Yel-wula 11:3 - A SƐB-SÕW

³ Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»

Yel-wula 11:3 ပူးပေါင်းရင်းမြစ်များ

Yele-za-pɛr-tib 37:34

Lɛ n'a ʋ tɩ taw a ʋ kparɩ cɩɛrɩ, ɛ́ ƴãw ko-tuolu bome kõ n a ʋ bidɛb kuor a tɩ cɛlɩ.

2 Samɩɛl 3:31

A Daviir tɩ yel'ɩ a Zowab nɩ a nɩbɛ na tɩ bɩɛlɛ ʋ a: «Nyɩ taw a nyɩ kparɩ cɩɛrɩ, nyɩ su vʋɔrɩ kparɩ, maal'ɩ a Avɩnɛɛr kuor.» A nãà Daviir tɔr za tɩ tuur'ɩ a Avɩnɛɛr kũu.

1 Na-mɩnɛ 21:27

A Akab na tɩ wõ a ƴɛ̀rʋ á ŋá a, ʋ taw nɩ a ʋ kparɩ cɩɛrɩ, su vʋɔra kparʋ, ɛ́ mɩ́ tɛr mʋta-tuo. Ʋ mɩ́ tɩ su n a kparʋ ŋa gã nɩ, ɛ́ kʋɔlɛ.

2 Na-mɩnɛ 19:1

A nãà Ezekɩasɩ na tɩ wõ a bɛ manʋ a, ʋ mɩ̀ taw nɩ a ʋ kparɩ cɩɛrɩ, ɛ́ su vʋɔra kparʋ cen nɩ a Sore Ŋmɩn-yir-kpɛ̃ɛ́.

1 Bibie za yel-manɩ 21:16

A Daviir tɩ zɛw nɩ zu nyɛ̃ a Sore malkɩ ʋ àr a salom nɩ a tẽw cará, tɛr zɛbr-sɔ-kpɛ̃ɛ ʋ na vʋ̃ɔ a, a nũú, tur cɔw nɩ a Zerizalɛm. A Daviir nɩ a nɩ-kore na tɩ su vʋɔrɩ kparɩ a, tɩ lo na vɔblɩ muru.

Neemi 9:1

A cuwr ayopõi sob bibie lɩzɛr'ɩ anaar sob daar, a Ɩsɩrayɛl nɩbɛ tɩ ɓã n taa kɛ́ bɛ tɛr mʋta-tuo. Bɛ tɩ su n vʋɔrɩ kparɩ ɛ́ 'wɔ̃w tanɛ ƴãw a bɛ zurú.

A Zɔb sɛbɛ 16:15

A wahala kparʋ bɛ yire a ɩ̃ ƴã-ganɩ́ ɛ, ɩ̃ɩ de a ɩ̃ gbẽ nɛr uuru pʋɔ.

Sɛb-sõw yielu 69:11

Ɩ̃ tɛr'ɩ mʋta-tuo kone nɩ, a wa n zʋmɛ a ɩ̃ zie.

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Zeremi 1:10

Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr na càarɩ a nɩ-bʋʋrɛ nɩ a naalʋ-ten a: kɛ́ fʋ tɩ vɔnɛ ɛ́ darɛ lɔbr, kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ, kɛ́ fʋ tɩ mɩɛr ɛ́ sɛlɛ.»

A Lãw-mʋɔlɛ 2:10

A Sɩyɔ̃ tẽ-kpɛ̃ɛ nɩ-kore zɩ̃ n gbili gbili a tẽw. Bɛ 'wɔ̃w nɩ tanɛ ƴãw a zurú, bɛ su n vʋɔrɩ kparɩ. A Zerizalɛm pɔwsɩrali su n zuru.

