Yel-wula 11:19 - A SƐB-SÕW

¹⁹ Lɛ n'a a Ŋmɩn-yir na be a salom zu a tɩ yuo, ɛ́ a Wõ-taa daga sãá a ʋ pʋɔ. A tɩ ɩ n saa-nyɩwrʋ, kɔkɛɛ gɔmɛ, saa tanʋ, tẽsɔw-kɔbr damnʋ nɩ sa-bi-kube na lo yaga za a.

Yel-wula 11:19 ပူးပေါင်းရင်းမြစ်များ

Sɛb-sõw yielu 105:32

Sa-bi-kube n'a ʋ ƴãw a lɩɛrɩ a saa lo, saa vũu n'a ʋ ƴãw a nyɔw a tẽw za.

Sɛb-sõw yielu 18:12

Ʋ tɩ sɔwl'ɩ zũzuw-sɛbla pʋɔ, zũzuw-sɛblɛ n'a ʋ tɩ pili pàw ʋ tʋɔra, zũzuge na sɔb mɛ̃ kʋ̃ɔ-zulu a.

Ɩzayi 28:2

A Sore nɩr kãw n'ɩ ŋan na kpɛmɛ ɛ́ tʋ̃ɔ́ bom za a. Ʋ ŋmɛ̃ na taa nɩ sa-bi-kube saa, ʋ ŋmɛ̃ na taa nɩ saa nɩ sɛsɛb na sãwnɛ bom za a, ʋ ŋmɛ̃ na taa nɩ saa na waar gbʋrʋgbʋrʋ a kʋ̃ɔnɩ paalɩ pàw bom za a. Ʋ na gaal'ɩ bom za tẽw nɩ fãw.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 32:19

Sa-bi-kube na lo n a tuw zu, ɛ́ a tẽ-kpɛ̃ɛ lo.

Ezekɩɛl 13:11

A na ɩ à ŋá a, yel kʋ̀ a bɛlɩ dem na fɔlɛ a dacin a: A nyɩ dacin na lo na! Sa-kpɛ̃ɛ na wa na, sa-bi-kube na lo na, saa-sɛsɛb na cɛr'a.

Ezekɩɛl 13:13

A na ɩ à ŋá a, à ŋá n'a a mãa Sore Naaŋmɩn ƴɛ̀rɛ: A ɩ̃ su-yãyaar pʋɔ a, ɩ̃ na ɩ n a saa-sɛsɛb cɛ̀r, ɩ̃ɩ ɩ sa-bɛrɛ mĩ. A sa-bi-kube na lore nɩ nɩ fãw sãw bom za bɛr.

Ezekɩɛl 38:22

Ɩ̃ na dɔwrɩ fʋ na nɩ jɛ̀lmɛ̃ bàalʋ na nyɔwr nɩbɛ lʋɔrɛ a, ɛ́ bɛr fʋ fʋ kpi zɛbr zie. Ɩ̃ na ɩ na sa-zʋba mĩ, sa-bi-kube lo, cirbi na nyɔw vũu a siw a fʋ zu, a fʋ zɛbr-nɩbɛ zu nɩ a nɩ-bʋʋr-yaga na lãwnɩ fʋ a zu.

Sɔr-nɛ́ɛ 10:33

A Ɩsɩrayɛl nɩbɛ tɩ yi n a Sore tãgɛ̃́ cen bibie ata. A Sore wõ-taa daga tɩ de bɛ nɩ niwn, k'ʋʋ tɩ bɔ a zie bɛ na na tʋ̃ɔ́ maalɩ a laɩ a bɛr bɛ.

Sɔr-nɛ́ɛ 4:15

A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr.

Sɔr-nɛ́ɛ 4:5

A Ɩsɩrayɛl nɩbɛ mɩ́ wa lɛb lore a sɔ́r a, a Aarɔ̃ nɩ a ʋ bidɛbr na mɩ́ wa na wa yàw a zi-sõw pɛn-yawla na bʋ́r a ziir a, pàw nɩ a daw-sõw na tɛr a wõ-taa kʋsɛ-pamɛ a.

Zozue 10:11

A Amoritɩ mɩnɛ na tɩ zɔrɛ a Ɩsɩrayɛl nɩbɛ niŋé, wa yi a Bɛtɩ-Horon siwr a, a Sore tɩ ɩ na sa-bi-ku-bɛrɛ yi a salom zu lɔb lɔb bɛ, tɩ ta n a Azeka. A bɛl a sa-bi-ku-bɛrɛ na tɩ kʋ a tɩ zuo nɩ a bɛl a Ɩsɩrayɛl nɩbɛ na tɩ kʋ n a zɛbr-sɔ-kpɛ̃ɛ a.

