Yel-wula 1:18 - A SƐB-SÕW

¹⁸ a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Yel-wula 1:18 ပူးပေါင်းရင်းမြစ်များ

A Zɔb sɛbɛ 19:25

Ɛcɛ mãa a, ɩ̃ bãw na k'aa ɩ̃ faarɛ vʋʋrɛ na, ɛ́ a baarʋ daar a, ʋ na ìr'a àr a tẽw zu.

A Zɔb sɛbɛ 38:17

Bɛ wul fʋ nɩ a kũu dɩ̃dɛɛ zie e? Fʋ nyɛ̃ nɩ a nyãakpɩmɛ tẽw dɩ̃dɛɛ ɛ?

Sɛb-sõw yielu 18:46

a bɛ fãw báarɛ na, bɛ màwr'a wa yire nɩ a bɛ sɔwlʋ ziir.

Sɛb-sõw yielu 68:20

A Sore tɛr'ɩ puoru bibir za. A Naaŋmɩn tɩ Faarɛ kaarɛ nɩ tɩ zie. Tɛw-àrʋ

Ɩzayi 22:22

Ɩ̃ na de nɩ a Daviir yir pĩi kʋ̀ ʋ. Ʋlɛ wa yuo a pan a, nɩr bɛ pàwr ʋ ɛ, ʋlɛ wa pàw ʋ a, nɩr bɛ yuore ʋ ɛ.

Matie 11:23

Ɛ́ fʋ̃ʋ, Kafarnawɔm i, fʋ tɩɛrɛ kɛ́ fʋ na do na tɩ tɔ a salom bɩɩ? Fʋ na siwri na tɩ ta a kpɩmɛ tẽw. Bʋ̃ʋ n'ʋ vɛ̃, a nɔ-ɓãa-yele na maalɩ a fʋ zie a, a Sodɔm tẽw tɩ n'a a, ʋ nãá cãà nɩ be nɩ dɩ̃a.

Matie 16:19

Ɩ̃ na kʋ̀ b'ɩ a tẽ-vla Naalʋ dɩ̃dɔr pime: bom nɛ za fʋ na na 'lẽ a tẽw zu ka a, mɩ̀ na 'lẽ nɩ a tẽ-vla pʋɔ, ɛ́ bom nɛ za fʋ na na cɛ̀r bɛr a tẽw zu ka a, mɩ̀ na cɛ̀r'ɩ a tẽ-vla pʋɔ.»

Luka 24:5

Dɛ̃bɩ̃ɛ tɩ nyɔw nɩ a pɔwbɛ bɛ su zuru. A dɛbr tɩ yel bɛ na: «Bʋ̃ʋ n'ʋ so nyɩ bɔbr nɩ-vʋʋra a kũuni pʋɔ?

Zã 11:25

A Yeezu lɛb yel ʋ: «Mãa n'ɩ a Kũu-pʋɔ-lɛb-yibu nɩ a Nyɔ-vʋʋrʋ. Ʋlɩ sob na sàw de m a, ʋlɛ saa kpi, ʋʋ na vʋʋrɛ na,

Zã 14:19

Blã blã, ɛ́ a tẽ-daa kʋ̃ lɛb nyɛ̃ m ɛ. Ɛcɛ a nyɩɩm, nyɩ na nyɛ̃ m'a, ɩ̃ vʋʋrɛ, ɛ́ nyɩ mɩ̀ na vʋʋrɛ na.

Ʋrɔm 6:9

Bʋ̃ʋ n'ʋ vɛ̃, tɩ bãw na k'aa Kɩrɩta na lɛb yi a kũu pʋɔ a, ʋ bɛ lɛb kpiir ɛ, a kũu bɛ cãà dɩ naalʋ a ʋ zu ɛ.

2 Korɛ̃tɩ 13:4

Sɩza n'a, ʋ tɩ ɩ n bãbàal a lɛn daar bɛ na tɩ kpa ʋ a da-gara zu a, ɛcɛ a Naaŋmɩn fãw ɩ na ʋ vʋʋrɛ. Ɛ́ a tɩɩm na lãw nɩ ʋ a, tɩ mɩ̀ ɩ n bãbàalbɛ, ɛcɛ tɩ na wul nyɩ na a sãá, a Naaŋmɩn fãw na ɩ na tɩ lãw nɩ ʋ ɩ nɩ-vʋʋrɩ.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Kɔlɔsɩ 3:3

Nyɩ sɩrɩ na lãw nɩ a Kɩrɩta kpi, ɛ́ a nyɩ nyɔ-vʋʋrʋ lãw nɩ ʋ sɔwlɩ be a Naaŋmɩn zie.

