Yel-wula 1:8 - A SƐB-SÕW

⁸ A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»

Yel-wula 1:8 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 28:3

A Naaŋmɩn kpɛnʋ-za-sob, ʋ maalɩ fʋ, ʋ ɩ fʋ yɛ̀r yãwmɛ yaga, ɛ́ ɩ nɩ-bʋʋrɛ na yãwmɛ ɓã taa a sãàkʋm.

Yele-za-pɛr-tib 35:11

A Naaŋmɩn tɩ cãà na lɛb yel ʋ: «Ɩ̃ ɩ n a Naaŋmɩn kpɛnʋ-za-sob. A dɔwfʋ, ʋ tu b, ɛ́ fʋ dɔw yɛ̀r yaga za. Fʋ na ɩ n nɩ-bʋʋrɛ kãw sãàkʋm, mɔ̃ mɩ̀, fʋ na ɩ n nɩ-bʋʋrɛ bʋʋrɛ na ɓã taa a sãàkʋm. Fʋ na dɔw nɩ na-mɩnɛ.

Yele-za-pɛr-tib 43:14

A Naaŋmɩn kpɛnʋ-za-sob, ʋ ɩ a nɩr ŋa zɔ nyɩ nɩbaalʋ, ɛ́ bɛr a Bɛ̃zamɛ nɩ a Sɩmɩ̃ɔ bɛ páw nyɩ lɛb wa! Mãa ƴãw a, ɩ̃ na zɩ̃ na bɛ tɛr bie ɩ, mɛ̃ ɩ̃ bɛ dãw tɛr ʋ a.»

Yele-za-pɛr-tib 48:3

Ʋ tɩ yel'ɩ a Zuzɛb: «A Naaŋmɩn kpɛnʋ-za-sob ɩ na k'ɩ̃ nyɛ̃ ʋ a Luuzɩ, a Kanãa tẽw. Ʋ maalɩ mɛ̃ na,

Yele-za-pɛr-tib 49:25

A fʋ sãà Naaŋmɩn na ɩ a fʋ sõwne a zũú, a Naaŋmɩn kpɛnʋ-za-sob na maalɛ fʋ a zũú, de a saa na mine a salom zu siwr a maalʋ, a kʋ̃ɔ na gã a tẽsɔw pʋ̃ɔmɩ za a maalʋ, a pɔwbɛ nɩ a dʋn na dɔwr a maalʋ.

Eziptɩ tẽw yib 3:14

A Naaŋmɩn tɩ yel'ɩ a Moyiir: «“Ɩ̃ Ɩ N A SOB NƐ Ɩ̃ NA Ɩ A.” Nyɛ̃ a lɛ fʋ na na tɩ yel kʋ̀ a Ɩsɩrayɛl nɩbɛ a: “Ɩ̃ BE NA tõ m'ɩ a nyɩ zie”.»

Eziptɩ tẽw yib 6:3

A koro za a, ɩ̃ tɩ ɩ na a Abraham, a Ɩzaakɩ nɩ a Zakɔb nyɛ̃ m, mɛ̃ a Naaŋmɩn kpɛnʋ-za-sob a. Ɛcɛ, ɩ̃ bɛ tɩ ɩ bɛ bãw a ɩ̃ yúor na dɩ “a Sore” a ɩ.

Ɩzayi 41:4

Ãa n'ʋ ɩ à á ŋá za? A sob nɛ na mɩ́ ɩ a yele ta a pɛr-tib daar a n'ʋ. Mãa n'ʋ, a Sore. Ɩ̃ ɩ n a niw-diere, ɛ́ tɩ ta a baarʋ daar a, ɩ̃ ɩ n a Sore.

Ɩzayi 43:10

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Ɩzayi 48:12

A Sore yere na: Nyɩ bɛrɛ wone mɛ̃, Zakɔb nɩ-bʋʋrɛ ɛ, nyɩɩm Ɩsɩrayɛl nɩbɛ ɩ̃ na bʋɔlɩ a. Mãa n'ʋ! Mãa n'ɩ a niw-diere, mãa mɩ̀ n'ɩ a po-pàwrɛ.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Sɔr-nɛ́ɛ 24:4

À ŋá n'a ɩ̃ yere, mãa na mɩ́ wõ a Naaŋmɩn ƴɛ̀rʋ ɛ́ nyɛ̃ a bʋ̃-nyɛrɩ a Kpɛnʋ-za-sob na mɩ́ bɛr a wa a. Ʋ mɩ́ sɩrɩ na ɩ ɩ̃ nyɛ̃ ʋ a lɛn daar ɩ̃ na mɩ́ puore ʋ nɩ ɩ̃ tʋɔra-siwru a.

2 Korɛ̃tɩ 6:18

Ɩ̃ na ɩ n sãà a nyɩ zie, ɛ́ nyɩ ɩ bidɛbr nɩ pɔwyaar a ɩ̃ zie, a Sore kpɛnʋ-za-sob'ʋ yel.»

Yel-wula 1:11

Ʋ tɩ yere na: «Sɛb a ʋlɩ bom fʋ na nyɛrɛ a ƴãw sɛbɛ pʋɔ tɩr kʋ̀ a Lãw-yie ayopõi á ŋá: Efɛɛzɩ, Sɩmɩɩr, Pɛrgam, Tɩatɩɩr, Sardɩ, Fɩladɛlfɩ nɩ Lawdise.»

