Yel-wula 10:5 - A SƐB-SÕW

⁵ Lɛ n'a a malkɩ ʋl ɩ̃ na tɩ nyɛ̃ ʋ àr a kʋ̃ɔ-kpɛ̃ɛ zu nɩ a tẽw zu a tɩ zɛw a dʋrʋ nũu cɔw a salom,

Yel-wula 10:5 ပူးပေါင်းရင်းမြစ်များ

Yele-za-pɛr-tib 14:22

A Abram tɩ sɔw ʋ na: «Ɩ̃ tur'ɩ nũu cɔw a Sore, a Naaŋmɩn-na-do-saa-bɛ-pɩɛl-a na ír a salom nɩ a tẽw a:

Neemi 9:6

Fʋ̃ʋ n'ɩ a Sore, fʋ̃ʋ yõ tẽtẽ! Fʋ maal'ɩ a salom na bɛ dɩ vuo a, nɩ a ŋmar-bie za, a tẽw nɩ bom za na be a ʋ zu a, a kʋ̃ɔ-bɛrɛ nɩ bom za na be a pʋɔ a. Fʋ kʋ̀rɛ nɩ nyɔ-vʋʋrʋ bʋ̃-íra za. A saa-zu kpɛnʋ siwre nɩ a tʋɔra a fʋ niŋé.

Sɛb-sõw yielu 146:5

Zu-nʋ̃ɔ̀ sob'ɩ sob nɛ a Zakɔb Naaŋmɩn na ɩ a sõwne a, ʋʋ mɩ́ ƴãw a ʋ tɩɛrʋ a Sore ʋ Naaŋmɩn ƴãw a!

Eziptɩ tẽw yib 20:11

Bʋ̃ʋ n'ʋ vɛ̃, bibie ayʋɔb'a ɩ̃ ír a salom, a tẽw, a kʋ̃ɔ-kpɛ̃ɛ nɩ a bome al za na be a pʋɔ a. Ɛcɛ a bibie ayopõi sob a, ɩ̃ zɩ̃ na pɩ̃ɛnɩ. Alɛ so a mãa, a Sore, ɩ̃ maalɩ a pɩ̃ɛnʋ-bibir, ɛ́ ɩ k'ʋ ɩ sõw.»

Eziptɩ tẽw yib 6:8

Ɩ̃ na tɛr nyɩ na ta n a tẽw ʋl ɩ̃ na pɔ yel k'ɩ̃ɩ na kʋ̀ n a Abraham, a Ɩzaakɩ nɩ a Zakɔb a. Ɩ̃ na kʋ̀ nyɩ na nyɩ só ʋ. Mãa n'ɩ a Sore”.»

Ezekɩɛl 20:15

Ɛcɛ a wɛja-kpalɛ pʋɔ a, ɩ̃ tɩ pɔ na yel bɛ k'ɩ̃ɩ kʋ̃ tɛr bɛ cen nɩ a tẽw ʋl ɩ̃ na tɩ kʋ̀ bɛ a pʋɔ ɩ. A ten za pʋɔ tẽ-vla vla za tɩ n'ʋ, tẽw bʋ̀rʋ nɩ sɩwr na gbɔlɛ a.

Ezekɩɛl 20:23

A wɛja-kpalɛ pʋɔ a, ɩ̃ tɩ pɔ na yel bɛ k'ɩ̃ɩ na diw bɛ na yaarɩ nɩ-bʋʋr-yoru pʋɔ, tẽ-yoru pʋɔ.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Ezekɩɛl 20:42

Ɩ̃ na lɛb'a tɛr nyɩ cen nɩ a Ɩsɩrayɛl tẽw pʋɔ, a tẽw ʋl ɩ̃ na pɔ k'ɩ̃ɩ na kʋ̀ n a nyɩ sãàkʋm-kore a. A lɛn daar a, nyɩ na bãw na kɛ́ mãa n'ɩ a Sore.

Ezekɩɛl 20:5

Yel a lɛ a mãa Sore Naaŋmɩn na yere a kʋ̀ bɛ: A lɛn daar ɩ̃ na kaa ír a Ɩsɩrayɛl a, ɩ̃ ƴãw nɩ nʋɔr pɔ a nɩ-bʋʋrɛ bɛ ŋa nɩbɛ za zie. Ɩ̃ ɩ na bɛ bãw mɛ̃ a Eziptɩ tẽw, ɩ̃ zɛw nɩ nũu pɔ yel: “Mãa n'ɩ a Sore nyɩ Naaŋmɩn”.