Ezekɩɛl 4:6

Fʋ̃ʋ wa baarɩ a bibie á ŋá a, fʋ̃ʋ lɩɛbɩ a dʋrʋ lõbowr zu, ɛ́ tuo a Zuda naalʋ-tẽw yel-bebe tɩbrʋ yome lɩz'a ayi. Ɩ̃ kʋ̀rɛ fʋ nɩ bibi-been yũon za ƴãw, a yome al za a Zuda na maalɩ a yel-bebe a.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zonasɩ 3:5

A Nɩnɩɩvʋ tẽw dem tɩ sàw na de a Naaŋmɩn ƴɛ̀rʋ. Bɛ tɩ hier'a yel kɛ́ ŋa za mɩ́ tɛr mʋta-tuo ɛ́ su vʋɔrɩ kparɩ, a nɩ-bɛrɛ tɩ tɔ a bibiir.

Zonasɩ 3:8

A nɩsaalbɛ nɩ a dʋn, bɛ su vʋɔrɩ kparɩ, bɛ kone kpɛ̃w za cɔwr a Naaŋmɩn, ɛ́ ŋa za mɩ́ lɛb bɛr a ɩ-faar nɩ a po-to-fãw-ɩb al ʋ na ɩ sãw a.

Sɔr-nɛ́ɛ 11:26

Nɩbɛ ayi tɩ cãà na be a laɩ pʋɔ. A kãw tɩ dɩ na kɛ́ Ɛldadɩ, ɛ́ a kãw dɩ kɛ́ Medadɩ. Bɛ tɩ pʋɔ nɩ a nɩ-kore lɩz'a ata nɩ pie pʋɔ, ɛcɛ bɛ bɛ tɩ yi cen a pɛn-sɛw pɛr ɛ. A vʋʋrʋ tɩ siw nɩ a bɛ zu bɛ tĩ ƴɛ̀rɛ mɛ̃ naaŋmɩn-ƴɛ̀r-manbɛ a a laɩ pʋɔ.

Matie 11:21

«We ãɩ, Korazin i! We ãɩ, Bɛtɩsayida a! A nɔ-ɓãa-yele na sɩrɩ maalɩ a nyɩ zie a, alɛ tɩ maalɩ Tɩ́ɩ̀r nɩ Sɩdɔ̃ a, koro za n'a a bɛ nɩbɛ nãá lɩɛbɩ a bɛ ɩb, su vʋɔrɩ kparɩ ŋmɛ n tãpɛlʋ.

Matie 18:16

Ʋlɛ bɛ wa bɛrɛ wone a fʋ ƴɛ̀rʋ a, fʋ̃ʋ tɛr nɩ-been bɩɩ nɩbɛ ayi ƴãw pʋɔ a fʋ ƴãw, kɛ̀ “Yel za tʋ̃ɔ́ mɩ́ maalɩ dãsɩɛ dem ayi bɩɩ ata ƴɛ̀rʋ zũú.”

Luka 10:13

«We ãɩ, Korazin i! We ãɩ, Bɛtɩsayida a! A nɔ-ɓãa-yele á ŋá na maalɩ a nyɩ pʋɔ a, alɛ tɩ ɩ mɛ̃ a maal'ɩ a Tɩ́ɩ̀r nɩ Sɩdɔ̃ ten pʋɔ a, a ten á ŋá nɩbɛ nãá lɩɛb'ɩ a bɛ ɩb koro za, su vʋɔrɩ pɛnɛ ɛ́ ŋmɛ tãpɛlʋ.

Luka 24:48

Nyɩmɛ nɛbɛ ɩ a yele á ŋá dãsɩɛ dem.

Zã 15:27

Ɛ́ a nyɩɩm mɩ̀, nyɩ na dɩ n a ɩ̃ dãsɩɛ, nyɩ na be a ɩ̃ zie a pɛ-tib daar za a ƴãw.»

Zã 3:27

A Zã tɩ sɔw bɛ na: «Nɩr kʋ̃ tʋ̃ɔ́ yel k'ʋʋ so nɩ bom Naaŋmɩn bɛ wa n'ʋ kʋ̀ ʋ a ɩ.

