Yel-wula 1:15 - A SƐB-SÕW

¹⁵ A ʋ gbɛ́ɛ tɩ nyɩwrɛ na mɛ̃ kur-zɩɛ bɛ na zuw ʋ mʋ̃ɔ a, ɛ́ a ʋ kɔkɔr yire kpɛ̃w za mɛ̃ a kʋ̃ɔ-kpɛ̃ɛ gɔmɛ a.

Yel-wula 1:15 ပူးပေါင်းရင်းမြစ်များ

Sɛb-sõw yielu 93:4

Ɛcɛ fʋ tɛr'ɩ kpɛnʋ zuo a kʋ̃ɔ na bɛ dɩ vuo a gɔmɛ, zuo a kʋ̃ɔ-kpɛ̃ɛ kʋ̃ɔ-mie! Sore e, fʋ tɛr'ɩ kpɛnʋ a saa-zu.

Ɩzayi 17:13

A nɩ-bʋʋrɛ damnʋ ɩ na mɛ̃ a kʋ̃ɔ-bɛrɛ damnʋ a. Ɛcɛ a Sore tanɛ bɛ na bɛ zɔrɛ zãánɛ. Bɛ diw bɛ na mɛ̃ ùr tan pʋɔ sɛsɛb na diw a, mɛ̃ pupun bie sɛsɛb-pɩl na ɓáw cen nɩ a.

Ezekɩɛl 1:24

Ɩ̃ tɩ wõ n a gɔmɛ a pɩgɛ na tɩ ɩrɛ a bʋ̃-vʋʋrɩ na mɩ́ wa cere tɔlɛ nidaa a. A gɔmɛ á ŋá tɩ ŋmɛ̃ na taa nɩ kʋ̃ɔ-kpɛ̃ɛ damnʋ, saa-tanʋ, a Kpɛnʋ-za-sob kɔkɔr bɩɩ zɛbr-nɩbɛ na yãwmɛ a gɔmɛ a. A na mɩ́ tɩ tɛw àr a, a mɩ́ tɩ ɓã n a pɩgɛ taa.

Ezekɩɛl 1:7

A gbɛ́ɛ tɩ tori na, a gbɛ-ceni tɩ ŋmɛ̃ na taa nɩ nále nafɩlɛ, ɛ́ tɩ nyɩwrɛ mɛ̃ kur-zɩɛ bɛ na kàr a.

Ezekɩɛl 40:3

Ʋ tɩ tɛr mɛ̃ na cen nɩ a be, ɛ́ bom ŋa n'ʋ ɩ̃ tɩ nyɛ̃: nɩr na ŋmɛ̃ taa nɩ kur-zɩɛ a tɩ àr'ɩ saaƴẽwn pɩɛlɩ dɩ̃dɔr. Ʋ tɩ tɛr'ɩ lɛ̃ miwr a nũú nɩ dali-mána a manʋ ƴãw.

Ezekɩɛl 43:2

Lɛ n'a ɩ̃ tɩ nyɛ̃ a Ɩsɩrayɛl Naaŋmɩn yúor-vɩɛlʋ-danʋ ʋ yi a saa-pɛrɩ́ waar. A gɔmɛ ʋ na tɩ ɩrɛ a ŋmɛ̃ na taa nɩ kʋ̃ɔ-kpɛ̃ɛ gɔmɛ, ɛ́ a ʋ cãà tɩ caalɛ a tẽw.

Yel-wula 10:1

Al pùorí, ɩ̃ tɩ nyɛ̃ nɩ malkɩ na kpɛmɛ a, ʋ yi a salom zu siwr. Zũzuwr tɩ pili na pàw ʋ, ɛ́ sa-gõguo be a ʋ zũú mɛ̃ nãà-kpawʋɔ a. A ʋ niwn tɩ ɩ na mɛ̃ mʋ̃tɔ̃w a, ɛ́ a gbɛ́ɛ ɩ mɛ̃ vũu kpule a.

Yel-wula 14:2

Ɩ̃ tɩ wõ n kɔkɔr na ƴɛ̀rɛ yire a salom zu, ɩ mɛ̃ kʋ̃ɔ-kpɛ̃ɛ kʋ̃ɔnɩ na damnɛ a, mɛ̃ saa na tanɛ kpɛ̃w kpɛ̃w za a. A kɔkɔr ɩ̃ na tɩ wõ a tɩ ɩ na mɛ̃ korijom ŋmɩɛrbɛ na ŋmɩɛr a bɛ korijom a.

Yel-wula 19:6

Ɩ̃ lɛb tɩ wõ na, a ɩ mɛ̃ nɩ-yaga yaga kɔkɛɛ na yire mɛ̃ kʋ̃ɔnɩ yaga na damnɛ a, mɛ̃ saa na tanɛ kpɛ̃w kpɛ̃w za a. A tɩ yere na: «Aleluya! Bʋ̃ʋ n'ʋ vɛ̃, a Sore, a tɩ Naaŋmɩn na ɩ kpɛnʋ-za-sob a, ʋ zɩɩl'ɩ a ʋ naalʋ.

Yel-wula 2:18

«Sɛb yel a Tɩatɩɩr tẽw Lãw-yir malkɩ: À ŋá n'a a Naaŋmɩn Bie yere, ʋl a mimie na ɩ mɛ̃ vũu-'lera ɛ́ a gbɛ́ɛ nyɩwrɛ mɛ̃ kur-zɩɛ bɛ na kàr a.