a na kpi.

Yel-wula 11:5 ပူးပေါင်းရင်းမြစ်များ

Sɛb-sõw yielu 18:8

Lɛ n'a a tẽsɔw tɩ gbiwri ɛ́ dam, a tan pɛ́ɛ tɩ dam'a a dãdawlɛ, a Sore suur na tɩ ìr a ƴãw.

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Zeremi 1:10

Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr na càarɩ a nɩ-bʋʋrɛ nɩ a naalʋ-ten a: kɛ́ fʋ tɩ vɔnɛ ɛ́ darɛ lɔbr, kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ, kɛ́ fʋ tɩ mɩɛr ɛ́ sɛlɛ.»

Zeremi 5:14

A na ɩ à ŋá a, à ŋá n'a a Sore, a Naaŋmɩn kpɛnʋ-za-sob, yere: «Bɛ na faa ƴɛ̀rɛ à ŋá a, Zeremi i, a ƴɛ̀rʋ ɩ̃ na ƴãwnɛ a fʋ nʋɔrɩ́ a na ɩ na mɛ̃ vũu a. A nɩbɛ bɛ ŋa na ɩ na mɛ̃ dàar a vũu na na dɩ a.»

Ezekɩɛl 43:3

A bom nɛ ɩ̃ na tɩ nyɛ̃ a ŋmɛ̃ na taa nɩ a ʋl ɩ̃ na tɩ nyɛ̃ a dãwdãw, a lɛn daar a Sore na tɩ wa wa sãw a Zerizalɛm bɛr a, nɩ a lɛn daar ɩ̃ na tɩ be a Kebaar man nʋɔr a. Lɛ n'a ɩ̃ tɩ lo vɔblɩ muru.

A naaŋmɩn-ƴèr-manɛ Oze sɛbɛ 6:5

Alɛ so ɩ̃ ƴãw a ɩ̃ ƴɛ̀r-manbɛ zɛb'ɩ nyɩ, a ɩ̃ nʋɔr ƴɛ̀r'ɩ kũu ƴɛ̀rʋ càar'ɩ nyɩ. Ɛ́ a ɩ̃ ƴɛ̀rʋ-dɩb yel-mɩŋa pur sãá mɛ̃ cãà a.

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Zakari 2:8

Ʋ tɩ yel ʋ na: «Zɔ cen tɩ yel a pɔlbile na tɛr a miw-máná a: Dacine kʋ̃ mɛ viiri koli a Zerizalɛm ɛ, a nɩbɛ nɩ a dʋn na na yãwmɛ a ʋ pʋɔ bɛ dɩ vuo a ƴãw.

Yel-wula 13:13

A dʋn ayi sob ŋa tɩ maalɛ nɩ nɔ-ɓãa-yel-bɛrɛ, mɩ́ tɩ ɩ vũu yi a salom zu siw a tẽw zu, a nɩsaalbɛ za niŋé.

Yel-wula 9:17

A ɩ̃ yel-nyɛra pʋɔ a, à ŋá n'a a wie nɩ a zɔmnbɛ tɩ sãá: bɛ tɩ su n kure nyãa-kpali na mʋ̃ɔ mɛ̃ vũu a, a mɩnɛ ɩ sɛblɛ mɛ̃ kʋsɛ-bi-nyɩla kãw bɛ na bʋɔlɛ safɩɩr a, ɛ́ a mɩnɛ ɩ dʋɔr mɛ̃ cirbi a. A wie zuru tɩ ɩ na mɛ̃ gben zuru a, ɛ́ a nɛ́ɛ owr vũu, zʋ̀ʋ́r nɩ cirbi.