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 13:31

ɛ́ wul ʋ tʋɔra bibi-yaga a bɛlɩ dem na tɩ páw ʋ a Galile do a Zerizalɛm a, bɛl na ɩ a ʋ dãsɩɛ dem ƴɛrɛŋa a Ɩsɩrayɛl nɩbɛ zie a.

Nɩ-toni 2:32

«A Yeezu ŋa a, Naaŋmɩn ɩ na ʋ lɛb yi a kũu pʋɔ, tɩɩm za dɩ n a dãsɩɛ.

Nɩ-toni 3:15

À ŋá n'a nyɩ ɩ kʋ a nyɔ-vʋʋrʋ za sob. Ɛcɛ Naaŋmɩn ɩ na ʋ lɛb yi a kũuni pʋɔ, tɩ ɩ n a ʋ dãsɩɛ dem.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

2 Korɛ̃tɩ 13:1

A gb'a ata sob'ɩ à ŋá ɩ̃ na waar a nyɩ zie a. Mɛ̃ a lɛ a Sɛb-sõw na yel a: «Dãsɩɛ dem ayi bɩɩ ata ƴɛ̀rʋ zũú n'a yel za na mɩ́ maalɩ.»

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

Wulu-ayi-sob 17:6

Dãsɩɛ dem ayi bɩɩ ata dãsɩɛ-dɩb zũú n'a bɛ na mɩ́ kʋ a sob nɛ a na sɛw k'ʋʋ kpi a. Bɛ bɛ kʋrɛ ʋ dãsɩ-been sob yõ dãsɩɛ-dɩb zũú ɛ.

Wulu-ayi-sob 19:15

Nɩ-been yõ dãsɩɛ kʋ̃ tʋ̃ɔ́ sɛw bɛ ƴãw nɩr na kʋ nɩr, nɩr na maalɩ yel-bier, bɩɩ nɩr na sãw sãwna kãw a, dɔwrʋ ɛ. Nɩbɛ ayi bɩɩ nɩbɛ ata dãsɩɛ dɩb zũú n'a bɛ na tʋ̃ɔ́ mɩ́ bãw a yel yel-mɩŋa.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 11:2

Ɛcɛ, bɛr a Ŋmɩn-yir yẽw davʋra. Taa manɛ ʋ ɛ, bʋ̃ʋ n'ʋ vɛ̃, bɛ bɛr ʋ na kʋ̀ a nɩ-bʋʋr-yoru, bɛ na nɛb a tẽ-sõw tɩ ta cuwr lɩz'a ayi nɩ ayi.

Yel-wula 11:6

Bɛ tɛr'ɩ fãw na tʋ̃ɔ́ nyɔw a saa tɛr ʋ ta wa ɩ, a bibie al bɛ na manɛ a Naaŋmɩn ƴɛ̀rʋ a. Bɛ mɩ̀ tɛr'ɩ fãw na tʋ̃ɔ́ ɩ a kʋ̃ɔ a lɩɛbɩ zɩ̃ɩ, ɛ́ ɩ bʋ̃-faar bʋʋrɛ za a páw a tẽw, sɛw lɛ za bɛ na bɔbr a.

Yel-wula 12:6

A pɔw ʋl a, ʋ tɩ zɔ na kpɛ a wɛja-kpalɛ pʋɔ, a be Naaŋmɩn na tɩ cɔbrɩ zie bɛr ʋ, bɛ na tɩ guol'ʋ bibie túr'ɩ kɔbr ayi dɔwlɩ lɩz'a ata a (1 260).

Yel-wula 13:5

Bɛ tɩ kʋ̀ ʋ nɩ sɔ́r k'ʋʋ ƴɛ̀rɛ ƴɛ̀r-sɛblɛ tʋʋr'ɩ a Naaŋmɩn zʋmɛ. Bɛ tɩ kʋ̀ ʋ nɩ fãw k'ʋʋ ɩrɛ nɩ cuwr lɩz'a ayi nɩ ayi ƴãw.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).