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 7:16

Ʋ bɛ lɩɛbɩ a bàwr-maalɛ a tu nʋɔr na tu nɩsaalbɛ dɔwfʋ a ɩ, ɛ́ lɩɛbɩ a bàwr-maalɛ nyɔ-vʋʋrʋ na bɛ tɛr sãwfʋ a fãw zũú.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

Yel-wula 10:6

ɛ́ pɔ n a Naaŋmɩn na vʋʋrɛ kʋralɛ a, a Naaŋmɩn na ír a salom nɩ bom za na be a ʋ zu a, na ír a tẽw nɩ bom za na be a ʋ zu a, na ír a kʋ̃ɔ-kpɛ̃ɛ nɩ bom za na be a ʋ pʋɔ a. A malkɩ tɩ yel'a: «Alɛ sɛr kʋ̃ lɛb cãà be ɩ!

Yel-wula 15:7

A bʋ̃-vʋʋrɩ ƴen sob tɩ kʋ̀ n a malkɩ ayopõi salm-zɩɛ koli-nyúuri ayopõi na paalɩ a Naaŋmɩn na vʋʋrɛ kʋralɛ a suur a.

Yel-wula 2:8

«Sɛb yel a Sɩmɩɩr tẽw Lãw-yir malkɩ: À ŋá n'a a niw-diere nɩ a po-pàwrɛ yere, a sob nɛ na tɩ kpi ɛ́ lɛb vʋʋrɛ a:

Yel-wula 20:13

A kʋ̃ɔ-kpɛ̃ɛ tɩ tɩr'ɩ a ʋ kũuni, a kũu nɩ a kpɩmɛ tẽw mɩ̀ tɩr a kũuni: bɛ tɩ maal'ɩ nɩ bɛ za a ƴɛ̀rʋ tu n a bɛ ɩ-ɩrɩ.

Yel-wula 20:14

Bɛ tɩ lɔb'ɩ a kũu nɩ a kpɩmɛ tẽw ƴãw a gbãtar-kpɛ̃ɛ vũumí. A gbãtar-kpɛ̃ɛ vũu ɩ n a kũu-gb'a ayi sob.

Yel-wula 3:7

«Sɛb yel a Fɩladɛlfɩ tẽw Lãw-yir malkɩ: À ŋá n'a a Nɩ-sõw, a Sob nɛ na tɛr yel-mɩŋa a, yere, ʋl na tɛr a nãà Daviir pĩi a, ʋl na mɩ́ yuo ɛ́ nɩr kʋ̃ tʋ̃ɔ́ pàw a, ʋl na mɩ́ pàw ɛ́ nɩr kʋ̃ tʋ̃ɔ́ yuo a:

Yel-wula 4:9

A bʋ̃-vʋʋrɩ anaar na mɩ́ wa yiele danɛ nɩ, ƴãwnɛ nɩ ɛ́ puore nɩ a sob nɛ na zɩ̃ a naalʋ-dà-kɔw zu a yãanɩ a, a sob nɛ na vʋʋrɛ kʋralɛ a,

Yel-wula 5:14

A bʋ̃-vʋʋrɩ anaar mɩ́ tɩ sɔw na kɛ́: «Amɛn!» A nɩ-kore mɩ́ tɩ gbĩ n dume ɛ́ puori nɩ bɛ tʋɔra-siwru.

Yel-wula 6:8

Ɩ̃ tɩ jɩ́r'a nyɛ̃ wur na sɔb mɛ̃ va-sɛbla a. A ʋ zɔmnɛ dɩ na kɛ́ Kũu, ɛ́ a kpɩmɛ tẽw tɩ tuur ʋ. Bɛ tɩ kʋ̀ a nɩ fãw a tẽw ziir anaar sob zu, k'aa kʋrɛ a nɩbɛ nɩ a zɛbr-sɔ-kpɛ̃ɛ, nɩ a kɔ̃, nɩ a bàal-faar nɩ a tẽw zu wɛ-dʋ̃-faar.

Yel-wula 9:1

A malkɩ anũu sob tɩ pɛbl'ɩ a ʋ wɩ́ɛ. Ɩ̃ tɩ nyɛ̃ nɩ ŋmar-bir ʋ yi a salom zu wa lo a tẽw. Bɛ tɩ kʋ̀ ʋ nɩ a kɔ̃tɔmɛ dɔwrʋ bɔw-zulu pĩi.

1 Samɩɛl 2:6

A Sore n'ʋ ɩrɛ a nɩsaalbɛ kpiir ɛ́ ʋlɛ n'ʋ ɩrɛ bɛ vʋʋrɛ, ʋlɛ n'ʋ ɩrɛ bɛ siwr a kpɩmɛ tẽw, ɛ́ ʋlɛ n'ʋ ɩrɛ bɛ lɛb yire a be dúor waar.