Yel-wula 11:11 - A SƐB-SÕW

¹¹ Ɛcɛ, a bibie ata nɩ ŋmãa á ŋá pùorí a, nyɔ-vʋʋrʋ pɩɛlʋ na yi Naaŋmɩn zie a tɩ kpɛ n a bɛ pʋɔ bɛ ìr àr. Lɛ n'a dɛ̃bɩ̃ɛ yaga tɩ ɩrɛ a bɛlɩ dem za na nyɛ̃ bɛ a.

Yel-wula 11:11 ပူးပေါင်းရင်းမြစ်များ

Yele-za-pɛr-tib 2:7

A Sore Naaŋmɩn tɩ de nɩ a tẽsɔw tã-buulu mɛ n a nɩsaal, ɛ́ pɛblɩ a nyɔ-vʋʋrʋ pɩɛlʋ ƴãw a ʋ nyɔbɔgɛ pʋɔ, a nɩsaal lɩɛbɩ bʋ̃-vʋʋra.

Zeremi 33:9

Lɛ n'a nʋ̃ɔ̀ na mɩ́ ɩrɛ mɛ̃ a Zerizalɛm yúor bʋɔlʋ ƴãw. A tẽ-kpɛ̃ɛ ŋa na ɩ na ɩ̃ tɛr yúor, ʋlɛ n'ʋ na so ɩ̃ nyʋʋr a tẽw zu nɩ-bʋʋrɛ za niŋé. Bɛlɛ wa wõ a vla al za ɩ̃ na na maal'ʋ a, bɛ na màwr'ɩ dɛ̃bɩ̃-mawfʋ, ɛ́ pʋ̀lá vʋ̃ɔnɛ bɛ, bɛ na nyɛ̃ a nʋ̃ɔ̀ nɩ a ƴã-ɓaarʋ al za ɩ̃ na na kʋ̀ ʋ a.»

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Nɩ-toni 5:11

Dɛ̃bɩ̃-kpɛ̃ɛ tɩ nyɔw nɩ a Lãw-yir za nɩ a bɛlɩ dem za na tɩ wone a yele á ŋá a.

Nɩ-toni 5:5

A Ananɩasɩ na tɩ wõ a ƴɛ̀r-bie á ŋá a, ʋ lo na kpi. Dɛ̃bɩ̃-kpɛ̃ɛ tɩ tɛr'ɩ a nɩbɛ bɛl za na tɩ wone a yel ŋa a.

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

Zozue 2:9

tɩ yel bɛ: «Ɩ̃ bãwnɩ a na a Sore na kʋ̀ nyɩ a tẽw ŋa a. Nyɩ ƴãwnɛ tɩ nɩ dɛ̃bɩ̃ɛ bɛ dɩ vuo ɩ, ɛ́ a tẽw nɩbɛ za màwr a nyɩ niŋé.

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 11:9

Nɩbɛ na yi bʋʋrɛ za, dɔwlʋ za, ƴɛ̀r-pɛ-bʋʋrɛ za nɩ tẽw za pʋɔ a na jɩ́r'ɩ a bɛ kũuni bibie ata nɩ ŋmãa, ɛ́ kʋ̃ sàw bɛ ũù a ɩ.