Yel-wula 1:5 - A SƐB-SÕW

⁵ A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 1:5 ပူးပေါင်းရင်းမြစ်များ

Sɛb-sõw yielu 51:2

A Daviir na tɩ gã nɩ a Bɛtɩsabe baarɩ, ɛ́ a naaŋmɩn-ƴɛ̀r-manɛ Natan cen tɩ páw ʋ a lɛn daar a n'a.

Sɛb-sõw yielu 72:11

A na-mɩnɛ za na gbĩ n dume a ʋ niŋé, a nɩ-bʋʋrɛ za na tone nɩ a ʋ tome.

Sɛb-sõw yielu 89:27

Ʋ na mɩ́ yel mɛ̃ na: “Fʋ ɩ n ɩ̃ Sãà, fʋ ɩ n ɩ̃ Naaŋmɩn, a pì-kpɛ̃w na faarɛ mɛ̃ a!”

Zʋkpaɩ 14:5

Dãsɩɛ sob na yere yel-mɩŋa a bɛ ŋmarɛ ziri ɛ, ɛcɛ ziri tɛwr'a a dãsɩ-ziri sob mɩ́ ŋmarɛ.

Ɩzayi 55:4

Ɩ̃ tɩ ɩ na ʋ ɩ a ɩ̃ kpɛnʋ dãsɩɛ sob a nɩbɛ zie, ʋ ɩ nɩ-kpɛ̃ɛ dɩrɛ nɩ-kpɛ̃ɛnʋ nɩbɛ zu.

Levitɩ mɩnɛ 13:58

«Bɛlɛ wa pɛ́w kparʋ, pɛn bɩɩ gán bom ulu na nyɔw a, a ulu wa yi a, a fɛr'a kɛ́ bɛ lɛb pɛ́w ʋ a gb'a ayi sob ʋ vɩɛl.»

Zakari 13:1

«A lɛn daar a, kʋ̃ɔ na bule na yire a Daviir bʋʋrɛ nɩ a Zerizalɛm nɩbɛ yel-bebe nɩ a bɛ dɛwr pɛwfʋ ƴãw.»

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Zã 13:1

A Tɔl-gãw cuw zãa daarɩ́ tɩ n'a. A Yeezu na tɩ bãw kɛ́ a daar ʋl, ʋ na na yi a tẽ-daa ŋa zu lɛb cen a ʋ Sãà zie a, ta na a, ʋ na tɩ nɔ̃w a ʋ nɩbɛ na be a tẽ-daa zu a, ʋ nɔ̃w bɛ na tɩ ɓɩɩlɩ.

Zã 13:34

Ɩ̃ ƴãwnɛ nɩ nɔ-paala kʋ̀rɛ nyɩ: nyɩ nɔnɛ taa. Mɛ̃ a lɛ ɩ̃ na nɔ̃w nyɩ a, a nyɩɩm mɩ̀, nyɩ nɔnɛ taa.

Zã 15:9

Mɛ̃ a lɛ a Sãà na nɔ̃w mɛ̃ a, lɛ n'a ɩ̃ mɩ̀ nɔ̃w nyɩ. Nyɩ be a ɩ̃ nɔ̃wfʋ pʋɔ.

Zã 18:37

Lɛ n'a a Pɩlatɩ sowr'ʋ: «A ɩ lɛ fʋ ɩ nãà ʋ?» A Yeezu sɔw: «Fʋ̃ʋ n'ʋ yere k'ɩ̃ɩ ɩ n nãà. Ɩ̃ dɔw na, ɩ̃ɩ wa n a tẽ-daa zu k'ɩ̃ɩ wa dɩ a yel-mɩŋa dãsɩɛ. Nɩr za na ɩ yel-mɩŋa nɩr a bɛrɛ na wone a ɩ̃ ƴɛ̀rʋ.»

Zã 3:11

Yel-mɩŋa sɩza sɩza, ɩ̃ yere na kʋ̀rɛ fʋ: bom tɩ na bãw a ƴɛ̀rʋ n'a tɩ ƴɛ̀rɛ, bom tɩ na nyɛ̃ a dãsɩɛ n'a tɩ dɩrɛ, ɛ́ nyɩ bɛ sàw dier a tɩ dãsɩɛ ɩ.

Zã 3:16

Naaŋmɩn sɩrɩ na nɔ̃w a tẽ-daa yaga za, tɩ de a ʋ Bie, ʋ Bi-been kʋ̀ ʋ, kɛ́ nɩr za na sàw de ʋ a, ta kpi ɛ, ɛ́ páw a nyɔ-vʋʋrʋ na be kʋralɛ a.

Zã 3:32

ʋ dɩrɛ nɩ a bom nɛ ʋ na nyɛ̃ ɛ́ wõ a dãsɩɛ, ɛ́ nɩr za bɛ sàwr dier a ʋ dãsɩɛ ɩ.

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Nɩ-toni 26:23

Bɛ tɩ dãw na yel kɛ́ a Kɩrɩta na wõ n tuo ɛ́ lɛb de niwn yi a kũuni pʋɔ, k'ʋʋ na hier'ɩ a faafʋ cãà kʋ̀ a tɩ bʋʋrɛ nɩ a nɩ-bʋʋr-yoru.»

Ʋrɔm 3:25

A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.

