3 A Zuzɛb tɩ yel'ɩ a ʋ yɛbr: «A mãa Zuzɛb ʋ! A ɩ̃ sãà cãà na a?» Ɛcɛ a ʋ yɛbr bɛ tɩ tʋ̃ɔ́ sɔw ʋ ɛ, bɛ na bɛ tɩ bãw a lɛ bɛ na na tɛr bɛ tʋɔra a ʋ niŋé a ƴãw.
Ƴɛrɛŋa ʋl a, nyɩ wa tɩ kʋ ʋ lɔb ƴãw a sa-bie-kʋ̃ɔ-bɔwrɩ á ŋá kãw pʋɔ, ɛ́ yel kɛ́ wɛ-dʋ̃-faa kãw nyɔw ʋ na 'wɔb. Tɩ na nyɛ̃ nɩ a lɛ a na na ŋmɛ̃ a ʋ zánʋ ƴãw a.»
Ɛcɛ bɛ tɩ yere nɩ a bɛ cara pʋɔ: «'Woi! Tɩ nyɛrɛ nɩ dɔwrʋ a tɩ yɛb Zuzɛb ƴãw: tɩ tɩ nyɛ̃ nɩ a ʋ kpɩɛrʋ, a lɛ ʋ na tɩ zɛlɛ tɩ kɛ́ tɩ zɔ ʋ nɩbaalʋ a, ɛ́ tɩ bɛ tɩ bɛr wõ a ʋ zɛlʋ ɛ. Alɛ n'a so a kpɩɛrʋ á ŋá na ta tɩ a.»
Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.
Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.