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 12:1

Bãwfʋ kpɛ̃ɛ kãw tɩ sãá nɩ a salom zu: pɔw na su a mʋ̃tɔ̃w mɛ̃ kparʋ a, a gbɛ́ɛ dɔwlɩ a cuw zu, ɛ́ ŋmar-bie pie nɩ ayi viiri koli a zu mɛ̃ nãà-kpawʋɔ a.

Yel-wula 16:1

Al pùorí, ɩ̃ tɩ wõ n kɔkɔ-kpɛ̃w ʋ yire a Ŋmɩn-yir-kpɛ̃ɛ pʋɔ yere a malkɩ ayopõi zie: «A koli-nyúuri ayopõi na paalɩ a Naaŋmɩn suur a, nyɩ cen tɩ cir a ƴãw a tẽw zu.»

Yel-wula 16:18

Lɛ n'a a tɩ ɩ saa-nyɩwrʋ, kɔkɛɛ gɔmɛ nɩ a tẽsɔw-kɔbr na dam'ɩ fãw mɛ̃ bɛ na bɛ dãw nyɛ̃ ʋ dam'ɩ a fãw ŋa tɔ, a nɩsaal na tĩ kɛ́ be a tẽw zu a.

Yel-wula 16:21

Sa-bi-ku-bɛrɛ na tɩbrɛ bɛ dɩ vuo a tɩ yi n a salom zu ɛ́ lore a nɩsaalbɛ zu. A nɩsaalbɛ tɩ tʋʋr'ɩ a Naaŋmɩn a sa-bi-kube dɔwrʋ ƴãw, bʋ̃ʋ n'ʋ vɛ̃, a dɔwrʋ ŋa tɩ sɩrɩ na kpɛ kpɛ̃ɛ bɛ dɩ vuo ɩ.

Yel-wula 19:11

Al pùorí, ɩ̃ tɩ nyɛ̃ nɩ a salom ʋ yuo, ɛ́ wur-pla sãá. A ʋ zɔmnɛ dɩ na kɛ́ Pùor-bɛ-lɛbrɛ nɩ Mɩŋa sob. Ʋ maalɛ nɩ a ƴɛ̀rʋ ɛ́ zɛbr a zɛbr nɩ mɩnʋ.

Yel-wula 4:1

À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a. A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»

Yel-wula 4:5

Saa-nyɩwrʋ, nɩ kɔkɛɛ, nɩ saa tanʋ tɩ yire nɩ a naalʋ-dà-kɔw ƴãw. Lãpa vũuni ayopõi tɩ 'lere nɩ a naalʋ-dà-kɔw niŋé: a Naaŋmɩn Vʋʋrʋ ayopõi n'a.

Yel-wula 7:15

Alɛ so bɛ àr a Naaŋmɩn naalʋ-dà-kɔw niŋé, ɛ́ ƴãwnɛ a Naaŋmɩn mʋ̃tɔ̃w nɩ tɩ̃ɩsɔw, a ʋ yir pʋɔ. A sob nɛ na zɩ̃ a naalʋ-dà-kɔw zu a na piw bɛ na tɛr.

Yel-wula 8:5

Lɛ n'a a malkɩ tɩ de a tɩ-suur-zɔ̃-na-nyùur-vla-vla-a bʋ̃-nyɩ̀wrá mʋ̃ɔ a vũu a bàwr-maal-kuur zu paalɩ ɛ́ lɔb bɛr a tẽw zu. A tɩ ɩ n saa tanʋ, kɔkɛɛ gɔmɛ, saa-nyɩwrʋ nɩ tẽsɔw kɔbr damnʋ.

Yel-wula 8:7

A dãw-niwn sob tɩ pɛbl'ɩ a ʋ wɩ́ɛ. Sa-bi-kube nɩ vũu na jɛr zɩ̃ɩ a tɩ lo n a tẽw zu. A tẽw na põ ziir ata a zi-been tɩ dɩ n vũu. A tɩɩr na põ ziir ata a zi-been mɩ̀ tɩ dɩ n vũu, lãwnɩ a mɔ̃-ɓaar za.