Ʋrɔm 8:37

Ɛcɛ à á ŋá za pʋɔ a, tɩ zɛb'a tʋ̃ɔ́ pẽlẽpẽlẽ, ɛ́ a ɩ a sob nɛ na nɔ̃w tɩ a zũú n'a.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Efɛɛzɩ 2:4

Ɛcɛ a Naaŋmɩn na dɩrɛ su-ɓaarʋ naalʋ, ɛ́ nɔ̃w tɩ nɩ nɔ̃wfʋ na bɛ dɩ vuo a,

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Wulu-ayi-sob 18:2

A levitɩ mɩnɛ kʋ̃ tɛr tẽsɔwr a Ɩsɩrayɛl nɩbɛ ŋmãa sɔgɔ ɩ. A bɛ bom'ɩ a Sore, mɛ̃ a lɛ ʋ na yel kʋ̀ bɛ a.

Wulu-ayi-sob 23:5

Bʋ̃ʋ n'ʋ vɛ̃, a nɩ-bʋʋrɛ bɛ ŋa bɛ tuor'ɩ nyɩ kʋ̃ɔ nɩ dipɛ̃ a sɔ́r zu a lɛ nyɩ na tɩ yi a Eziptɩ a ɩ. Bɛ nɩ̃ɛ na tɩ ƴãw Bewɔɔr bidɛb, a bàwr-bʋwrɛ Balaam, ʋ yi Petoor na be a Mezopotami Saa-zu a wa, bɛ wa kʋ̀ ʋ libie k'ʋʋ tʋ̃ɔ́ ŋmɛ ƴãw nyɩ.

Wulu-ayi-sob 7:8

Ɛcɛ a Sore nɔnɛ nyɩ na, ɛ́ tu a lɛ ʋ na tɩ pɔ yel a nyɩ sãàkʋm-kore zie a. Ʋ ɩ n nɩ a ʋ fãw na bɛ tɛr tʋ̃ɔ́fʋ a nyɩ yi a Eziptɩ, a be nyɩ na tɩ ɩ gbãgbaar a. Ʋ faa nyɩ nɩ a Eziptɩ nãà Faarawɔ̃ nuru pʋɔ.

Kɔlɔsɩ 1:18

Ʋlɛ n'ʋ ɩ a ʋ Lãw-yir ƴã-gan zu, ʋlɛ n'ɩ a bome za pɛr-tib zie, a bi-dãw-dɔwra na de niwn lɛb yi a kũuni pʋɔ, k'ʋʋ tʋ̃ɔ́ ɩ a niw-diere a yele za pʋɔ a.

1 Timote 6:13

Ɩ̃ zɛlɛ fʋ nɩ a Naaŋmɩn niŋé, ʋl na kʋ̀rɛ nyɔ-vʋʋrʋ a bome za a, nɩ a Kɩrɩta Yeezu niŋé, ʋl na dɩ a dãsɩ-vla a Pɔ̃sɩ-Pɩlatɩ niŋé, a naaŋmɩn-sàw-deb ʋ na hieri a pʋɔ a, ɩ̃ zɛlɛ fʋ na:

1 Timote 6:15

A ʋlɩ sob na na wul a Kɩrɩta a daar nãà wa ta a, ʋlɛ n'ɩ a Na-kpɛ̃ɛ been na ɩ zu-nʋ̃ɔ̀ sob a, a na-mɩnɛ za Nãà nɩ a sorbɛ za Sore,

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

1 Pɩɛr 1:19

Ɛcɛ zɩ̃ɩ na ɩ zɩ̃ɩ a n'a faa nyɩ, a Kɩrɩta zɩ̃ɩ, ʋl na ɩ a Pele na bɛ tɛr faalʋ nɩ dɛwr a.

1 Zã 1:7

Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.

1 Zã 4:10

À ŋá n'a a nɔ̃wfʋ ŋmɛ̃: tɩmɛ bɛ nɛbɛ nɔ̃w a Naaŋmɩn ɛ, ʋlɛ n'ʋ nɔ̃w tɩ, ɛ́ tõ a ʋ Bie k'ʋʋ wa de ʋ tʋɔra maal'ɩ bàwr a tɩ yel-bebe suur-dɩ-kʋ̀b ƴãw.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»

Yel-wula 17:14

Bɛ na zɛb'ɩ nɩ a Pele, ɛcɛ a Pele na zɛb'a tʋ̃ɔ́ bɛ, ʋ na ɩ a sorbɛ za Sore nɩ a na-mɩnɛ za Nãà a ƴãw. Ʋ na zɛb'a tʋ̃ɔ́ bɛ, ʋlɛ nɩ a bɛlɩ dem bɛ na bʋɔlɩ a, a bɛlɩ dem bɛ na kaa ír a, nɩ a bɛlɩ dem na bɛ lɛb pùor a.»

Yel-wula 19:11

Al pùorí, ɩ̃ tɩ nyɛ̃ nɩ a salom ʋ yuo, ɛ́ wur-pla sãá. A ʋ zɔmnɛ dɩ na kɛ́ Pùor-bɛ-lɛbrɛ nɩ Mɩŋa sob. Ʋ maalɛ nɩ a ƴɛ̀rʋ ɛ́ zɛbr a zɛbr nɩ mɩnʋ.

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.