Ezekɩɛl 36:7

A na ɩ lɛ a, a mãa Sore Naaŋmɩn yere na kʋ̀rɛ nyɩ, a nɩ-bʋʋr-yoru na viiri koli nyɩ a mɩ̀ na nyɛ̃ nɩ vĩ.

Ezekɩɛl 47:14

Nyɩ na põ nɩ a tẽw a zɛ̃ taa. Bʋ̃ʋ n'ʋ vɛ̃, ɩ̃ pɔ na yel k'ɩ̃ɩ na kʋ̀ n a Ɩsɩrayɛl tẽw a nyɩ sãàkʋm-kore, ɛ́ nyɩɩm so ʋ na dɩ a gbãw.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Nɩ-toni 17:23

Ɩ̃ na cɔlɛ a nyɩ sɛ́ɛ pʋɔ ɛ́ jɩ́rɛ a nyɩ ŋmɩmɛ maalʋ-ziir a, ɩ̃ wa tɩ nyɛ̃ nɩ bàwr-maal-kuur bɛ sɛb a ʋ zu: “Ŋmɩn tɩ na bɛ bãw a so ʋ.” A bom ʋl nyɩ na ƴãwnɛ à à ŋá ɛ́ bɛ bãw a, ʋlɛ n'ʋ ɩ̃ waar k'ɩ̃ɩ wa yel kʋ̀ nyɩ.

Ʋrɔm 1:20

Bʋ̃ʋ n'ʋ vɛ̃, a tẽ-daa íru daar za a, a Naaŋmɩn mɩŋa vɩɛlʋ na sɔwlɩ a, a pɛr lɛ k'aa ʋ kpɛnʋ na be kʋralɛ a, nɩ a ʋ naaŋmɩnʋ, a sãá nɩ a ʋ tome pʋɔ a nɩsaal yã na tʋ̃ɔ́ bãw. A na ɩ lɛ a, bɛ kʋ̃ tʋ̃ɔ́ yel kɛ́ bɛ bɛ bãw kɛ́ lɛ n'a ɩ.

Wulu-ayi-sob 32:40

Ɩ̃ ture nɩ nũu cɔwr a salom, ɛ́ pɔrɛ yere à ŋá: “Yel-mɩŋa n'a, ɩ̃ vʋʋrɛ nɩ kʋralɛ.

Ebre 6:13

A lɛn daar a Naaŋmɩn na tɩ ƴãw a ʋ nʋɔr kʋ̀ a Abraham a, a ʋl mɩŋa n'ʋ ʋ tɩ pɔ n, ʋ na bɛ tɩ nyɛ̃ nɩr ʋ ɩ kpɛ̃ɛ zuo ʋ, ʋ na pɔ n a.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Yel-wula 10:2

Ʋ tɩ tɛr'ɩ sɛble na yuo a, a ʋ nũú. Ʋ tɩ bin nɩ a dʋrʋ gbɛ́r a kʋ̃ɔ-kpɛ̃ɛ zu, ɛ́ bin a gʋba gbɛ́r a tẽw zu.

Yel-wula 14:7

Ʋ tɩ yere na nɩ kɔkɔ-kpɛ̃w: «Nyɩ zɔrɛ a Naaŋmɩn ɛ́ íre a ʋ yúor, bʋ̃ʋ n'ʋ vɛ̃, a ʋ ƴɛ̀rʋ-maalʋ daar ta na. Nyɩ lore gbine dume puore a salom nɩ a tẽw Íre, a kʋ̃ɔ-kpɛ̃ɛ nɩ a kʋl-bɔwrɩ Íre.»

Yel-wula 16:17

A malkɩ ayopõi sob tɩ cir'ɩ a ʋ dem ƴãw a pɩɛlʋ pʋɔ. Kɔkɔ-kpɛ̃w tɩ ƴɛ̀r'a yi a Ŋmɩn-yir-kpɛ̃ɛ pʋɔ, a naalʋ-dà-kɔw pɛr. Ʋ tɩ yere na: «A maal'a!»

Yel-wula 4:11

«Sore tɩ Naaŋmɩn i, fʋ sɛw na na nyɛ̃ danʋ, ƴãwfʋ nɩ kpɛnʋ. Bʋ̃ʋ n'ʋ vɛ̃, fʋ̃ʋ n'ʋ ír a bome za, fʋ sàw na k'aa be, ɛ́ ír a.»

Yel-wula 4:9

A bʋ̃-vʋʋrɩ anaar na mɩ́ wa yiele danɛ nɩ, ƴãwnɛ nɩ ɛ́ puore nɩ a sob nɛ na zɩ̃ a naalʋ-dà-kɔw zu a yãanɩ a, a sob nɛ na vʋʋrɛ kʋralɛ a,