Yel-wula 1:17

Ɩ̃ na tɩ nyɛ̃ ʋ a, ɩ̃ lo na gã a ʋ gbɛ́ɛ ƴãw mɛ̃ ɩ̃ kpi na a. Ɛcɛ, ʋ tɩ dɔwl'ɩ a ʋ dʋrʋ nũu a ɩ̃ zu ɛ́ yel: «Ta zɔrɛ dɛ̃bɩ̃ɛ ɩ: mãa n'ɩ a niw-diere nɩ a po-pàwrɛ,

Yel-wula 1:4

Mãa Zã, mãa n'ʋ puore a Lãw-yie ayopõi na be a Azi tẽw vuo pʋɔ a nɩbɛ: a Naaŋmɩn na be, dãw be ɛ́ waar a, ʋ kʋ̀ nyɩ a maalʋ nɩ a ƴã-ɓaarʋ. A vʋʋrʋ ayopõi na be a ʋ naalʋ-dà-kɔw niŋé a, a kʋ̀ nyɩ a maalʋ nɩ a ƴã-ɓaarʋ.

Yel-wula 11:17

yere nɩ: «Tɩ puore fʋ nɩ yãanɩ, Sore Naaŋmɩn kpɛnʋ-za-sob i, fʋ̃ʋ na be ɛ́ dãw be a, fʋ sɩrɩ na wul a fʋ fãw kpɛ̃ɛ ɛ́ zɩɩlɩ a fʋ naalʋ.

Yel-wula 15:3

Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá: «Sore Naaŋmɩn kpɛnʋ-za-sob i, a fʋ tome ɩ n tõ-bɛrɛ ɛ́ ɩ nɔ-ɓãa-tome. Ten za Nãà a, a fʋ ɩb tu n mɩnʋ nɩ yel-mɩŋa.

Yel-wula 16:14

Kɔ̃tɔmɛ sɩrɩ n'a! A maalɛ nɩ yel-bãw-guuri! A mɩ́ cen nɩ a tẽ-daa za na-mɩnɛ zie k'aa tɩ bʋɔlɩ bɛ ɓã taa a Naaŋmɩn kpɛnʋ-za-sob zɛbr bibi-kpɛ̃ɛ ƴãw.

Yel-wula 16:7

Ɩ̃ tɩ lɛb'a wõ kɔkɔr ʋ ƴɛ̀rɛ yire a bàwr-maal-kuur lowr yere: «Ʋ̃ʋ, Sore Naaŋmɩn kpɛnʋ-za-sob i, a fʋ ƴɛ̀rʋ fʋ na maalɩ a ɩ n sɩza ɛ́ tɛr yel-mɩŋa.»

Yel-wula 19:15

Zɛbr-sɔ-kpɛ̃ɛ na dɩrɛ a tɩ yire nɩ a ʋ nʋɔrɩ́, a nɩ-bʋʋrɛ gɔ́rʋ ƴãw. Ʋlɛ n'ʋ na ɩ a bɛ cɩ̃ɩnɛ, cɩ̃ɩnɛ bɛ nɩ gãdaalʋ, ɛ́ nɛb a divɛ̃ tɩ-wɔmɛ a Naaŋmɩn kpɛnʋ-za-sob suur bɔw-kpɛ̃ɛ pʋɔ.

Yel-wula 19:6

Ɩ̃ lɛb tɩ wõ na, a ɩ mɛ̃ nɩ-yaga yaga kɔkɛɛ na yire mɛ̃ kʋ̃ɔnɩ yaga na damnɛ a, mɛ̃ saa na tanɛ kpɛ̃w kpɛ̃w za a. A tɩ yere na: «Aleluya! Bʋ̃ʋ n'ʋ vɛ̃, a Sore, a tɩ Naaŋmɩn na ɩ kpɛnʋ-za-sob a, ʋ zɩɩl'ɩ a ʋ naalʋ.

Yel-wula 2:8

«Sɛb yel a Sɩmɩɩr tẽw Lãw-yir malkɩ: À ŋá n'a a niw-diere nɩ a po-pàwrɛ yere, a sob nɛ na tɩ kpi ɛ́ lɛb vʋʋrɛ a:

Yel-wula 21:22

Ɩ̃ bɛ tɩ nyɛ̃ Ŋmɩn-yir a ʋ pʋɔ ɩ, bʋ̃ʋ n'ʋ vɛ̃, a Sore, a Naaŋmɩn kpɛnʋ-za-sob nɩ a Pele tɩ n'ɩ a ʋ Ŋmɩn-yir.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 22:13

Mãa n'ɩ a Alfa nɩ a Omega, a niw-diere nɩ a po-pàwrɛ, a pɛr-tib nɩ a baarʋ.»

Yel-wula 4:8

A bʋ̃-vʋʋrɩ anaar á ŋá kãw za tɩ tɛr'ɩ pɩgɛ ayʋɔb na ɩ mimie tɛwr a zikurí nɩ a pʋ̃ɔmɩ a. Mʋ̃tɔ̃w nɩ tɩ̃ɩsɔw, a tɩ yere na bɛ tɛr nãà bɛr ɛ: «Sõw, sõw, sõw n'ɩ a Sore, Naaŋmɩn kpɛnʋ-za-sob, ʋl na tɩ be, na be, ɛ́ waar a!»